قازاقستان ۇلتتىق بانكىنىڭ توراعاسى دانيار اقىشەۆ جۇمىس ساپارىمەن قىزىلوردا وبلىسىنا باردى, وندا ول ءوڭىردىڭ, قرۇب فيليالىنىڭ باسشىلىعىمەن بىرقاتار كەزدەسۋ وتكىزدى, سونداي-اق وڭىرلىك بۇقارالىق اقپارات قۇرالدارىنا ارنالعان ءباسپاسوز كونفەرەنتسياسىنا قاتىستى.
د. اقىشەۆ وسى ءوڭىردىڭ ەكونوميكالىق الەۋەتىنىڭ جوعارى ەكەندىگىن جانە دامۋ پەرسپەكتيۆالارىن اتاپ ءوتتى. ونىڭ ايتۋىنشا, قىزىلوردا وبلىسىندا 2016 جىلعى 11 ايدا ينفلياتسيا بويىنشا ەڭ تومەنگى كورسەتكىش بەلگىلەنگەن, بۇل ەسەپتى كەزەڭدە 7,5%-دى قۇراعان رەسپۋبليكالىق دەڭگەيدەن تومەن.
قىزىلوردا وبلىسى زاڭدى جانە جەكە تۇلعالاردىڭ سالىمدارىنىڭ ءوسۋى بويىنشا كوشباسشىلاردىڭ ءبىرى بولىپ تابىلادى. «ەگەر تۇتاستاي العاندا ەل بويىنشا تەڭگەمەن سالىمدار 84%-عا دەرلىك وسسە, قىزىلوردا وبلىسىندا ول 143%-عا وسكەن, بۇل وڭىرلەر ىشىندەگى ەڭ جاقسى ناتيجە بولىپ تابىلادى», – دەپ اتاپ ءوتتى د. اقىشەۆ.
د. اقىشەۆ جۋرناليستەرگە قرۇب جۇرگىزىپ وتىرعان اقشا-كرەديت ساياساتى جانە قارجى نارىعىنداعى سوڭعى ۇردىستەر جايىندا ايتىپ بەردى, سونداي-اق باق سۇراقتارىنا جاۋاپ بەردى.
ۇلتتىق بانكتىڭ توراعاسى د. اقىشەۆتىڭ قىزىلوردا وبلىسىنا ساپارى قرۇب-نىڭ اۋماقتىق فيليالدارعا بارۋ باعدارلاماسى شەڭبەرىندە ءوتىپ جاتقانىن اتاپ وتەمىز. اعىمداعى جىلى ۇلتتىق بانك باسشىسى وڭتۇستىك قازاقستان وبلىسىنا (شىمكەنت ق.), اقتوبە وبلىسىنا (اقتوبە ق.), شىعىس قازاقستان وبلىسىنا (وسكەمەن ق.) بارعان بولاتىن.