قازالى اۋدانىنىڭ اكىمى ناجمادين شامۇراتوۆ جەلتوقسان وقيعاسىنا قاتىسقان قازالىلىق ازاماتتارمەن كەزدەسىپ, سىي-قۇرمەت كورسەتتى, دەپ حابارلادى اۋدان اكىمدىگىنىڭ ءباسپاسوز قىزمەتى.
«سىزدەر جەلتوقسان وقيعاسىندا قازاقتىڭ رۋحى كۇشتى, ءور, نامىستى حالىق ەكەندىگىن ايداي الەمگە تانىتتىڭىزدار. «ەر ەسىمى - ەل ەسىندە» دەگەندەي, جەلتوقسان وقيعاسىنا قاتىسقان قازالىنىڭ سول كەزدەگى 17-18-دەگى ورىمدەي جاستارى, بۇگىن كەمەل جاسقا كەلدىڭىزدەر. ءار سالادا قىزمەت ەتىپ, ەل مەن جەردىڭ وركەندەۋىنە ۇلەس قوسىپ جاتىرسىزدار», - دەدى اۋدان اكىمى.
كەزدەسۋ بارىسىندا جەلتوقسان وقيعاسىنا قاتىسۋشىلار ا.قوجاقوۆا, ۇ.الماتوۆا, ج.نۇرماشەۆا, ا.ماشاي جەلتوقساندىقتارعا اۋدان باسشىلىعىنىڭ تاراپىنان كورسەتىلىپ جاتقان قولداۋعا ريزاشىلىقتارىن ءبىلدىردى.