الەم ايىپتاعان تەررورلىق اكت

ءتارتىپ ساقشىلارىنىڭ مالىمەتىنشە, جارىلىستى جان­كەشتى ەر ادام جاساعان. جارىل­عىش زاتتى ىسكە قوسقان ول ءوزى دە وقيعا ورنىندا كوز جۇم­عان. وقيعانى تەررورلىق ارە­كەت دەپ باعالاعان ءتارتىپ ساق­شى­لارى قازىر تەررورشىنىڭ باسقا دا سىبايلاستارىنىڭ بار-جوعىن تەكسەرىپ جاتىر.

تاعىلىق قانقۇيلى ارەكەت سالدارىنان, سوڭعى دەرەكتەر بويىنشا, 22 ادام قازا تاپسا, 59 ادام جارالانعان. وقيعا ورنىنا جەدەل جاردەم قىزمەتىنىڭ 60 كولىگى مەن 400 ءتارتىپ ساقشىسى جۇمىلدىرىلىپ, قالاداعى 8 اۋرۋحانا جارالانعاندارعا ەم-دوم جاساپ جاتىر. پو­لي­تسيا قىزمەتكەرلەرىنىڭ مالىم­دەۋىنشە, بۇل تاعىلىق ارەكەت 2005 جىلى لوندوندا 50 ادام­نىڭ ءومىرىن قيعان لاڭكەستىك وقيعادان كەيىنگى بريتانيا تاريحىنداعى ەڭ اۋىرى بولىپ وتىر.

ۇلىبريتانيا پرەمەر- ءمينيسترى تەرەزا مەي 8 ماۋ­- سىمعا جوسپارلانعان ەلدەگى پارلامەنتتىك سايلاۋ ناۋقانىن توق­تاتىپ, لاڭكەستىكتى ۇيىم­داس­تىرعانداردىڭ كىم ەكەنىن انىقتاۋ ماقساتىندا ۇكىمەتتىڭ توتەنشە وتىرىسىن وتكى­زەتىنىن مالىمدەدى. «قازا تاپ­­قان­داردىڭ وتباسى مەن جاقىن­دارىنا كوڭىل ايتامىز. وقي­عانىڭ ءمان-جايىن انىقتاۋ ءۇشىن جۇمىس ىستەيمىز», – دەدى ۇكىمەت باسشىسى.

مالىمەتتەرگە قاراعاندا, اريانا گراندەنىڭ كونتسەرتىندە قازاقستان ازاماتتارى دا بولعان. ەلىمىزدىڭ سىرت­قى ىستەر مينيسترلىگى كونتسەرتكە قازاقستاندىق التى ستۋدەنتتىڭ بارعانىن ايتتى.

دەگەنمەن, جارىلىستان زارداپ شەككەندەر اراسىندا قازاق­ستاندىقتار جوق. ء«بىزدىڭ ديپلوماتتارىمىز سولاردىڭ ەكەۋىمەن بايلانىس جاساپ, امان-ساۋ ەكەندىگىنە كوز جەتكىزدى. ولارعا ەشقانداي مە­دي­تسي­نالىق كومەك قاجەت ەمەس جانە دوستارىمەن بىرگە تۇراتىن جەر­لەرىنە امان-ەسەن جەتكەن», دەيدى قازاقستان رەسپۋبليكاسى سىرت­قى ىستەر مينيسترلىگى ءباسپاسوز قىز­مەتىنىڭ باسشىسى ءانۋار جايناقوۆ.

«لوندونداعى قازاقستان ەل­شى­لىگى جەرگىلىكتى قۇقىق قورعاۋ ور­­گاندارىمەن تىعىز بايلانىس­تا. قازاقستان ازاماتتارىنا ساق بولۋ جونىندە ەسكەرتۋلەر تارا­تىلعان. ەلشىلىكتىڭ كونسۋلدىق ءبولى­مىنىڭ جەدەل جەلىسى ىسكە قوسۋلى: +44(0)7447470570 (Whats­App).  مانچەستەردەگى جاقىن­دارى­ڭىز, تۋىستارىڭىز نەمەسە دوس­تارىڭىزبەن بايلانىسىپ, ولار­دىڭ امان-ەسەن ەكەندىگىنە كوز جەت­كىزۋلەرىڭىزدى سۇرايمىز», دەپ جازدى سىرتقى ىستەر مينيسترلىگى ءباس­پاسوز قىزمەتىنىڭ باسشىسى.

قايعىلى وقيعاعا وراي باسقا دا ەلدەر باسشىلارىنىڭ قاتارىندا قا­زاق­ستان رەسپۋبليكاسىنىڭ پرەزيدەنتى نۇرسۇلتان نازارباەۆ تا كوڭىل ايتىپ, جەدەلحات جولدادى. اقش پرەزيدەنتى دونالد ترامپ تەررور­لىق ارەكەتتى قاتاڭ ايىپتاي وتىرىپ, مۇنداي ادامداردىڭ پايدا بولۋىنا اسەر ەتەتىن يدەولوگيانى تۇبىرىمەن قۇرتۋ كەرەكتىگىن ايتتى. ال فرانتسيا پرەزيدەنتى ەممانۋەل ماكرون ۇلىبريتانيا پرەمەر-ءمينيسترى تەرەزا مەيگە كوڭىل ايتسا, پرەمەر-مينيستر ەدۋارد فيليپ فرانتسيا تۇرعىندارىن اباي بولۋعا شاقىردى. قىتاي حالىق رەسپۋبليكاسىنىڭ توراعاسى سي تسزينپين ۇلىبريتانيا حانشايىمى II ەليزاۆەتاعا كوڭىل ايتىپ, قيىن كەزدەردە قىتاي مەن ۇلىبريتانيانىڭ ءبىر-بىرىنە قولداۋ كورسەتەتىنىن جەتكىزدى.

تەررورلىق ارەكەتتى «يس­لام مەم­لەكەتى» دەلىنەتىن (قازاق­ستان­دا تىيىم سالىنعان) تەررور­لىق ۇيىم ءوز موينىنا الدى. بۇقا­را­­لىق اقپارات قۇرالدارىنىڭ مالى­مە­تىنشە, وقيعادان بىرنەشە ساعات كەيىن اتالعان قانقۇيلى ۇيىم لاڭ­كەس­تەرى مانچەستەردەگى جارىلىسقا ۇق­ساس ۆيدەونى ينتەرنەتتە تاراتقان.  

باۋىرجان مۇقانوۆ, «ەگەمەن قازاقستان»