قر ءبىلىم جانە عىلىم مينيسترلىگىنىڭ اگەنتتىك جولداعان ساۋالىنا بەرگەن جاۋابىندا قازاق تىلىندە ءبىلىم العان مەكتەپ بىتىرۋشىلەر سانى 90 800 بولسا, ورىس تىلدىلەر – 39 300, باسقا تىلدە – 6100 ادام ءبىلىم الادى.
تۇلەكتەر سانى ەڭ كوپ ايماققا وڭتۇستىك قازاقستان وبلىسى (34 200), الماتى وبلىسى (14 700) جانە الماتى قالاسى (10 مىڭنان استام) كىرەدى. وبلىستارداعى, استانا مەن الماتى قالالارىنداعى ءبىلىم باسقارمالارىنىڭ اقپاراتىنا سۇيەنسەك, بيىل رەسپۋبليكالىق مەكتەپتەردە «التىن بەلگى» بەلگىسىنەن 6280 ءبىتىرۋشى ءۇمىتتى. ولاردىڭ ىشىندە قازاق تىلىندە ءبىلىم الاتىندار سانى – 4900, ورىس ءتىلدى – 1290, باسقا دا ءتىلدى – 110.
بۇرىن حابارلانعانداي, قازاقستانداعى 95 340 تۇلەك ۇلتتىق بىرىڭعاي تەستىلەۋدەن وتۋگە تىلەك بىلدىرگەن. جاڭا ۇلگىدەگى ۇبت 20 ماۋسىمدا باستالىپ, 1 شىلدەگە دەيىن جالعاسادى. سوڭعى قوڭىراۋ بارلىق مەكتەپتەردە 25 مامىر كۇنى وتەدى. اتتەستاتتى تاپسىرۋ ءراسىمى مەكتەپ اكىمشىلىگىنىڭ شەشىمى بويىنشا 2017 جىلدىڭ 10-12 ماۋسىم ارالىعىندا وتەدى. مينيسترلىك وقۋدى ءبىتىرۋ شارالارىن 2017 جىلدىڭ 15 ماۋسىمىنا دەيىن مەكتەپ قابىرعاسىندا وتكىزۋدى ۇسىنىپ وتىر.