وبلىس بويىنشا بەس كارديولوگ جانە بەس ونكولوگ دارىگەر بىلىكتىلىگىن كوتەرۋ ءۇشىن يزرايلگە ءجۇرىپ كەتتى. جۇرەك-قان تامىرلارى اۋرۋلارىنان بولاتىن ءولىم-ءجىتىمنىڭ ەڭ تومەن كورسەتكىشى يزرايلدە جانە بۇل ەلدە قاتەرلى ىسىككە شالدىققان اۋرۋلاردىڭ ءۇلكەن پايىزى حيميالىق تەراپيا العاننان كەيىن امان قالادى ەكەن. ال مامانداردىڭ ايتۋىنشا, قوستاناي وڭىرىندە بۇل ناۋقاستان بولاتىن ادام شىعىنىنىڭ كورسەتكىشى ءالى دە جوعارى. سوندىقتان, وبلىس اكىمى سەرگەي كۋلاگيننىڭ قولداۋىمەن قوستاناي جانە ليساكوۆ قالالارىنداعى اۋرۋحانالاردان ون ءدارىگەر يزرايلدىڭ ەمدەۋ ورىندارىندا بىلىكتىلىگىن كوتەرەتىن بولادى.
كارديولوگ جانە ونكولوگ مامانداردىڭ بۇل ساپارى ءۇشىن وبلىس بيۋدجەتىنەن 13 ميلليون تەڭگە ءبولىندى. دارىگەرلەر بىلىكتىلىگىن كوتەرۋگە وبلىستا العاش رەت وسىنداي قوماقتى قارجى قاراستىرىلىپ وتىر.
– بىلىكتىلىكتى كوتەرۋ ءۇشىن ەكى اپتا ونشالىقتى كوپ ۋاقىت تا بولماۋى مۇمكىن. ولار يزرايلدەن كەلە سالىپ, جاڭا تەحنولوگيانى بىردەن تاجىريبەلەرىنە ەنگىزە سالادى دەگەن تۇسىنىك تۋماۋى كەرەك. مەديتسيناسى العا دامىپ كەتكەن ەلدە ادامداردىڭ دەنساۋلىعىن كۇتۋى, دارىگەرلەردىڭ پاتسيەنتتەرمەن جۇمىس ىستەۋى, ناۋقاستاردىڭ مەنتاليتەتى – بارلىعى دا بىزدەن بولەك. ءبىزدىڭ دارىگەرلەر سونىڭ بارلىعىن دا باقىلايدى, مۇمكىندىگىنشە وزىق تاجىريبەنى ۇيرەنەدى. ولار كەلگەن سوڭ تۇيگەن تاجىريبەنى ءارىپتەستەرىنە ۇيرەتەدى. دارىگەر مادەنيەتى دەگەنگە دە ءمان بەرمەيمىز. ال بىزگە تۇسەتىن ارىز-شاعىمنىڭ باسىم كوپشىلىگى ءدارىگەرلەردىڭ ناۋقاس پەن ولاردىڭ تۋىستارىنا ۋاقىت جانە ولاردىڭ كوڭىلىن جۇباتارداي دۇرىس ءسوز تابا الماۋى تۋرالى بولادى, – دەيدى وبلىستىق دەنساۋلىق ساقتاۋ باسقارماسى باستىعىنىڭ ورىنباسارى گۇلشات بايجۇمانوۆا.
ءنازيرا جارىمبەتوۆا, قوستاناي.