ماڭعىستاۋدا قازاق, ورىس جانە اعىلشىن تىلدەرىندە ەركىن سويلەيتىن ۇستازداردىڭ اراسىندا "ۇزدىك كوپتىلدى پەداگوگ-2016" وبلىستىق بايقاۋ ءوتتى. قازان ايىندا جاريالانعان بايقاۋعا قاتىسۋشىلار وقىتۋ ادىستەرى, تىلدىك قورى مەن سويلەۋ شەبەرلىكتەرى, سونداي-اق ءار ءتىلدىڭ ەرەجەسىن ءبىلۋى بويىنشا سىنالدى.
بايقاۋعا وبلىس بويىنشا ءارتۇرلى پاندەردەن ساباق بەرەتىن 30 مۇعالىم قاتىسىپ, جۇيرىك تانىلعان 6 مۇعالىم ىرىكتەلىپ شىقتى. ءبىرىنشى ورىندى جەڭىپ الىپ, «ۇزدىك كوپتىلدى پەداگوگ - 2016» اتانعان مۇنايلى اۋدانىنداعى مەكتەپتەردىڭ بىرىندە حيميا پانىنەن ساباق بەرەتىن گۇلبانۋ بەكباساروۆا وتكەن جىلدان باستاپ ءۇش ءتىلدى وقىتۋ جۇيەسىنە كوشتكەندىگىن, ءۇش تىلدە وقىتۋدىڭ ەرەكشەلىگى - وزگە تىلدە ەركىن سويلەي الاتىن بالالاردىڭ جوعارى وقۋ ورنىنا تۇسكەن كەزدە نەمەسە شەتەلگە شىققاندا تىلگە قاتىستى قيىندىققا كەزىكپەيتىندىگىمەن ءتۇسىندىردى.
گۇلايىم شىنتەمىرقىزى, "ەگەمەن قازاقستان".
ماڭعىستاۋ وبلىسى