قازاقستاننىڭ ينۆەستيتسيالار جانە دامۋ ءمينيسترى جەڭىس قاسىمبەك قر پارلامەنتى سەناتىنىڭ وتىرىسىندا اۆياتسيالىق اپاتتاردى تەرگەيتىن ارنايى ورگان قۇرۋدى ۇسىندى.
"مەنىڭشە, اۆياتسيالىق اپاتتار مەن وقيعالاردى تەرگەيتىن ارنايى ورگان قۇرۋ كەرەك. ول ازاماتتىق جانە مەملەكەتتىك اۆياتسيادا ورىن العان وقيعالاردى تەرگەيتىن بىرىكتىرىلگەن ورگان دا بولۋى مۇمكىن. بۇگىندە ءبىزدىڭ مينيسترلىكتە جانە قورعانىس مينيسترلىگىندە اۆياتسيالىق وقيعالاردى تەرگەيتىن جەكە ءبولىم جۇمىس ىستەيدى, بىراق xالىقارالىق تاجىريبە كورسەتىپ وتىرعانىنداي, بۇل ورگاندار مينيسترلىكتەن جەكە بولۋى ءتيىس جانە تاۋەلسىز قىزمەت ەتۋى كەرەك", - دەدى ج. قاسىمبەك سەنات وتىرىسىندا. بۇل تۋرالى قازاقپارات حابارلايدى.
بۇنىڭ الدىندا xابارلانعانىنداي, قازاقستاندا اۆياتسيالىق قاۋىپسىزدىك زاڭمەن كۇشەيتىلەدى.
سونىمەن قاتار بۇگىن سەنات وتىرىسىندا مينيستر قازاقستاندا اۆيابيلەتتەرىنىڭ باعاسى ءتۇسۋى مۇمكىن ەكەنىن دە ءمالىم ەتكەن بولاتىن.