اتى اڭىزعا اينالعان اعالارىمەن كىلەم ۇستىندە جولىعۋ جاس ورەندەردى وزگەشە قۋانىشقا ءبولەدى. سەبەبى, اعالارىنىڭ داڭقتى جولى كىلەمگە شىققان كەز كەلگەن بالۋانعا ۇلگى-ونەگە. ەكى ساعات بويى 200-دەن اسا جاس سپورتشىعا گرەك-ريم كۇرەسىنىڭ ءادىس-تاسىلدەرى مەن ەرەكشەلىكتەرى جايلى ەرىنبەي اڭگىمەلەگەن جاقسىلىق اعا, ءوزى دە كىلەمگە شىعىپ ادىستەردى ساۋاتتى جاساۋدىڭ قىر-سىرىنا قانىقتىردى.
«مۇنداي شەبەرلىك-ساباقتاردىڭ ءجيى ءوتىپ تۇرۋى, اسىرەسە, جاسوسپىرىم بالۋاندار ءۇشىن وتە ماڭىزدى. ولار كوزىمەن كورگەنىن كوڭىلگە توقىپ, بيىك شىڭداردى باعىندىرۋعا قاناتتانادى. تەك قالالىق جەرلەردە عانا ەمەس, شالعاي جاتقان اۋىل-اۋداندارعا دا بارىپ وسىنداي شارالار وتكىزىپ, تالاي بۇلاقتىڭ كوزىن اشۋىمىز كەرەك. بولاشاقتا قازاقتىڭ كوك تۋىن كوكتە جەلبىرەتەتىن سپورتشىلار وسى جاستاردىڭ ىشىندە وتىر», دەيدى جاسى 65-كە كەلسە دە سپورتتىق بابىن جوعالتپاعان داڭقتى بالۋان. وسىدان بىرەر اپتا بۇرىن گرەك-ريم كۇرەسىنەن العاشقى شەبەرلىك ساعاتىن ايتۋلى بالۋان داۋلەت تۇرلىحانوۆ پەن شەتەلدىك مەيمان, وليمپيادا چەمپيونى كوماندير مادجيدوۆ وتكىزگەن ەدى.
يگى شارا الماتى قالاسى دەنە شىنىقتىرۋ جانە سپورت باسقارماسى, سونداي-اق, قازاقستان كۇرەس فەدەراتسياسىنىڭ قولداۋىمەن قولعا الىندى. «وسى باستامانى داستۇرگە اينالدىرىپ ءار ون كۇن سايىن ازيا, الەم, ەۋروپا چەمپيوندارىن شاقىرىپ جاس سپورتشىلارعا شەبەرلىك ساعاتتارى وتكىزىلىپ تۇرادى. الداعى ۋاقىتتا كۇرەسكە قاتىسۋعا ىنتاسى بار وسكىندەر اتالمىش سپورت كەشەنىندە اقىسىز جاتتىعۋ جاساپ تاجىريبەلى جاتتىقتىرۋشىلاردان ءتالىم الاتىن بولادى», دەيدى ۇيىمداستىرۋشىلار.
ارمان وكتيابر,
«ەگەمەن قازاقستان»
الماتى