راۋان قايدار,
«ەگەمەن قازاقستان»
«2016 جىلى قازاندا بەكىتىلگەن قدب نەسيە ساياساتى تۋرالى مەموراندۋمنىڭ جاڭا رەداكتسياسىنا سايكەس بانك ينۆەستيتسيالىق جوبالاردى قارجىلاندىرۋ «شەگىن» 30 ملن اقش دوللارىنان 7 ملرد تەڭگەگە دەيىن, تاماق ونەركاسىبى ءۇشىن 10 ملن اقش دوللارىنان 3 ملرد تەڭگەگە دەيىن, ەكسپورتتىق وپەراتسيالار ءۇشىن 5 ملن اقش دوللارىنان 1 ملرد تەڭگەگە دەيىن تومەندەتتى. اقپاراتتىق اشىقتىقتى ارتتىرۋ ماقساتىندا بانك قدب اكىمشىلەندىرۋ جانە قارجىلاندىرۋىنداعى جوبالار تۋرالى جالپىعا قولجەتىمدى اقپارات بازاسىن كەڭەيتتى. بانكتىڭ سايتىندا قارجىلاندىرۋدىڭ نەگىزگى شارتتارى تۋرالى اقپاراتپەن جانە جوبالار بويىنشا جالپى مالىمەتپەن تانىسۋعا بولادى. «بايتەرەك» حولدينگىنىڭ نەگىزى قالانعالى بەرى سوڭعى ءتورت جىل بويى قدب وڭدەۋ ونەركاسىبى مەن ونەركاسىپتىك ينفراقۇرىلىم جوبالارىن نەسيەلەۋ ديناميكاسى بويىنشا وڭ ءۇردىستى ساقتاپ كەلەدى. نەسيە قورجىنى 2016 جىلدىڭ قورىتىندىسى بويىنشا 2013 جىلدىڭ كورسەتكىشىمەن سالىستىرعاندا 4 ەسەگە ارتتى جانە 1,6 ترلن استام تەڭگەنى قۇرادى, ال ونىڭ اكتيۆتەردەگى ۇلەسى 2016 جىلعى 37,3%-دان 2016 جىلدىڭ قورىتىندىسى بويىنشا 65,5%-عا دەيىن ۇلعايدى. سوڭعى 4 جىلدا قدب اكتيۆتەرى شامامەن 2,5 ەسەگە ءوستى, بۇل كەزەڭ تولىعىمەن بانك ءۇشىن شىعىنسىز بولدى. 2016 جىلدىڭ قورىتىندىسى بويىنشا جالپى 225 ملرد تەڭگە قارىزدار سوماسىنا 19 جوبا قارجىلاندىرۋعا ماقۇلداندى. جوبالار مەن باعدارلامالاردى قارجىلاندىرۋدىڭ جالپى كولەمى 2016 جىلى 426 ملرد تەڭگەنى قۇرادى, بۇل رەكوردتىق كورسەتكىش بولىپ تابىلادى ء(وسىم 2015 جىلدىڭ دەڭگەيىنە 30%-دى قۇرادى). ەسەپتىك كەزەڭدە تىكەلەي نەسيەلەۋ اياسىندا دامۋ بانكى جالپى 277,5 ملرد تەڭگە سوماعا شيكىزاتتىق ەمەس سەكتور كاسىپورىندارىنىڭ 14 ينۆەستيتسيالىق جوباسى مەن 10 ەكسپورتتىق وپەراتسياسىن قارجىلاندىردى, بۇل ەدب-ءنىڭ ەكونوميكانىڭ شيكىزاتتىق ەمەس سەكتور كاسىپورىندارىن نەسيەلەۋگە ءبىر جىلدا بەرگەن ۇزاق مەرزىمدى قارىزدارىنىڭ كولەمىمەن سالىستىرعاندا 57%-دى قۇرايدى. ءوز كەزەگىندە اعىمداعى جىلدىڭ ءتورت ايىنىڭ قورىتىندىسى بويىنشا قدب قارجىلاندىرۋعا جالپى 346 ملرد تەڭگە قارىزدار سوماسىنا 6 جوبانى ماقۇلدادى, ولاردىڭ ىشىندە شىمكەنت ءموز-ءىن جاڭعىرتۋ جانە جوندەۋ, سونداي-اق, استانا حالىقارالىق اۋەجايىنىڭ جولاۋشىلار تەرمينالىن جوندەۋ سياقتى ماڭىزدى جوبالار بار. بۇدان وزگە, بانكتىك ساراپتاما كەزەڭىندە تاماق ونەركاسىبى جانە مۇناي وڭدەۋ سياقتى سالالاردا 2 جوبا بار», دەدى ول.
توراعانىڭ سوزىنشە, اعىمداعى جىلدىڭ العاشقى 4 ايىندا جالپى 102,5 ملرد تەڭگە سوماعا 7 ينۆەستيتسيالىق جوبا مەن 6 ەكسپورتتىق وپەراتسيا قارجىلاندىرىلعان.