وتىرىسقا قاتىسۋشىلار الەمدىك جانە ءداستۇرلى دىندەر كوشباسشىلارى ءVى سەزىنىڭ وتكىزىلەتىن كۇنىن بەلگىلەيدى, سونداي-اق, وسى فورۋمعا دايىندىق بارىسى تۋرالى ماسەلەلەردى قارايتىن بولادى. شارانىڭ كۇن تارتىبىنە قازاقستاننىڭ بۇۇ-نىڭ قاۋىپسىزدىك كەڭەسىندەگى باسىمدىقتارىنىڭ تۇساۋكەسەرى دە ەنگىزىلدى. مادەني باعدارلاما شەڭبەرىندە الەمدىك ءىرى ءدىن كونفەسسيالارىنىڭ وكىلدەرى ەكسپو-2017 حالىقارالىق كورمە پاۆيلوندارىن ارالايدى جانە ۇلتتىق مۇراجايعا ەكسكۋرسيا جاسايتىن بولادى. بۇل شاراعا يسلام, حريستيان, يۋدايزم, بۋدديزم, داوسيزم, سينتويزم, يندۋيزم, سونداي-اق, بىرقاتار حالىقارالىق ۇيىمداردىڭ باسشىلارى, ونىڭ ىشىندە, بۇۇ وركەنيەتتەر اليانسىنىڭ ديرەكتورى مەتيۋ حودس, دۇنيەجۇزىلىك بەيبىتشىلىك حابارشىسى كەڭەسىنىڭ باس حاتشىسى پيچاي توۆيۆيچ, بىرىككەن اراب امىرلىكتەرى تولەرانتتىلىق ماسەلەلەرى جونىندەگى ءمينيسترىنىڭ كەڭەسشىسى راشيد ءال-تۋنايدجي جانە باسقالار قاتىساتىن بولادى.
بۇگىن استاناداعى بەيبىتشىلىك جانە كەلىسىم سارايىندا قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆتىڭ توراعالىعىمەن الەمدىك جانە ءداستۇرلى دىندەر كوشباسشىلارى سەزى حاتشىلىعىنىڭ XVI وتىرىسى وتەدى, دەپ حابارلادى سەناتتىڭ ءباسپاسوز قىزمەتى.