وتىرىسقا قر ۇلتتىق ەكونوميكا مينيسترلىگى بيۋدجەتتىك ينۆەستيتسيالار جانە مەملەكەتتىك-جەكەشەلىك ارىپتەستىكتى دامىتۋ دەپارتامەنتىنىڭ ديرەكتورى نۇرىم ايازباەۆ, «قازاقستاندىق مەملەكەتتىك جەكەشەلىك ارىپتەستىك ورتالىعى» باسقارما توراعاسىنىڭ ورىنباسارى عالىمبەك مامراەۆ, «مەملەكەتتىك-جەكەشەلىك ارىپتەستىك» اق-نىڭ ۆيتسە-پرەزيدەنتى ايدوس كوبەتوۆ جانە جامبىل, قىزىلوردا مەن وڭتۇستىك قازاقستان وبلىسى اكىمدىكتەرىنىڭ وكىلدەرى قاتىستى.
تانىمدىق سەميناردى اشىپ بەرگەن د.ساتىبالدى ەلباسىنىڭ وسى جىلعى جولداۋىندا مەملەكەتتىك-جەكەشەلىك ارىپتەستىكتىك مەحانيزمىن دامىتۋ ماسەلەسىنە توقتالىپ, ناقتى مىندەتتەردى ايقىنداپ بەرگەنىن ايتتى.
«اتالعان مەحانيزم بيۋدجەت مۇمكىنشىلىگىن ەسكەرە وتىرىپ, الەۋمەتتىك ماڭىزدى نىسانداردى سالۋ نەمەسە پايدالانۋ ءۇشىن قاجەتتى قارجىلىق بازانى قامتاماسىز ەتۋدىڭ بالامالى قۇرالدارىنىڭ ءبىرى بولىپ تابىلادى. مەملەكەتتىك-جەكەشەلىك ارىپتەستىك مەحانيزمى مەملەكەت پەن بيزنەستىڭ ءوزارا پايدالى ىنتىماقتاستىعىن ارتتىرىپ, ۇسىنىلاتىن قىزمەتتەر ساپاسىن جاقسارتۋعا جانە قاجەتتى ينفراقۇرىلىمداردى جاڭعىرتۋعا مۇمكىندىك بەرەدى», - دەدى دارحان امانگەلدى ۇلى.
قر ۇلتتىق ەكونوميكا مينيسترلىگى مەن «قازاقستاندىق مەملەكەتتىك جەكە-مەنشىك ارىپتەستىك ورتالىعى» اق-نىڭ ۇيىتقى بولۋىمەن وتكەن جيىندا ءمجا نەگىزىندەگى شاعىن جوبالار بويىنشا بايقاۋ ءتارتىبى مەن قۇجاتتارىن ىقشامداۋ, جوباعا قاتىسۋ كەزىندەگى قاراستىرۋ مەرزىمىن قىسقارتۋ, مەملەكەتتىك-جەكە مەنشىك ارىپتەستىگى اياسىندا جاسالعان كەلىسىم شارتتاردى ۇلگى رەتىندە الا وتىرىپ ونىڭ ىسكە اسۋ بارىسىنىڭ تاجيربيەسىمەن ءبولىسۋ (دەنە شىنىقتىرۋ-ساۋىقتىرۋ, دارىگەرلىك امبۋلاتوريا, ستۋدەنتتىك جاتاقحانا, بالاباقشا سىندى نىسانداردىڭ قۇرىلىسى مەن ىسكە قوسىلۋى) ماسەلەلەرى ايتىلىپ, تالقىلاندى. جانە ەڭ باستىسى, ءار وبلىستا ساراپتاما قىزمەتىنسىز ىسكە اسىرۋعا بولاتىن جوبالار ىرىكتەلىپ الىنىپ, ونى قالاي جۇزەگە اسىراتىنى, بايقاۋ قۇجاتتارى, جوبا كەلىسىمدەرى ءتۇسىندىرىلدى. بۇل ءتاسىل مەملەكەتتىك-جەكە مەنشىك ارىپتەستىك جوباسىنىڭ ىسكە اسۋ مەرزىمىن ەكى ەسەگە قىسقارتىپ, ءتيىمدى ناتيجەگە قول جەتكىزۋگە سەپتىگىن تيگىزبەك.
«مەملەكەتتىك-جەكەشەلىك ارىپتەستىك» اق-نىڭ ۆيتسە-پرەزيدەنتى ا.كوبەتوۆتىڭ مالىمەتىنشە, وسىناۋ جوبا اياسىندا وڭىرلەردە 350 جوبانى جۇزەگە اسىرۋ جوسپارلانسا, بۇگىنگى كۇنگە دەيىن ونىڭ 42-ءنىڭ كەلىسىم-شارتى ءتۇزىلىپ ۇلگەرگەن. ال جالپى, ءمجا اياسىندا ەلىمىزدە جالپى قۇنى 1 تريلليون تەڭگەدەن استام قارجى بولاتىن جوبالاردى جۇزەگە اسىرۋ كوزدەلىپ وتىر.
جالپى, وڭتۇستىك قازاقستاندا 2017 جىلى جەرگىلىكتى دەڭگەيدەگى 40 جوبانى جۇزەگە اسىرۋ كوزدەلسە, ونىڭ 6-ۋىنىڭ بۇگىندە الەۋەتتى جەكەشەلىك ارىپتەسى انىقتالعان. اتالعان جوبالاردىڭ دەنى بالاباقشا, ەمحانا, سپورت كەشەندەرى سىندى الەۋمەتتىك نىساندار. مەملەكەتتىك-جەكە مەنشىك ارىپتەستىگى جوبالارىن جۇزەگە اسىرۋ بويىنشا قازىرگى كەزدە وقو رەسپۋبليكادا العاشقى جەتىلىككە كىرسە, الداعى جىلى العاشقى بەستىككە ەنۋدى كوزدەپ وتىر.
ايتا كەتۋ كەرەك, مۇنداي تانىمدىق سەمينارلار بۇعان دەيىن رەسپۋبليكانىڭ استانا, كوكشەتاۋ, اقتوبە, پاۆلودار, تالدىقورعان قالالارىندا ۇيىمداستىرىلىپ, وتكىزىلدى.