استاناداعى «سارىارقا» ۆەلوترەگىندە تاۋەلسىزدىكتىڭ 25 جىلدىعىنا وراي ۇيىمداستىرىلعان قازاقستان حالقى اسسامبلەياسى ەتنومادەني بىرلەستىكتەرىنىڭ «بەيبىتشىلىك پەن كەلىسىمنىڭ 25 جىلى» فەستيۆالى ءوتىپ جاتىر. سالتاناتتى شارانى مەملەكەت باسشىسى نۇرسۇلتان نازارباەۆ اشتى.
شارانى رەسمي اشۋ سالتاناتىندا ەلباسى تاۋەلسىزدىكتىڭ ەڭ باستى تىرەگى رەتىندە بەيبىتشىلىك پەن كەلىسىم, تىنىشتىق پەن تۇراقتىلىقتى اتاپ ءوتتى.
«بارشاڭىزدى تاۋەلسىزدىكتىڭ 25 جىلدىعىنا ارنالعان بۇگىنگى فورۋمنىڭ اشىلۋىمەن شىن جۇرەكتەن قۇتتىقتايمىن. وسى جەرگە قازاقستاننىڭ بارلىق وڭىرىنەن ەتنومادەني بىرلەستىكتەردىڭ وكىلدەرى كەلىپ وتىر. جۇرەگىندە پاتريوتتىق سەزىمى, بويىندا جاستىق قۋاتى تاسىعان جاستار جينالىپ وتىر. تاۋەلسىزدىكتىڭ ەڭ باستى تىرەگى – بەيبىتشىلىك پەن كەلىسىم, تىنىشتىق پەن تۇراقتىلىق. وسىنىڭ ارقاسىندا ءبىز 25 جىلدا مەملەكەت قۇردىق. دەڭگەيىن كوتەردىك. حالىقتىڭ ءال-اۋقاتىن جوعارىلاتتىق. ءبىزدىڭ تىلەگىمىز ءبىر, جۇرەگىمىز ءبىر, بىلەگىمىز ءبىر. ءبىزدىڭ تاعدىرىمىز, وتانىمىز ورتاق. ماڭگىلىك ەلىمىزدىڭ گۇلدەنە بەرۋىنە بىرگە ەڭبەك ەتەمىز. وسى جولدا بارشاڭىزعا زور تابىس تىلەيمىن», - دەدى ەلباسى.
ءىس-شاراعا پارلامەنت دەپۋتاتتارى, شەت مەملەكەتتەردىڭ ديپلوماتيالىق وكىلدىكتەرى, جوو-نىڭ رەكتورلارى, قوعام قايراتكەرلەرى, زيالى قاۋىم مەن ستۋدەنتتەر قاۋىمى, اسسامبلەيا مۇشەلەرى مەن ارداگەرلەرى, بارلىق وڭىرلەردەن كەلگەن رەسپۋبليكالىق جانە وڭىرلىك ەتنومادەني بىرلەستىكتەردىڭ جەتەكشىلەرى مەن بەلسەندىلەرى قاتىسۋدا.
سۋرەتتى تۇسىرگەن ەرلان وماروۆ, "ەگەمەن قازاقستان".