رەسپۋبليكالىق ءپان وليمپياداسىنىڭ 3 مارتە التىن مەدال يەگەرى, ا.بەكتۇروۆ اتىنداعى حالىقارالىق ءپان وليمپياداسىنىڭ 2 مارتە جەڭىمپازى, «ۇزدىك تەورەتيك» نوميناتسياسىنىڭ يەگەرى, ارمەنيادا وتكەن حالىقارالىق 49-مەندەلەەۆ وليمپياداسىنىڭ قولا مەدال يەگەرى, ءازىربايجاندا وتكەن 47-حالىقارالىق (IchO) وليمپياداسىنىڭ كۇمىس مەدال يەگەرى, رەسەيدە وتكەن حالىقارالىق 50-مەندەلەەۆ وليمپياداسىنىڭ كۇمىس مەدال يەگەرى, گرۋزيادا وتكەن 48-حالىقارالىق (IchO) وليمپياداسىنىڭ كۇمىس مەدال يەگەرى سەمەي ءبىلىم-يننوۆاتسيا ليتسەيىنىڭ (قتل) وقۋشىسى سماعۇلوۆ ازامات شىعىس قازاقستان وبلىسىنىڭ «ۇزدىك جىل وقۋشىسى – 2016» نوميناتسياسىن يەلەنىپ, كۋبوكپەن ماراپاتتالدى جانە شىعىس قازاقستان وبلىسىنىڭ اكىمى دانيال احمەتوۆتىڭ باعالى سىيلىعىنا يە بولدى, دەپ حابارلايدى KATEV قورى.
جاراتىلىستانۋ پاندەرىنىڭ ىشىندەگى ەڭ كۇردەلىسى حيميا پانىنە قىزىعۋشىلىعى ويانىپ, تالابى مەن ىزدەنىسىنىڭ ارقاسىندا قازاقستان ۇلتتىق قۇراماسىنىڭ مۇشەسى اتانۋ مارتەبەسىنە يە بولعان ازامات كورەيا ەلىنىڭ يۋنيست ۋنيۆەرسيتەتىنە وقۋعا ءتۇستى.