شىعىن: دەرەك پەن دايەك

ۇلى وتان سوعىسىنا قاتى­سىپ, ەلىمىزدىڭ بولاشاعى ءۇشىن تەر توك­­كەن ارداگەرلەرگە دەگەن قامقور­لىق ۋاقىت وتكەن سايىن جاقسارىپ كەلەدى. وبلىستاعى سوعىس اردا­گەر­لەرى مەن ولارعا تە­ڭەس­تىرىل­گەن­دەرگە, ءبىرىنشى, ەكىنشى توپتاعى مۇ­گەدەكتەرگە, ستۋدەنت­تەرگە قوعامدىق كولىكتەردە تەگىن جۇرۋلەرى ءۇشىن بيۋد­جەتتەن 126,5 ملن. تەڭگە بو­لىن­سە, 179 سوعىس جانە ەڭبەك اردا­گەر­لەرى وتكەن جى­لى تاڭداۋلى سا­نا­توريلەردە دەنساۋلىعىن تۇ­زەۋ­گە مۇمكىندىك الدى. وسى باعىتتا وبلىس بيۋد­جەتىنەن 42,2 ملن. تەڭگەگە جۋىق قاراجات جۇمسالعان. وتان ءۇشىن وت كەشكەن اردا­گەر­لەردىڭ الەۋمەتتىك جاعداي­لا­رىن جاق­سارتۋ ماقساتىندا كوم­مۋ­­نال­دىق-تۇرمىستىق شىعىن­دا­رىن وتەۋ­گە 2008 جىلى 62,5 ملن. تەڭگە بولىنسە, 2009 جىلى بۇل 62,9 ملن. تەڭ­گەنى قۇراعان. وسى­لايشا قام­قور­لىق اياسى كەڭەيۋدە.

كۇمىسجان بايجان, الماتى وبلىسى.

1 000 000 بىلتىر وبلىس ديقاندارى وسىنشاما توننا استىق جيناپ الدى.  سوڭعى جەتى جىلدا بولىپ كور­مەگەن تابيعاتتىڭ مۇنداي بەرەكەلى سىيى جالپى وبلىس بوي­ىنشا باسقا دا ءداندى-داقىل­داردىڭ مولىنان ءوسىپ-ونۋىنە مۇمكىندىك تۋعىزدى. مەملەكەت تا­راپىنان دا اۋىل شارۋاشى­لى­عىن قولداۋ جانە دامىتۋعا كەڭ كولەمدە كومەك كورسەتىلىپ كەلەدى. ال, نەگىزىنەن العاندا, وبلىس كولەمىندەگى اۋىل شارۋاشىلىعى سالاسىنا استىقتى جانە مايلى داقىلدار, كارتوپ پەن كوكونىس تۇرلەرىن وسىرۋگە باسىم باعىت بەرىلگەن. وسىنىڭ ناتيجە­سىن­دە وتكەن جىلى 619,8 مىڭ گەكتار القاپتىڭ ءار گەكتارىنان 16,3 تسەنتنەر استىق الىندى. بۇعان قوسا, 120 مىڭ توننا كارتوپ, 80,4 مىڭ توننا كوكونىس جانە 12 مىڭ توننا باقشا ونىمدەرى جينالدى. وبلىس بويىنشا 14,2 مىڭ گەكتار سۋارمالى القاپ بار. سوڭعى ەكى جىلدا اۋىل-اۋداندارداعى ما­شي­نە-تراكتور پاركتەرى جالپى قۇنى 4,4 ملرد. تەڭگە تۇراتىن 345 جاڭا وزىق تەحنولوگيا تۇرلەرى­مەن تولىقتى. وبلىس اۋماعىندا اۋىل شارۋاشىلىعى ونىمدەرىن قايتا وڭدەيتىن 470 كەشەن جۇمىس ىستەۋدە. سونىمەن قاتار, بىلتىر اۋىل شارۋاشىلىعى سالاسىندا جاڭا­دان 3524 جۇمىس ورنى قۇرىلدى. قوي ءوسىرۋدى قولعا الۋ ماقسا­تىن­دا باستالعان “جايلاۋ” باعدار­لاماسى جۇزەگە اسىپ, وبلىستاعى بىرنەشە شارۋا قوجالىعى 5 مىڭ قوي ساتىپ الدى. بۇل كۇندەرى وب­لىستىڭ ءۇش قالاسىندا – وبلىس ورتالىعى, اقسۋ جانە ەكىباس­تۇز­دا 8 ارزان باعالى ونىمدەر ساتا­تىن الەۋمەتتىك دۇكەندەر قىزمەت كورسەتۋدە.

فاريدا بىقاي, پاۆلودار وبلىسى.

550 000 “سنپس-اقتوبەمۇنايگاز” اكتسيونەرلىك قوعامى وبلىستىق مۇگەدەكتەر قوعامىنا, ايالى الاقان مەن ەرەكشە كۇتىمدى قاجەت ەتەتىن جارىم كوڭىل بۇلدىرشىندەرگە جالپى باعاسى وسىنشاما تەڭگە قۇرايتىن  سىيلىقتار تارتۋ ەتتى. مەرەيلى ءىستى اتقارۋعا كەلگەن اك­تسيونەرلىك قوعام باس ديرەكتو­رىنىڭ كومەكشىسى يان ەنبياو مۇنداي ىزگىلىكتى ءىستىڭ الدا دا جال­عاسىن تاباتىنىن جەتكىزدى. كوم­­پا­نيانىڭ اكىمشىلىك دەپار­تامەنتى ديرەكتورىنىڭ ورىن­با­سارى يۋري شينكارەۆ كاسىپ­ورىن­نىڭ قوعام الدىنداعى الەۋ­مەتتىك جاۋاپكەر­شى­لىگى وسىنداي قايىرىمدىلىق, مەتسەناتتىق شارالار ارقىلى جۇزەگە اسىرى­لاتىنىن ايتتى. اكتسيونەرلىك قوعام ازىرلەگەن ءجۇز سىيلىق “اقبوبەك” ساۋىق­تى­رۋ ورتالىعىنداعى بۇلدىرشىن­دەر­گە ۇلەستىرىلدى.

ساتىبالدى ءساۋىرباي, اقتوبە وبلىسى.