سالتاناتتى شارا مەملەكەتتىك رامىزدەر تۋرالى بەينەروليك كورسەتۋمەن باستالدى. قازاقستاننىڭ عاسىرلار بويى اڭساپ كۇتكەن تاۋەلسىزدىگىن العاندىعىن پاش ەتەتىن كيەلى قازىناسى قازاقستان رەسپۋبليكاسىنىڭ مەملەكەتتىك رامىزدەرى سالتاناتتى تۇردە ساحناعا شىعارىلدى. مەملەكەتتىك گيمن ورىندالعان سوڭ, ەلتاڭبانىڭ اۆتورى مەملەكەتتىك رامىزدەردىڭ 25 جىلدىعىنا بايلانىستى الماتى وبلىسىنىڭ جۇرتشىلىعىن قۇتتىقتاپ, جاستارعا ارناعان يگى تىلەكتەرىن ءبىلدىردى.
مەملەكەتتىك رامىزدەر تۋرالى جاستاردىڭ ورىنداۋىندا جۇرەكجاردى ولەڭدەر وقىلدى, پاتريوتتىق اندەر ورىندالدى. وسى شارادان باستاپ مەملەكەتتىك رامىزدەردىڭ 25 جىلدىعىنا ارنالعان ونكۇندىك وبلىستاعى اۋدان, قالالاردى قامتىپ, 55 پاتريوتتىق سالتاناتتى ءىرى شارالار وتكىزىلەتىنىن اتاپ وتكەن دۇرىس. سونداي-اق, وبلىستىق جاستار ساياساتى ماسەلەلەرى باسقارماسىنىڭ ۇيىمداستىرۋىمەن مەملەكەتتىك رامىزدەردىڭ 25 جىلدىعىنا ارنالعان «تۋعان جەرگە تۋىڭدى تىك» اتتى جاستار مارافونى دا وتۋدە.
مەملەكەتتىك ەلتاڭبانىڭ اۆتورى جانداربەك مالىبەك ۇلى دجيۋ-دجيتسۋدان جاستار اراسىندا قازاقستان چەمپيونى, ەرەجەسىز جەكپە-جەكتەن ازيا چەمپيونى, WAFC تۇجىرىمى بويىنشا پانكراتيوننان ەۋرازيا چەمپيونى بەيبىت نازاروۆقا مەملەكەتتىك تۋدى تابىس ەتتى. 25 مىڭ شاقىرىمعا سوزىلاتىن مارافون اۋدان, قالالاردى قامتىپ, مەملەكەتتىك رامىزدەر كۇنىندە اياقتالادى.
نۇربول الدىباەۆ, «ەگەمەن قازاقستان»
الماتى وبلىسى