پرەمەر-ءمينيستردىڭ ورىنباسارى اسەت يسەكەشەۆ باستاعان دەپۋتاتتار توبى شىعىس قازاقستاندا ءۇش كۇن بويى دامۋ ينستيتۋتتارىنىڭ باسشىلارىمەن جۇمىس ىستەپ, ارنايى كەڭەس وتكىزدى. وندا ايماقتاعى ينۆەستيتسيالىق جوبالاردىڭ جۇزەگە اسىرىلۋى ماسەلەلەرى اڭگىمەگە ارقاۋ بولىپ, جاڭا باعدارلامالار تانىستىرىلدى.
تالقىلاۋعا 13 ينۆەستيتسيالىق جوبا شىعارىلدى. ءار جوبا بويىنشا مەملەكەت تاراپىنان ناقتى قولداۋ كورسەتۋدىڭ شارالارى بەلگىلەندى. ايتا كەتەر ءجايت, بۇل وڭىردە يندۋستريالاندىرۋ كارتاسىنا ەنگەن 34 ينۆەستيتسيالىق جوبا جۇزەگە اسىرىلۋدا.
شىعىس قازاقستان وبلىسى پرەزيدەنتتىك ۇدەمەلى يندۋستريالىق-يننوۆاتسيالىق باعدارلامانى بەلسەندى جۇرگىزىپ وتىرعان ءوڭىردىڭ ءبىرى. اعىمداعى جىلى قۇنى 53 ملرد. تەڭگەنى قۇرايتىن 13 جوبانى ىسكە قوسۋ جوسپارلانۋدا. ناتيجەسىندە, 2 مىڭ تۇراقتى جۇمىس ورنى قۇرىلادى.
كەڭەس باستالاردان ءبىر كۇن بۇرىن ۇكىمەتتىك كوميسسيا دەپۋتاتتىق كورپۋسپەن بىرلەسە وتىرا سەمەي مەن وسكەمەننىڭ بىرقاتار كاسىپورىندارىن ارالاپ كوردى. ولار تەك جۇمىس جاساپ جاتقان كاسىپورىندارمەن عانا ەمەس, توقتاپ تۇرعان كاسىپورىندارمەن دە تانىسىپ, ولاردى قايتا جانداندىرۋ العىشارتتارى تالقىلاندى. كەيىن يندۋستريالىق-يننوۆاتسيالىق دامۋدى قۇرۋ جونىندەگى ءۇيلەستىرۋ كەڭەسىنىڭ وتىرىسىندا وبلىس اكىمى بەردىبەك ساپارباەۆ اتاپ وتكەندەي, ايماقتاعى جۇمىس توبىنىڭ ءىسى وتە ءتيىمدى, قۇرىلىمدىق ءارى كاسىبي جۇزەگە اسىرىلىپ, ال ونى جۇزەگە اسىرۋدىڭ اعىمداعى پروبلەمالارىن جويۋعا كومەكتەسەدى. ايماقتاعى ينۆەستيتسيالىق جوبالاردىڭ جۇزەگە اسىرىلۋى جۇمىستارىنا جوعارى باعا بەرگەن دەپۋتاتتىق توپ تا زور قولداۋ كورسەتتى.
اسەت يسەكەشەۆ ءوز سوزىندە مۇنداي ساپارلاردى ەلدىڭ بارلىق وڭىرلەرىندە وتكىزۋ جوسپارلانىپ وتىرعاندىعىن ايتتى. قازىرگى ۋاقىتتا جۇمىس توبى الماتى, قاراعاندى, پاۆلودار جانە قوستاناي وبلىستارىندا بولىپ ۇلگەردى.
(قازاقپارات).