ەلوردادا 1-4 سىنىپ وقۋشىلارى تەگىن تاماقپەن قامتاماسىز ەتىلەتىن بولادى, دەپ حابارلايدى استانا قالاسىنىڭ اكىمدىگى.
بۇگىن ەلوردانىڭ 2017 جىلعا ارنالعان بيۋدجەتى 372 ملرد 868 ملن تەڭگە كولەمىندە بەكىتىلدى, سونىڭ ىشىندە رەسپۋبليكالىق بيۋدجەتتەن بولىنەتىن ترانسفەرتتەر مەن نەسيەلەر - 153,4 ملرد تەڭگە, جەكە كىرىستەر 212,6 ملرد تەڭگەنى قۇرايدى.
ءماسليحاتتىڭ كەزەكتى سەسسياسىندا «استانا قالاسىنىڭ 2017-2019 جىلدارعا ارنالعان بيۋدجەتى تۋرالى» بايانداماسىن ا.ي. لۋكين تانىستىردى. استانا قالاسىنىڭ 2017-2019 جىلدارعا ارنالعان بيۋدجەتى ەلوردانىڭ بەس جىلعا الەۋمەتتىك-ەكونوميكالىق دامۋ بولجامىنىڭ نەگىزىندە ازىرلەندى (2016-2021 جىلدار).
بيۋدجەتتە ءبىلىم سالاسىنا شىعىندار قاراستىرىلعان, سونىڭ ىشىندە 1-4 سىنىپ وقۋشىلارىن تەگىن تاماقپەن قامتاماسىز ەتۋ, ەلوردانىڭ بارلىق جوو مەن كوللەدجدەرىندە كۇندىزگى بولىمدە وقيتىن ستۋدەنتتەردى قوعامدىق كولىكپەن جەڭىلدىكپەن ءجۇرۋ مۇمكىندىگىمەن قامتاماسىز ەتۋ, دەنساۋلىق ساقتاۋ سالاسىنا, الەۋمەتتىك كومەككە جانە مادەنيەت, دەنە شىنىقتىرۋ جانە سپورتتى قامتاماسىز ەتۋگە, تۇرعىن ءۇي-كوممۋنالدىق شارۋاشىلىقتى دامىتۋعا, وتىن-ەنەرگەتيكالىق كەشەندى دامىتۋعا, كولىك جانە كوممۋنيكاتسياعا شىعىندار قاراستىرىلعان.
سەسسيا جۇمىسىنا استانا قالاسى اكىمىنىڭ ورىنباسارى ا. لۋكين, قالالىق دەپارتامەنتتەر مەن باسقارمالاردىڭ باسشىلارى, قوعامدىق بىرلەستىكتەردىڭ جانە باق وكىلدەرى قاتىستى.