بۇگىن استاناداعى نازارباەۆ ورتالىعىندا ادەبيەت سالاسىنداعى «التىن توبىلعى-2016» سىيلىعىن الۋ ءۇشىن وتكىزىلگەن كونكۋرستىڭ جەڭىمپازدارىن ماراپاتتاۋ ءراسىمى باستالدى.
راسىمگە اقىن, جازۋشى-ادەبيەتشى ولجاس سۇلەيمەنوۆ, مەملەكەت قايرەتكەرى مىرزاتاي جولداسبەكوۆ, جازۋشىلار وداعىنىڭ توراعاسى نۇرلان ورازالين, «كازاحستانسكايا پراۆدا» رگ» اق باسقارما توراعاسىنىڭ ورىنباسارى الەكساندر تاراكوۆ قاتىسۋدا.
"التىن توبىلعى كونكۋرسىمىز وسىمەن ەكىنشى رەت ءوتىپ جاتىر. بۇل ماعىنالى, مازمۇنى تەرەڭ شارا. جاستارعا قامقورلىق جاساپ, جاس ادەبيەتكە جول اشۋدىڭ جارتىلاي مەملەكەتتىك, جارتىلاي قوعامدىق سيپاتى بار كونكۋرسقا اينالىپ جاتىر. التىن توبىلعى دەگەن اتتىڭ ءوزى قازاقى سيپات, ۇلتتىق سيپاتتى بەرىپ جاتىر. ونىڭ نەگىزگى قۇرىلتايشىسى - العاشقى پرەزيدەنت قورى. ال يدەيانىڭ اۆتورى - جازۋشىلار وداعى", - دەپ اتاپ ءوتتى ءوز سوزىندە قازاقستان جازۋشىلار وداعىنىڭ توراعاسى نۇرلان ورازالين.
ايتا كەتەيىك, «التىن توبىلعى» ادەبيەت سىيلىعى – جاس قازاقستاندىق اۆتورلاردىڭ شىعارماشىلىق پوتەنتسيالىن جۇزەگە اسىرۋعا ارنالعان جوبا. وتىنىمدەر قابىلداۋ وسى جىلدىڭ 1 شىلدەسىنەن باستالعان بوالتىن. كونكۋرستىڭ سىيلىق قورى – 7 ملن 600 مىڭ تەڭگە.
بۇگىن ماراپاتتاۋ راسىمىندە 5 نوميناتسيا بويىنشا 6 ۇزدىك شىعارما اۆتورلارى بەلگىلى بولادى.
ايان ءابدۋالي, "ەگەمەن قازاقستان".