«قازگيدرومەت» 2026 جىلعى قاڭتار ايىندا ەلىمىزدە جاڭا تەمپەراتۋرالىق ماكسيمۋمدار تىركەلىپ, سونىڭ ىشىندە 51 جىل بويى ساقتالعان رەكورد جاڭارعانىن حابارلادى, دەپ جازادى Egemen.kz.
ماسەلەن, قاڭتاردىڭ ءبىرىنشى ونكۇندىگى بۇكىل ەل اۋماعىندا, سونداي-اق ەكىنشى ونكۇندىكتىڭ باسىندا وڭتۇستىكتە كۇن رايى ادەتتەگىدەن جىلى بولعان. ورتا ازيا ايماقتارىنان جىلى اۋا ماسسالارىنىڭ جىلجۋى كەزىندە بىرقاتار وڭىردە تاريحي ماكسيمۋمدار جاڭارۋىنا اسەر ەتكەن. «قازگيدرومەت» دەرەگىنشە, 11 قاڭتاردا قاراعاندىدا اۋا تەمپەراتۋراسى +5,5 °C-قا جەتىپ, 2016 جىلعى الدىڭعى رەكوردتان 1,5 گرادۋسقا جوعارى بولسا, شىمكەنتتە +17,4 °C تىركەلىپ, 1987 جىلعى ماكسيمۋمنان (+17,3 °C) استى. تارازدا تەرمومەتر باعاندارى +19,3 °C-قا كوتەرىلىپ, 1999 جىلعى بۇرىنعى رەكوردتى (+14,2 °C) ايتارلىقتاي باسىپ وزدى.
اۋا رايى: بوران مەن قاتتى ايازعا بايلانىستى ەسكەرتۋ جاريالاندى
12 قاڭتاردا اقتاۋدا اۋا تەمپەراتۋراسى +13,4 °C-قا دەيىن جىلىنىپ, بۇل 2025 جىلعى رەكوردتىق ماننەن (+9,7 °C) جوعارى كورسەتكىش تىركەلدى. وسى كۇنى قاراعاندىدا دا +1,2 °C تىركەلىپ, 1975 جىلعى ماكسيمۋمنان (+1,0 °C) اسىپ ءتۇستى. وسىلايشا 51 جىل بۇرىنعى تەمپەراتۋرالىق رەكورد جاڭارعان. سەمەيدە اۋا تەمپەراتۋراسى +1,5 °C بولىپ, 1975 جىلعى كورسەتكىشتەن (+1,0 °C) جوعارى بولدى. وسكەمەندە اۋا +4,4 °C-قا دەيىن جىلىپ, 1987 جىلعى رەكوردتان (+3,4 °C) اسقان.13 قاڭتاردا تۇركىستاندا +16,8 °C تىركەلىپ, 1986 جىلعى ماكسيمۋمنان (+11,3 °C) جوعارى بولدى.
ەلىمىزدىڭ ءۇش وڭىرىندە اۋا رايىنا بايلانىستى جولدار جابىلدى
سونىمەن قاتار ەلدىڭ سولتۇستىك جارتىسىندا سۋىق اۋا ماسسالارىنىڭ كەلۋىنە بايلانىستى تەمپەراتۋرا كۇرت تومەندەدى. تۇنگى ۋاقىتتا تەرمومەتر باعاندارى −30…−38 °C-قا دەيىن تۇسسە, شىعىس قازاقستان جانە اباي وبلىستارىندا اياز −40 °C-قا جەتتى. مارقاكول مەتەوستانتسياسىندا −42,6 °C تىركەلدى.
ەندى اۋا رايى بولجامى سۋرپەركومپيۋتەر ارقىلى ەسەپتەلەدى
استانادا قاڭتار ايىنىڭ ورتاشا تەمپەراتۋراسى −14,3 °C بولدى, بۇل كليماتتىق نورمادان (−14,5 °C) ءسال جوعارى. ايدىڭ ەڭ جوعارى تەمپەراتۋراسى 11 قاڭتاردا تىركەلدى. ول كۇنى كۇن رايى +1,6 °C شاماسىندا بولدى. ەڭ سۋىق كۇن 17 قاڭتار بولدى, بۇل كۇنى اۋا تەمپەراتۋراسى −28,3 °C-قا دەيىن تومەندەدى.