2017 جىلدىڭ 18 اقپانىنان ماڭعىستاۋ جانە اتىراۋ وبلىستارىنىڭ الىستاعى ستانسالارىنا «دەنساۋلىق» كەڭەستىك-دياگنوستيكالىق پويىزى جول تارتتى.
«دەنساۋلىق» ماڭعىستاۋ وبلىسىنىڭ 15 شاقتى ستانساسىنا اتىراۋ وبلىسىنىڭ 12 ستانساسىنا قىزمەت كورسەتۋدى جوسپارلاپ وتىر, «دەنساۋلىق پويىزى» العاشقى جۇمىسىن 20 ساۋىردەن ماڭعىستاۋ وبلىسىنىڭ تۇرىش ستانساسىنان باستاماق.
مەديتسينالىق پويىزدىڭ ۆاگوندارىندا دارىگەرلەردىڭ كابينەتتەرى, دياگنوستيكالىق كورپۋس, تىركەۋ ءبولىمى, تاماقتانۋ جانە دەمالۋ بلوكتارى بار تولىققاندى «دوڭگەلەكتى ەمحانا» ورنالاسقان. ستوماتولوگ, دەرماتولوگ, ۋرولوگ, ماممولوگ, گينەكولوگ, نەۆروپاتولوگ, كارديولوگ, تەراپەۆت, وتولارينگولوگ, پەدياتر, وكۋليست سياقتى ماماندارعا كەزەككە تۇرعاندار كوپ. پويىزدا ۋدز-دياگنوستيكالاۋ, تاڭۋ, پروتسەدۋرالىق كابينەتتەر جانە شاعىن حيرۋرگيالىق وپەراتسيالار جاسايتىن وپەراتسيالىق بلوك قاراستىرىلعان. بارلىق كابينەتتەر تولىقتاي كومپيۋتەرلەنگەن. ساندىق فليۋوروگرافيالىق اپپارات رەنتگەن ءتۇسىرىلىمدى پاتسيەنتتىڭ جىلدام الۋىن قامتاماسىز ەتەدى, تاپسىرىلعان تالدامانىڭ ناتيجەسى دە كوپ كۇتتىرمەيدى.
مەديتسينالىق پويىزدىڭ ءار پاتسيەنتى قاجەتتى العاشقى مەديتسينالىق كومەك, بىلىكتى كەڭەس جانە ارى قاراي ەمدەلۋ ءۇشىن تاياۋ ورنالاسقان مەديتسينالىق ورتالىقتارعا جولداما الادى.
شالعايداعى ەلدى مەكەن تۇرعىندارىنىڭ دەنساۋلىعىنا دەگەن قامقورلاق ءۇشىن ولار وزدەرىنىڭ شەكسىز العىستارىن بىلدىرۋدە.
مەديتسينالىق پويىزدار سام, بەينەۋ, اقجىگىت, ءۇستىرت, ساي-وتەس ستانسالارى مەن №10 بەكەتكە ايالدايدى.