ەلباسى نۇرسۇلتان نازارباەۆ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى بيىلعى جولداۋىندا «تسيفرلىق قازاقستان» باعدارلاماسىن ازىرلەۋدى تاپسىرعانى بەلگىلى. پرەزيدەنت جۇكتەگەن ماڭىزدى مىندەتتى جۇزەگە اسىرۋعا ۇلەس قوسۋ ماقساتىندا بۇگىن وسكەمەندەگى دوستىق ءۇيى – قوعامدىق كەلىسىم ورتالىعىندا شقو قازاقستان حالقى اسسامبلەياسىنىڭ قولداۋىمەن ۆيرتۋالدى مەدياتسيا كابينەتى سالتاناتتى تۇردە اشىلدى.
«بۇل - ۆيرتۋالدى كابينەت قازاقستان بويىنشا تەڭدەسى جوق العاشقى جوبا. ونىڭ ارتىقشىلىعى, داۋلى ماسەلەلەرگە تاپ بولعان ادام وزىنە ىڭعايلى جەردە كومپيۋتەر نەمەسە قالتا تەلەفوندارى ارقىلى كاسىبي مەدياتورلارمەن بايلانىسقا شىعا الادى», - دەيدى وسكەمەندەگى دوستىق ءۇيى – قوعامدىق كەلىسىم ورتالىعىنىڭ ديرەكتورى ەلدار تولەۋبەكوۆ.
ۆيرتۋالدى كابينەت وسكەمەندەگى دوستىق ءۇيىنىڭ سايتىندا ورنالاسقان. كەلەڭسىز جاعدايلارعا كەزدەسكەن ءوڭىر تۇرعىندارى سوتقا جۇگىرمەي-اق, ۇيدە وتىرىپ-اق اتالعان سايتقا كىرىپ, تىركەلىپ, مەدياتورلارعا جازباشا حات جولداۋعا مۇمكىندىگى بار. جوبا اۆتورلارى ۆيرتۋالدى كابينەت 20 ساۋىردەن ءوز قىزمەتىن باستايتىنىن ايتادى.
ازامات قاسىم,
«ەگەمەن قازاقستان»
سۋرەتتى تۇسىرگەن – ءماناپ مۇرزاتاەۆ
وسكەمەن