جۇمىس ساپارىنىڭ بارىسىندا “قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك” اتتى قازاقستان رەسپۋبليكاسى پرەزيدەنتىنىڭ قازاقستان حالقىنا جولداۋىنىڭ جۇزەگە اسۋ بارىسىمەن تانىستى.
ەلباسى اگروونەركاسىپتىك كەشەن ەكونوميكانىڭ جاڭا درايۆەرىنە اينالۋى ءتيىس دەپ تاپسىرما بەرسە, سونىڭ نەگىزىندە اگروونەركاسىپتىك كەشەندى دامىتۋدىڭ 2017-2021 جىلدارعا ارنالعان مەملەكەتتىك باعدارلاماسى ازىرلەندى.
اتالعان باعدارلامادا اكىمدىكتەر ءۇشىن ءار جىلعا ناقتى ينديكاتورلار بەلگىلەنگەن. جۇمىس ساپارىنىڭ باستى ماقساتى قويىلعان ينديكاتورلاردى تالقىلاۋ جانە ورىندالۋ بارىسىن باقىلاۋ بولىپ تابىلادى.
جاڭا باعدارلاماعا سايكەس ىشكى نارىقتى وتاندىق ونىممەن تولىقتىرۋ, قايتا وڭدەيتىن جانە قۇراما جەم كاسىپورىندارىنىڭ جۇكتەمەلىگىن ارتتىرۋ, مال شارۋاشىلىعىنداعى جەمشوپ بازاسىن نىعايتۋ ماقساتىندا ەگىستىك جەرلەردى ءارتاراپتاندىرۋ جۇمىستارى جۇرگىزىلۋدە.
قازىرگى تاڭدا اقمولا وبلىسىنداعى 6 ماي وڭدەيتىن زاۋىتتاردىڭ جۇكتەمەلىگى – 30%, ال قۇراما جەم زاۋىتتارىنىڭ جۇكتەمەلىگى 56% قۇراپ وتىر.
سوندىقتان, زاۋىتتاردىڭ جۇكتەمەلىگىن ارتتىرۋ ماقساتىندا 2021 جىلعا قاراي مايلى داقىلدار القابىن 380 مىڭ گا, مال ازىعى داقىلدارىن 490 مىڭ گا, ارپانى 670 مىڭ گا ارتتىرۋ جوسپارلانۋدا. ال بيداي القابىن 680 مىڭ گا قىسقارتۋ كوزدەلۋدە.
2017 جىلى اقمولا وبلىسىندا اۋىل شارۋاشىلىعى داقىلدارىن 5,1 ملن گا اۋماققا ەگۋ جوسپارلاپ وتىر.
كوكتەمگى ەگىس جۇمىستارىنا دايىندىق بارىسىمەن تانىسا وتىرىپ, مينيستر اعىمداعى جىلى كوكتەمگى-ەگىستىك جۇمىستارىن جۇرگىزۋ ءۇشىن بيۋدجەتتىك نەسيەنىڭ پايىزدىق مولشەرلەمەسى تومەندەگەنىن ايتتى, سوڭعى تۇتىنۋشى ءۇشىن مولشەرلەمە 5-6 % قۇرادى. بۇل تومەندەۋ ەڭ الدىمەن اۋىل شارۋاشىلىعى داقىلدارىن ساپالى ەگۋگە باعىتتالعان.
ءارى قاراي, ۆيتسە-پرەمەر اۋدان اكىمدەرى مەن اۋىل شارۋاشىلىعى تاۋار وندىرۋشىلەرى اراسىندا جينالىس جۇرگىزدى. جينالىس بارىسىندا اۋىل شارۋاشىلىعى كووپەراتيۆتەرىن دامىتۋ مەن ايماقتا جەكە قوسالقى شارۋاشىلىق الەۋەتىن پايدالانۋ ارقىلى اوك ونىمدەرىن ءوندىرۋدى ۇلعايتۋ ماسەلەلەرى قاراستىرىلدى.
كووپەراتيۆتەرگە قولداۋ ءبىلدىرۋ ءۇشىن مەملەكەت تاراپىنان بارلىق شارالار قاراستىرىلعان, مىسالى: قۇرال-جابدىقتار باعاسىن 50% ارزانداتۋ, جەم-شوپكە سۋبسيديا بەرۋ, وندىرىلگەن جانە وڭدەۋگە تاپسىرىلعان ونىمدەردى سۋبسيديالاۋ, جەكە قوسالقى شارۋاشىلىقتارعا تومەن پايىزدى نەسيە قاراستىرۋ جانە ت.ب.
اۋىل شارۋاشىلىعى كووپەراتيۆتەرىن قۇرۋدى بەلسەندى جۇرگىزۋ ماقساتىندا, مينيسترلىك تاراپىنان «اۋىل شارۋاشىلىعىن قارجىلاي قولداۋ قورى» اق ارقىلى ليزينگكە بەرىلەتىن ءسۇت قابىلداۋ جانە مال بورداقىلاۋ پۋنكتتەرىن العاشقى جارناسىز قۇرۋدىڭ سىزباسى جاسالدى. العاشقى جارنا رەتىندە جالپى قۇنىنان 50% كولەمىندە بولىنگەن ينۆەستيتسيالىق سۋبسيديانى پايدالانۋ كوزدەلۋدە. سونىمەن قاتار, مەملەكەت تاراپىنان كووپەراتيۆتەرگە تاپسىرىلعان 1 ليتر ءسۇت ءۇشىن 10 تەڭگە سۋبسيديا بەرىلمەك. ءاربىر ءمۇيىزدى ءىرى قارا ءۇشىن 20 مىڭ تەڭگە جانە ۇساق مالدارعا 1500 تەڭگە كولەمىندە سۋبسيديا بەرۋ قاراستىرىلعان.
ايتا كەتۋ كەرەك, ەلباسىنىڭ تاپسىرماسىنا سايكەس قازاقستاننىڭ بارلىق ايماقتارىندا اۋىل شارۋاشىلىعى كووپەراتيۆتەرىنىڭ نەگىزدەرى, كووپەراتيۆتەرگە بىرىككەن اۋىل تۇرعىندارى ءۇشىن مەملەكەت تاراپىنان كورسەتىلەتىن مەملەكەتتىك قولداۋ شارالارى تۋرالى رەسپۋبليكانىڭ بارلىق ايماقتارىندا كەڭىنەن ءتۇسىندىرۋ جۇمىستارى جۇرگىزىلگەن بولاتىن.
اقمولا وبلىسىندا وسى جىلى ءسۇت پەن ەت ونىمدەرىنىڭ جۇكتەمەلىگىن ارتتىراتىن 32 كووپەراتيۆ قۇرۋ جوسپارلانۋدا. قازىرگى تاڭدا 14 كووپەراتيۆ قۇرىلدى.