قارجى مينيسترلىگىنىڭ سالىق كوميتەتى كاسىپكەرلەردىڭ الاياقتاردىڭ الداۋىنا تۇسپەۋى ءۇشىن قولدان كەلگەننىڭ ءبارىن جاسادى. بۇل تۋرالى اتالمىش ۆەدومستۆونىڭ ءباسپاسوز قىزمەتى حابارلادى.
«ءبىر توپ كاسىپكەر 2009 جىلعى 5 مامىردا ادال كاسىپكەرلەردىڭ جالعان كاسىپكەرلىك سالاسىندا بۇزىلعان مۇددەسىن قالپىنا كەلتىرۋ جونىندە «يزۆەستيا» گازەتى ارقىلى ەلباسىنا جۇگىنگەن ەدى. وسىعان بايلانىستى ەلباسى مەملەكەتتىك ورگاندارعا ءتيىستى جۇمىستار جۇرگىزۋ تۋرالى تاپسىرما بەرگەن بولاتىن.
سالىق كوميتەتى ادال كاسىپكەرلەردىڭ جالعان كاسىپكەرلىك سالاسىندا بۇزىلعان مۇددەسىن قالپىنا كەلتىرۋ ءۇشىن «يزۆەستيا» باسىلىمىندا جاريالانعان كاسىپكەرلەردىڭ تالاپتارىن ورىنداۋ ماقساتىندا ءتيىستى جۇمىستار جۇرگىزۋدە. جۋىردا عانا كاسىپكەرلەردىڭ مۇددەلەرىن قورعاۋعا باعىتتالعان نورمانىڭ زاڭمەن بەكىتىلۋى وسىنىڭ ايعاعى.
«2011 جىلدىڭ 21 شىلدەسىندە قازاقستان رەسپۋبليكاسىنىڭ پرەزيدەنتى «سالىق سالۋ ماسەلەسى بويىنشا قازاقستان رەسپۋبليكاسىنىڭ بىرقاتار زاڭ اكتىلەرىنە وزگەرتۋلەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى. وسى نورماتيۆتىك قۇقىقتىق اكتى ارقىلى سالىق كودەكسىنىڭ 115-بابىنىڭ 2) تارماقشاسىنا, 257-بابىنىڭ 3-تارماعىنا جانە 258-بابى 1-تارماعىنىڭ 5) تارماقشاسىنا وزگەرتۋلەر ەنگىزىلدى.
بۇل وزگەرىستەر زاڭدى كاسىپكەرلىك قىزمەتپەن اينالىسىپ جۇرگەن ازاماتتاردىڭ قۇقىقتارىن قورعاۋعا باعىتتالعان», دەلىنگەن سالىق كوميتەتىنىڭ باسپاسوز قىزمەتى تاراتقان اقپاراتتا.