قاتتى بوران سالدارىنان الماتى-وسكەمەن كۇرە جولىنىڭ 977-1048 شاقىرىمىنداعى جول ۋچاسكەسىندە كولىكتىڭ بارلىق ءتۇرى ءۇشىن جول قوزعالىسى جابىلدى, دەپ حابارلايدى «كازاحاۆتودور».
سونىمەن قاتار, بۇگىن ساعات 16.40-تان بەرى رەسپۋبليكالىق ماڭىزى بار ومسك-مايقاپشاعاي جولىنىڭ 587-756 شاقىرىمىنداعى ۋچاسكەسى دە كولىكتىڭ بارلىق ءتۇرى ءۇشىن جابىق ەكەنى حابارلاندى.
«كازاحاۆتودور» مەكەمەسىنىڭ اقپاراتىنا سۇيەنسەك, وسكەمەن-شەمونايحا-رف شەكاراسى جولىندا رەيستەگى اۆتوبۋستار, جۇك كولىكتەرى مەن تىركەمەسى بار جۇك كولىكتەرى ءۇشىن قوزعالىس شەكتەلگەن.
ال «قازگيدرومەتتىڭ» حابارلاۋىنشا, 10 جەلتوقسان كۇنى شىعىس قازاقستان وبلىسىندا تۇمان ءتۇسىپ, سەكۋندىنا 15-20 مەتر جىلدامدىقپەن جەل سوعادى.
ايتا كەتەيىك, اۋا رايىنىڭ قولايسىزدىعىنا بايلانىستى بۇگىن اقمولا وبلىسىندا, «استانا-ەرەيمەنتاۋ-شىدەرتى» تاس جولىندا جانە استانا قالاسىنان باستاپ, پاۆلودار وبلىسىنىڭ اۋماعىنا دەيىنگى جولدار جابىلعان بولاتىن.