سايا بەرەتىن جاپىراقتى اعاشتاردى وتىرعىزۋ جۇمىستارىنىڭ كوشباسىندا بايدىبەك اۋدانى تۇر. ونداعى تابيعات جاناشىرلارى بۇگىنگى تاڭدا باعدارلاما اياسىندا 172 مىڭ تۇت اعاشىن, 3050 شىرشا جانە 22800 ءتۇپ گۇل كوشەتتەرىن وتىرعىزدى. وتىرار اۋدانىنداعى شىلىك, تەمىر, ءشاۋىلدىر, وتىرار, قوعام جانە تالاپتى اۋىلدىق وكرۋگتەرىندە بۇگىنگە دەيىن 53294 ءتۇپ جاسىل جەلەك وتىرىعىزىلسا, تولە بي اۋدانىندا 28 مىڭ تۇپتەن استام قاراعاش, ارشا جانە جەمىس اعاشتارى ەگىلگەن.
سارىاعاش اۋدانىنداعى رەسپۋبليكالىق ماڭىزى بار اۆتوجول بويىندا ورنالاسقان اۋىلدىق وكرۋگتەردە اۋماعى 11 شاقىرىمدى قۇرايتىن سايلى, توبەلى جەرلەرگە 20 مىڭ ءتۇپ دەكوراتيۆتى اعاش – شىرشا, بوز ارشا كوشەتتەرى ەگىلدى. شاردارادا باعدارلاما اياسىنداعى كوگالداندىرۋ جۇمىستارى جولعا قويىلعان. اۋداندا «جاسىل ايماق» قۇرۋ جوسپارى ءتۇزىلىپ, «شاردارا-اباي» مەن «شاردارا-ارىس» تاس جولدارىنىڭ بويىندا 3300 كوشەت جايقالىپ تۇر.
سوزاقتىقتار «شاتقال» باعدارلاماسىنا سايكەس, 6 مىڭ ءتۇپ تال ەگۋ جوسپارلانعانىن ايتسا, بۇگىندە ونىڭ 1030 ءتۇپ دەكوراتيۆتى كوشەتى اۋدانداعى 8 سۋ قويماسىنىڭ ماڭىنا وتىرعىزىلعان. جانە مۇندا قازىرگى كەزدە 800 ءتۇپ راۋشان گ ۇلى ءوسىرىلىپ جاتىر. سايرام اۋدانىنىڭ تابيعات جاناشىرلارى دا باعدارلاماعا قاتىسۋدان شەت قالعان جوق. سايرام مەن تۇلكىباس اۋداندارىنىڭ شەكتەسەر تۇسىندا, ياعني ماشات اسۋىنداعى حالىقارالىق اۆتوجولدىڭ بويىنا 1200 ءتۇپ ءتۇرلى جەمىس اعاشىمەن قوسا, قىلقانجاپىراقتى جانە قاراتال كوشەتتەرى وتىرعىزىلدى.
ماقتاارال اۋدانىندا باعدارلاما اياسىندا 11 مىڭ ءتۇپ تال كوشەتى وتىرعىزىلسا, قازىعۇرتتىقتار 40,8 گا جەرگە 25610 دانا كوشەت ەگۋدى جوسپارلاپ, بۇگىندە 25,8 گا جەرگە 16343 دانا كوشەت وتىرعىزدى. تۇركىستاندا دا اپتا سايىنعى سەنبىلىك بوس وتپەيدى. وندا بۇگىنگى تاڭدا 17 مىڭ ءتۇپ اعاش كوشەتتەرى كۇتىپ, باپتالۋدا. ال كەنتاۋداعى «كوك توبە» ۋچاسكەسىنە قوندىرىلعان 552 ءتۇپ قاراعاش كەلەشەكتە شاھار تۇرعىندارىنا سايا بولار جەلەكتەردىڭ قاتارىنا كىرەدى دەگەن جوسپار بار. ارىستاعى اعايىننىڭ دا باعدارلاماعا قوسقان ۇلەسى مول. شاھار تۇرعىندارى قازىرگى تاڭدا «قالاۋ داتقا» تۇرعىن اۋدانىنداعى شاتقالعا 1100 ءتۇپ كوشەت ەكسە, ارىس-شىمكەنت تاس جولىنىڭ بويىنداعى 12 گا جەر تەلىمىنە 5797 كوشەت وتىرعىزدى. تۇلكىباستاعى 15 اۋىلدىق وكرۋگتە «شاتقال» باعدارلاماسىنىڭ 6 مىڭ كوشەتى ءوسىرىلىپ, باپتالۋدا. اۋىلدىق وكرۋگتەردەگى 34 گا جەرگە تۇلكىباستىقتار ەمەن, شىرشا, قاراتال, تەرەك, بوزارشا, ءسامبى اعاشتارىنىڭ كوشەتىن وتىرعىزعان. ال ورداباسىلىق تۇرعىندار بۇگىنگە دەيىن 24165 ءتۇپ اعاش كوشەتىن ەگىپتى.