گەرمانيا ۇكىمەتى يمميگرانتتاردى وتانىنا قايتارۋ باعدارلاماسىنا 150 ملن ەۋرو بولەدى, دەپ حابارلايدى ۆۆس. بۇل جاڭا باعدارلاما تۋرالى گەرمانيانىڭ ەكونوميكالىق كەلىسىم جانە دامۋ ءمينيسترى گەرد ميۋللەر Augsburger Allgemeine نەمىس باسىلىمىنا بەرگەن سۇحباتىندا ايتتى. مەملەكەت جىلىنا 50 ملن ەۋرونى يراك, اۋعانستان مەن بالقان ەلدەرى يمميگرانتتارىنا وتانىنا قايتۋعا كومەك رەتىندە بولەتىن بولادى.
ميۋللەر وسى كومەكتىڭ ارقاسىندا ميگرانتتار ءوز وتاندارىنا قايتىپ, سول جاقتا جاڭا ءومىر باستاي الادى دەپ وتىر.
گەرمانياعا سوڭعى جىلدارى 1 ملنعا جۋىق يمميگرانتتار بارعان. تەك 2015 جىلدىڭ وزىندە 900 مىڭ ادام بوسقىن اتانعىسى كەلگەن. اتالعان ەلدە ميگرانتتارعا تۇراتىن جەر تابۋعا, جاڭا ورتاعا بەيىمدەلۋگە كومەك كورسەتۋ قاراستىرىلعان. بىراق قازىر بيلىك بۇل پروتسەستىڭ تالاپتارىن قاتاڭداتۋعا تىرىسۋدا.