جەتىسۋ جەرىندە بيىل كوكتەم جايىمەن كەلدى. جاڭبىرلى بولعانىمەن, جادىراي شىققان كۇن تاۋلارداعى اق قاردى ءوز مەزگىلىندە ەرىتىپ تە وتىردى. سوندىقتان تالعار, ەسىك, تۇرگەن, قاسكەلەڭ, قارعالى, سارقان, اقسۋ, تەنتەك, قاراتال وزەندەرى ارنالارىنان اسپاي, ارىنداماي اقتى. ناتيجەسىندە ەلدى مەكەندەرگە قار سۋىنىڭ قاۋپى تونگەن جوق.
الماتى وبلىستىق توتەنشە جاعدايلار دەپارتامەنتىنەن الىنعان مالىمەتكە سۇيەنسەك, ىلە الاتاۋى, جەتىسۋ (جوڭعار) الاتاۋى جانە ءحانتاڭىرىنىڭ باسىندا عانا قار قالىپتى. مۇزداقتار جىلداعىداي ءشىلىڭگىر شىلدەنىڭ ورتاسىندا عانا ەريتىندىكتەن, ءبوگەتتەردە بۇلقىنىپ, سالالىق قىزمەتكەرلەردى ابىگەرگە ءتۇسىرۋى مۇمكىن. ال ازىرگە ەش الاڭسىز شارۋانى كۇيتتەي بەرۋگە بولادى.
جازدىڭ اپتاپ ىستىعىندا تەك شارىن وزەنى مەن كولساي كولدەرى ارنالارىنان اسىپ جاتسا, بوگەتتەر ءب ۇلىنىپ قانا قويماي, ەتەكتەگى ەلدى مەكەندەرگە قاۋىپ توندىرەتىندىگىن دە ۇمىتپاعان ءلازىم. بىراق ءدال قازىر وعان الاڭدايتىنداي سەبەپ جوق, دەپ وتىر ماماندار.
نۇربول الدىباەۆ,
«ەگەمەن قازاقستان»
الماتى وبلىسى