ناقتى ۇسىنىستار بەرىلدى

كەشە قازاقستان رەسپۋبليكاسى قاۋىپسىزدىك كەڭەسى جانىنداعى ساراپتامالىق كەڭەستىڭ ءماجىلىسى ءوتتى. كۇن ءتارتىبى بويىنشا قازاق­ستان­داعى ەتنودىني احۋالدىڭ دا­مۋى ماسەلەلەرى قاراستىرىلدى. قازاقستان رەسپۋبليكاسى پرەزي­دەنتى­نىڭ كومەكشىسى – قاۋىپسىزدىك كەڭەسىنىڭ حاتشىسى م.م.ءتاجين تالقىلاۋ بارىسىندا ايماق پەن الەمدەگى جاڭا ۇردىستەر, قازاق­ستان­نىڭ الەۋمەتتىك-ساياسي دامۋى­نىڭ قازىرگى جاعدايى, مەملەكەتتى ىلگەرىلەتۋدىڭ وسى باعىتىن جەتىلدىرۋ سەكىلدى ماڭىزدى ماسە­لە­لەر­گە قاتىستى اڭگىمە قوزعادى. قازاقستانداعى مەملەكەتتىك-كونفەسسيالىق جانە ەتنوسارالىق قا­تىناستاردىڭ قازىرگى تۇعىرنا­ما­سىن ازىرلەۋ بارىسىندا ازامات­تىق سەكتور مەن مەملەكەتتىك ىنتىماقتاستىقتىڭ ۇيلەسىمدىلىگى قامتاماسىز ەتىلۋى تيىستىگى اتاپ كورسەتىلدى. ءماجىلىستىڭ قورىتىندىلارى بوي­ىنشا ساراپتامالىق كەڭەس تا­راپىنان ناقتى ۇسىنىستار بەرىلدى, ولار قازاقستان رەسپۋب­لي­كا­سى قاۋىپسىزدىك كەڭەسى مەن قاۋىپسىزدىك كەڭەسى ۆەدومستۆو­ارا­لىق كو­ميس­سياسىنىڭ الداعى جۇ­مىستارىندا قولدانىلاتىن بو­لادى.