اق ۇيدە وتكەن كەزدەسۋدە ەرجان قازىحانوۆ اقش پرەزيدەنتىنە قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ قۇتتىقتاۋ ءسوزى مەن ىزگى تىلەكتەرىن جەتكىزدى. كەزدەسۋ اياسىندا قازاقستان ەلشىسى ەكى ەل اراسىنداعى ستراتەگيالىق سەرىكتەستىكتىڭ بارلىق باعىتتار بويىنشا, سونىڭ ىشىندە ساياسي, ساۋدا-ەكونوميكالىق, ينۆەستيتسيالىق, قۇقىقتىق جانە مادەني-گۋمانيتارلىق سالالاردا نىعايىپ كەلە جاتقانىن اتاپ ءوتتى. ءوز كەزەگىندە دونالد ترامپ قازاقستاننىڭ تاۋەلسىزدىك جىلدارى قول جەتكىزگەن جەتىستىكتەرىن جانە ەلىمىزدىڭ حالىقارالىق جانە ايماقتىق قاۋىپسىزدىكپەن قامتاماسىز ەتۋگە قوسقان ۇلەسىن جوعارى باعالادى.
اقش پرەزيدەنتى قازاقستاندىق-امەريكالىق قارىم-قاتىناستاردى كەڭەيتۋگە قىزىعۋشىلىق تانىتتى جانە جاقىندا استانادا «ەكسپو-2017» حالىقارالىق مامانداندىرىلعان كورمەسىن وتكىزۋگە قولداۋ ءبىلدىردى.