قىرعىزستاندا ەرتەڭ سايلاۋ الدىنداعى «ۇنسىزدىك كۇنى» باستالادى. بۇل تۋرالى قىرعىزستان رەسپۋبليكاسىنىڭ سايلاۋ جانە رەفەرەندۋمدار وتكىزۋ جونىندەگى ورتالىق كوميسسياسى ءمالىم ەتتى, دەپ حابارلادى كيرتاگ.
«بۇگىن پارتيالاردىڭ ۇگىت-ناسيحات جۇرگىزەتىن سوڭعى كۇنى, ەرتەڭ «ۇنسىزدىك كۇنى» جاريالانادى», - دەپ مالىمدەدى وسك ءباسپاسوز قىزمەتى. «ۇنسىزدىك كۇنى» بۇگىن ءتۇن ورتاسىندا باستالسا, داۋىس بەرۋ 11 جەلتوقساندا تاڭعى ساعات 8-دە باستالادى», - دەپ اتاپ ءوتتى وسك.
ايتا كەتەيىك, قىرعىزستاندا جەرگىلىكتى كەڭەشكە مەن كونستيتۋتسياعا وزگەرىستەر ەنگىزۋ بويىنشا رەفەرەندۋمدار 2016 جىلدىڭ 11 جەلتوقسانىنا بەلگىلەنگەن.