دۇنيەجۇزىلىك ەكونوميكالىق فورۋمنىڭ جاھاندىق باسەكەگە قابىلەتتىلىك يندەكسى اياسىنداعى يننوۆاتسيانى دامىتۋ دەڭگەيىن انىقتايتىن نەگىزگى ينديكاتورلار تەحنولوگيالىق دايىندىق جانە يننوۆاتسيالىق الەۋەت بولىپ تابىلادى. اتالعان ينديكاتورلار سوڭعى جىلدارى وڭ ديناميكا كورسەتىپ وتىر. «تەحنولوگيالىق دايىندىق» ينديكاتورى 5-تارماققا – 61-ورىننان 56-ورىنعا جانە «يننوۆاتسيالىق الەۋەت» 13-تارماققا – 72-ورىننان 59-ورىنعا جاقساردى. اتالعان ينديكاتورلاردىڭ جاقسارۋى جۇرگىزىلگەن ۇدەمەلى يندۋستريالىق ساياساتپەن بايلانىستى, ونىڭ اياسىندا جاڭا جوبالارمەن بىرگە جاڭا تەحنولوگيالار كەلەدى», دەدى ۆەدومستۆونىڭ تەحنولوگيالىق جانە يننوۆاتسيالىق دامۋ دەپارتامەنتى ديرەكتورىنىڭ ورىنباسارى نەسىپگۇل ەسەمباەۆا.
بۇكىلالەمدىك ينتەللەكتۋالدى مەنشىك ۇيىمىمەن بىرلەسىپ «INSEAD» فرانتسۋز بيزنەس-مەكتەبى, كورنەل ۋنيۆەرسيتەتى ازىرلەگەن يننوۆاتسيانىڭ جاھاندىق يندەكسى رەيتينگىندە دە قازاقستان ءوز ورنىن جاقسارتقان. ن.ەسەمباەۆانىڭ ايتۋىنشا, ءۇيدمب باستالعانعا دەيىن يننوۆاتسيالىق بەلسەندىلىك 4 پايىز بولسا, 2016 جىلى ەكى ەسەدەن ارتىق ءوسىپ, قازىرگى ۋاقىتتا 9,3 پايىزدى قۇراپ وتىر. «يننوۆاتسيالىق قارجىلاندىرۋ جىل سايىن ارتىپ كەلەدى. 2015 جىلمەن سالىستىرعاندا تەحنولوگيالىق يننوۆاتسيالارعا بولىنگەن قارجى ەكى ەسەدەن استى. بۇل يننوۆاتسيالىق ءونىم كولەمىنىڭ وسۋىنە وڭ اسەر ەتىپ وتىر. 2015 جىلى يننوۆاتسيالىق ونىمدەر كولەمى 377 ملرد تەڭگەنى قۇراسا, 2016 جىلى اتالعان كورسەتكىش 20 پايىزعا ءوسىپ, 445,8 ملرد تەڭگەگە جەتتى», دەدى دەپارتامەنت وكىلى.