بۇل تۋرالى قر اقپارات جانە كوممۋنيكاتسيالار ءمينيسترى داۋرەن اباەۆ فەيسبۋكتەگى پاراقشاسىندا جازدى.
"بۇدان بۇرىن ايتىلعانداي, «ازاماتتارعا ارنالعان ۇكىمەت» قاناتقاقتى جوباسىن ىسكە قوستى. وسىعان ساي ەندى استاناداعى ساۋران 7 مەكەنجايىنداعى حقكو تاڭعى 8-دەن تۇنگى 12-گە دەيىن جۇمىس ىستەيدى. مۇنىڭ قانشالىقتى ءتيىمدى بولارى 2 اي بويى باقىلانباق", - دەپ جازادى مينيستر.
اباەۆتىڭ ايتۋىنشا, ەگەر كەلۋشىلەر قاتارى ارتاتىن بولسا, وسىنداي حقكو-لاردى الماتىدا, سونىمەن قاتار ەلىمىزدىڭ باسقا وڭىرلەرىندە دە اشۋ قاراستىرىلادى.