وبلىس اكىمىنىڭ ورىنباسارى الىبەك ناۋتيەۆتىڭ قاتىسۋىمەن اكتيۆ جينالىسى ءوتىپ, دەنساۋلىق ساقتاۋ, جۇمىسپەن قامتۋ, تەرروريزمنىڭ الدىن الۋ باعىتتارى بويىنشا ماسەلەلەر قوزعالدى. مەملەكەت باسشىسىنىڭ جۇرگىزىپ وتىرعان ساياساتى, مەملەكەتتىك باعدارلامالار تۋرالى دا مالىمەتتەر بەرىلدى. بەس باعىتقا بولىنگەن جۇمىس جوسپارى بويىنشا ارنايى توپ اۋداندى ءۇش كۇن بويى ارالايدى.
- وتكەن جىلى تەرروريزمنىڭ الدىن الۋعا باعىتتالعان ءىس-شارا ەلىمىزدە, اقتوبە وبلىسىندا ۇيىمداستىرىلىپ, ءوز ناتيجەسىن بەردى. بيىل دا وسى ماقساتتا اۋىلداردى ارالاپ, حالىقپەن كەزدەسەمىز. ەل ىشىندە قانداي تۇيتكىلدى ماسەلەلەر بار, سونى انىقتايمىز. توپ قۇرامىندا ارداگەرلەر, ءار ءتۇرلى سالانىڭ ماماندارى مەن دەپۋتاتتار بار, - دەيدى اتىراۋ وبلىسىنىڭ پروكۋرورى عالىمجان توعىزباەۆ.
باقىتگۇل باباش,
«ەگەمەن قازاقستان».
اتىراۋ.