الماتىلىق كاسىپكەرلەر وقۋشىلارعا, ستۋدەنتتەرگە, مەكتەپ مۇعالىمدەرى مەن جوو وقىتۋشىلارىنا «ەكسپو-2017» كورمەسىنىڭ 1000 بيلەتىن سىيلايدى. بۇل تۋرالى الماتى قالاسىنىڭ كاسىپكەرلىك جانە يندۋستريالدى-يننوۆاتسيالىق دامۋ باسقارماسى مالىمدەپ وتىر.
«بيلەتتەر حالىقارالىق وليمپيادالاردىڭ جەڭىمپازدارىنا, سونداي-اق عىلىمي جۇمىستارمەن بەلسەندى تۇردە اينالىساتىن وقۋشىلار مەن ستۋدەنتتەرگە بەرىلەدى. بۇدان باسقا, «جىل مۇعالىمدەرى» جانە عىلىمي جوبالارعا جەتەكشىلىك ەتەتىن وقىتۋشىلار كورمەنى تەگىن بارىپ كورەدى», – دەيدى الماتى قالاسى بويىنشا «استانا ەكسپو-2017» جەدەل شتابىنىڭ باسشىسى سامعات ەرمەكباەۆ. ونىڭ ايتۋىنشا, مەتسەناتتار «استانا ەكسپو-2017» الماتى شتابىنا وقۋشىلار ءۇشىن – 200 بيلەت, مۇعالىمدەر ءۇشىن – 300 بيلەت, ستۋدەنتتەر مەن جوو وقىتۋشىلارى ءۇشىن – 500 بيلەت ساتىپ الۋ باستاماسىمەن ءوتىنىش جاساعان. ءبىر بيلەتتىڭ قۇنى – 4 000 تەڭگە. ايناش ەسالي, «ەگەمەن قازاقستان». الماتى