تاۋەلسىزدىكتىڭ جيىرما جىلى ىشىندە ەلباسىنىڭ ەرەن ەڭبەگىنىڭ ارقاسىندا ەلىمىز ەڭسەلى اسۋلاردان استى. مەملەكەت باسشىسىنىڭ سىندارلى ساياساتىمەن دەموكراتيانىڭ داڭعىل جولىنا تۇسكەن ەلىمىز ەكونوميكالىق, مادەني, قۇقىقتىق, جالپى, قاي سالادا بولماسىن, حالىق كۇتكەن ناتيجەگە قول جەتكىزدى. سونىڭ ءبىرى قۇقىق قورعاۋ قىزمەتىندە اشىقتىقتىقتى, جاريالىلىقتى جۇزەگە اسىرۋ بولاتىن. بۇل قازىر ناقتى ءىس بارىسىندا كورىنىس تاۋىپ وتىر. ماسەلەن, تاياۋدا كولىكتەگى پوليتسيا قىزمەتىنە باقىلاۋ جاساۋ جونىندەگى قوعامدىق كەڭەستىڭ وتىرىسى ءوتتى. سوندا ءىىم كولىكتەگى ءىىد قىزمەت كورسەتەتىن ۋچاسكەلەرىندەگى قوعامدىق ورىنداردا ءسپيرتتى ىشىمدىك ءىشۋ ماسەلەسىن شەشۋدەگى ەڭ ۇزدىك ۇسىنىسقا اشىق بايقاۋ جاريالادى. سول-اق ەكەن قوعامدىق كەڭەستىڭ ەلەكتروندى مەكەنجايىنا ءار ءتۇرلى ۇسىنىستارمەن بارلىعى 32 000 حابارلاما كەلىپ تۇسكەن.
كەڭەسكە توراعالىق ەتۋشى ءىىم كولىكتەگى ءىىد باستىعىنىڭ ورىنباسارى پوليتسيا پولكوۆنيگى ە.يسابەكوۆ, شىندىعىندا ازاماتتار تاراپىنان مۇنداي كوپتەگەن وڭ پىكىرلەردىڭ ايتىلاتىنىن كۇتپەگەن ەدىك, دەيدى. سونىڭ ىشىندە مولوكوۆ ۆياچەسلاۆ دەگەن ازامات جولاۋشىلار ءۇشىن سالىنعان تىيىمدى بۇزۋشىلارعا ايىپپۇل شارالارى ەنگىزىلەتىن امال ۇسىنىپتى. ەگەر جولاۋشى ۆاگوندا الكوگولدى ىشىمدىك ىشسە وعان ايىپپۇل بالدارى تىركەلسىن, ول ودان كەلەسى بيلەت ساتىپ الۋ كەزىندە بيلەت قۇنىنا ەسەپتەلىپ قوسىلاتىن بولسىن. ياعني, ەگەر سەن ءتارتىپتى بۇزساڭ, سەن ءۇشىن كەلەسى جول جۇرگەن كەزدە ول ءوسىپ وتىرادى. قانشا رەت ءتارتىپ بۇزساڭ سونشا رەت بالل سانى ارتىپ وتىرادى جانە بيلەت قۇنى جوعارىلاي بەرەدى. وسىنداي شارا قولدانۋ جولاۋشىلاردىڭ پويىزدا نەمەسە تىكۇشاقتا ىشىمدىك ىشۋگە دەگەن ىقىلاستارىن ازايتادى, دەيدى.
ال ورازباەۆ ەرمەك دەگەن ازامات الكوگولدى ىشىمدىكتى وڭاي ساتىپ الاتىن «ۆاگون-مەيرامحانا» اتاۋىن وزگەرتۋ كەرەك دەيدى. «ۆاگون-مەيرامحانا» اتاۋىن, مىسالى: «ۆاگون-بالمۇزداق», «ۆاگون-ءدامحانا» جانە ت.س.س. اتاۋلارعا وزگەرتۋ. ەگەر ولار ءار ءتۇرلى بولسا – بۇل ءار ءبىر پويىزعا وزىندىك ەرەكشەلىك بەرەدى جانە ەڭ ۇزدىك پويىز قۇرامى دەگەن سايىس ۇيىمداستىرۋعا بولادى. سول سياقتى تاعى ءبىر ازامات ءتارتىپ بۇزۋشىلاردىڭ بيلەتتەرىنە «ىشىمدىك ءىشىپ جانە لايىقسىز مىنەز-ق ۇلىق كورسەتتى» دەگەن ءموردى قويۋ قاجەت, ويتكەنى جولدا كوپ ىشەتىندەر ىسساپارعا شىعۋشىلار, دەمەك ءىسساپاردان كەلگەن سوڭ ولار بيلەتتەرىن وتكىزۋى كەرەك, البەتتە ولارعا مۇنداي بيلەتتى تاپسىرۋ ىڭعايسىزدىق تۋدىرار ەدى, دەيدى. ءسويتىپ جولاۋشىلاردىڭ ۇسىنىمدارىن ساراپتاي كەلە كولىكتىڭ ۋاقىتشا ايالداماسى كەزىندە الگوگولدى ىشىمدىكتى جولاۋشىلاردىڭ ساتىپ الۋىن تومەندەتۋ ءۇشىن اۋە, تەمىر جول ۆوكزالدارى ماڭىندا الكوگولدى زاتتاردى ساتۋعا تىيىم سالۋ جانە وتىرعىزۋ بارىسىندا, جولاۋشىلاردى مىندەتتى تۇردە الكوتەستەر قۇرالى ارقىلى الكوگولدىك ماساڭدىققا تەكسەرۋ كەرەك دەگەن نەگىزگى پىكىرلەر ايرىقشا نازارعا الىندى. ارينە, بۇل ۇسىنىستار ءالى تالاي زەردەلەنەدى. دەگەنمەن حالىقتىڭ مۇنداي ۇسىنىستارى ءبىرىنشى كەزەكتە قۇقىق بۇزۋشىلار سانىن ايتارلىقتاي قىسقارتادى, قوعامدىق ءتارتىپتى نىق ساقتاۋعا مۇمكىندىك بەرەدى جانە جولاۋشىلاردىڭ قاۋىپسىزدىگىن قامتاماسىز ەتۋگە سەپتىگىن تيگىزەدى, دەيدى كولىكتەگى ساقشىلار.
الەكساندر تاسبولاتوۆ.