قازۇاۋ وقىتۋشىلارى مەن ستۋدەنتتەرى عانا ەمەس ەلىمىزدىڭ ءار ايماعىنان كەلگەن جاستار, بىرقاتار زيالى قاۋىم وكىلدەرى ات سالىسقان كەشكە اقىننىڭ ءوزى دە قاتىستى.
قازاق ۇلتتىق اگرارلىق ۋنيۆەرسيتەتىندە 2004 جىلدان بەرى «ولجاس سۇلەيمەنوۆ اتىنداعى الەۋمەتتىك-گۋمانيتارلىق ءبىلىم بەرۋ جانە تاربيە ينستيتۋتى» جۇمىس ىستەپ كەلەدى. وسىندا وقيتىن ستۋدەنتتەرمەن ءجيى كەزدەسىپ, ءارتۇرلى شارالارعا قاتىسىپ تۇراتىن ولجاس ومار ۇلىنىڭ ادەبيەت پەن مادەنيەت, رۋحانيات پەن بەيبىتشىلىك ماسەلەسى, ەلىمىزدىڭ ەكولوگيالىق پروبلەمالارى جانە جوعارى وقۋ ورىندارىنىڭ حالىقارالىق ءبىلىم كەڭىستىگىنە كىرۋى توڭىرەگىندەگى پايىمداۋلارى بىلايعى جۇرت ءۇشىن قول جەتە بەرمەيتىن دۇنيە ەكەنى انىق.
ولجاس سۇلەيمەنوۆ ءوزىنىڭ اتىنداعى مۇراجايدى ارالاپ, جينالعان, قۇرمەت كورسەتكەن جاستار مەن ۋنيۆەرسيتەت ۇجىمىنا العىس ءبىلدىردى. ايتا كەتۋ كەرەك, 19-21 مامىر ارالىعىندا ۋنيۆەرسيتەتتىڭ ۇلكەن سپورت كەشەنىندە ۆولەيبول سپورتى ارداگەرلەرى اراسىندا ءداستۇرلى «ولجاس سۇلەيمەنوۆ جۇلدەسى» ءتۋرنيرى وتەدى. اقىننىڭ ءوزى دە وينايتىن بۇل جارىسقا وزبەكستان, قىرعىزستان ەلدەرىنىڭ كوماندالارىمەن قاتار تاراز, تالدىقورعان, شىمكەنت, قىزىلوردا قالالارى, ەۋرازيا تەحنولوگيالىق ۋنيۆەرسيتەتى مەن قازاق ۇلتتىق اگرارلىق ۋنيۆەرسيتەتىنىڭ كوماندالارى قاتىسادى.
الماس ءنۇسىپ, «ەگەمەن قازاقستان»