تاۋەلسىزدىكتىڭ 25 جىلدىعى اياسىندا وبلىس اكىمىنىڭ ورىنباسارى مارات توقجانوۆ جەلتوقسان وقيعاسىنا قاتىسۋشىلارمەن كەزدەسىپ, ولارعا «جەلتوقسان - ەل ەسىندە» اتتى ەستەلىك مەدالدارىن تابىس ەتتى, دەپ حابارلايدى «قازاقپارات».
ماراپاتتالعاندار اراسىندا وبلىستىق قۇرىلىس باسقارماسىنىڭ باس مامانى زۇلقوجا باقتىعۇل, پروكۋراتۋرا ارداگەرى عالىمجان جانقاداموۆ, وبلىستىق راديونىڭ اعا رەداكتورى اۋەس ورىناەۆا, باتىس قازاقستان يننوۆاتسيالىق-تەحنولوگيالىق ۋنيۆەرسيتەتىنىڭ پروفەسسورى, فيلولوگيا عىلىمدارىنىڭ دوكتورى مۇرات سابىر, قۇرمانعازى اتىنداعى ورال مۋزىكا كوللەدجىنىڭ ديرەكتورى, قالالىق ءماسليحات دەپۋتاتى نۇرجان سەرتەكوۆ, «تەمىرجولسۋ-اقتوبە» جشس قىزمەتكەرى شوقان ماشانوۆ جانە باسقالار بولدى.
ايتا كەتەيىك, وسىنداي جيىندار وبلىس اۋداندارىندا دا ءوتىپ, جەلتوقسان وقيعاسىنا قاتىسۋشىلارعا قۇرمەت كورسەتىلۋدە.