بۇگىنگە دەيىن 895 گەكتار جەر كولەمىن الىپ تۇرعان ورتالىققا 3,5 ملرد تەڭگە شەتەل ينۆەستيتتسياسى تارتىلىپ, اۋداننىڭ 156 تۇرعىنى جۇمىسپەن قامتىلعان.
«بۇل تاڭقارالىق وتە كەرەمەت, ءارى عاجاپ قۇس. دۋاداق قۇسىنىڭ تاريحى اراب ەلىمەن تىعىز بايلانىستى. مىڭ جىلدان اسا ۋاقىت بۇرىنعى اشارشىلىقتا ارابتار نەگىزى قورىعى رەتىندە وسى قۇستى اۋلاعان كورىنەدى. ەندى تابيعات تاماشاسىن ءوز يەسىنە قايتارۋ ءۇشىن بارىمىزدى سالۋدامىز»,-دەيدى اتالعان ورتالىقتىڭ باسقارۋشى ديرەكتورى رومان باكيەۆ.
ايتا كەتەيىك, مۇنداي تۇقىمباقتار الەمنىڭ ءۇش ەلىندە ياعني موروككو, بىرىككە اراب امىرلىگى مەن قازاقستاندا عانا بار. اتالعان تۇقىم باق سوڭعى ۇلگىدەگى قۇرال-جابدىقتارمەن جاراقتاندىرىلعان. مۇنداعى ءوسىرىلىپ جاتقان قۇستار ونلاين رەجيمدە باقىلانىپ, جەم-سۋ بەكىتىلگەن تارتىپپەن بەرىلىپ وتىرادى. جالپى مۇندا وسىرىلگەن دارا دۋاداقتار وڭتۇستىك قازاقستان وبلىسىنىڭ سوزاق اۋدانىنداعى بەتپاقدالا ايماعىنا جىبەرىلەدى. اراب تاراپى قازاقستان الدىنداعى ءوز مىندەتىن ورىنداۋ ءۇشىن 2010-2017 جىلدار ارالىعىندا قازاقستاننىڭ تابيعاتىنا باس-اياعى 2 مىڭعا جۋىق دۋاداق ۇشىرىلعان.
2005-2006 جىلدارى قازاقستان مەن بىرىككەن اراب امىرلىگى ەلىمەن ءوزارا كەلىسىمىمەن جابايى دۋاداقتىڭ ۇياسىنان جۇمىرتقاسى الىنىپ, ينكۋباتسيادان كەيىن قۇستاردى بىرىككەن اراب امىرلىگىنىڭ ورنيتولوگيالىق تالىمباعىنا جەتكىزىلگەن بولاتىن. سودان بەرى دۋاداق قۇسى بۇرىنعى وتانى - قازاقستان جەرىندە دە وسىرىلە باستادى.