باتا بەرۋ ءداستۇرىن دارىپتەۋ, جاس ۇرپاقتى جوعارى ادامگەرشىلىككە, سويلەۋ مادەنيەتىنە, رۋحاني تازالىققا باۋلۋدى ماقسات ەتكەن شاراعا 18 باتاگوي قاتىستى. ۇلتتىق قۇندىلىقتار دارىپتەلگەن بايقاۋدا ءداستۇرلى ونەر دە شەت قالمادى, جىرشى-تەرمەشىلەر كەشتىڭ كوركىن كەلتىردى.
«باتامەن ەل كوگەرەر» اتتى بايقاۋدىڭ باس جۇلدەسىن اتىراۋلىق اقمىرزا باتىرقايىروۆ جەڭىپ الدى. ۋاحيت ءادىلوۆ ءبىرىنشى, تىلەكقابىل مۇراتوللا ەكىنشى ورىنداردى يەلەندى. ال ءۇشىنشى ورىن ساياسات راحمەتوۆ پەن مالدىباي نىعمەتوۆتىڭ ەنشىسىنە بۇيىردى.
- ۇلت مۇراسىن ۇلىقتايتىن ۇلاعاتتى شارانى اتىراۋ قالالىق اكىمدىگى جىل سايىن ۇيىمداستىرادى. بۇل – اتا سالتىن جاڭعىرتىپ, ۇرپاقتار ساباقتاستىعىن نىعايتۋعا باعىتتالعان قادام, - دەيدى قالا اكىمىنىڭ ءباسپاسوز حاتشىسى ارداق جۋاسوۆ.
باقىتگۇل باباش,
«ەگەمەن قازاقستان».
اتىراۋ.