الماتى قالاسىنىڭ بولاشاعى باياندى

كەشە پرەمەر-مينيستر كارىم ءماسىموۆتىڭ ءتور­اعا­لى­عىمەن الماتى قالاسىنىڭ الەۋمەتتىك-ەكونوميكالىق سالا­لارىن دامىتۋ ماسەلەلەرى جونىندەگى جۇمىس كەڭەسى بولىپ ءوتتى. كەڭەستە مەملەكەت باسشىسى­نىڭ تاپسىرمالارىن ورىنداۋ ماق­ساتىندا ينۆەستيتسيالىق با­سىم جوبالاردى جۇزەگە اسىرۋ, قا­لانىڭ كولىك جانە تۋريستىك ين­فرا­قۇرىلىمىن دامىتۋ, تۇر­عىن ءۇي-كوممۋنالدىق سالانى مودەرنيزاتسيالاۋ جانە تۇراقتى ەنەرگە­تي­كالىق جۇيەنى قامتاما­سىز ەتۋ جايى ءسوز بولدى. سونداي-اق عيماراتتار مەن قۇرىلىم­دار­دىڭ سەيسمو­لو­گيا­لىق بەرىكتىگىن باقىلاۋ, وقى­تۋشىلار مەن ستۋدەنتتەر ءۇشىن جاتاقحانالار سالۋ جانە الماتى قالاسىنىڭ ازىق-ت ۇلىك بەلدەۋىن قالىپتاستىرۋ ماسەلەلەرى دە جان-جاقتى تال­قى­لاندى. مەملەكەت باسشىسى تاپسىرعان مىندەتتەردى ورىنداۋ بارىسى جونىندەگى شارالار تۋ­رالى الماتى قالاسىنىڭ اكىمى احمەتجان ەسىموۆ بايانداما جاسادى. كۇن تارتىبىندەگى ماسە­لە­لەردى تالقىلاۋعا ۇكىمەت باس­شى­سى­نىڭ ورىنباسارى ومىرزاق ءشو­كەەۆ جانە بىرقاتار مينيسترلەر قاتىستى. كەڭەس قورى­تىن­دىسى بويىنشا ۇكىمەت باس­شى­سى ءبىلىم جانە عىلىم, قارجى مينيسترلىكتەرىنە جانە الماتى قالاسىنىڭ اكىمدىگىنە ناقتى تاپسىرمالار بەردى, دەپ حابار­لادى پرەمەر-ءمينيستردىڭ باس­پاسوز قىزمەتى.