بۇل – ارباعا تاڭىلسا دا, ەڭسەسىن تۇسىرمەي, ەل مەرەيىن اسىرىپ جۇرگەن قايسار قىزدىڭ العاشقى جەتىستىگى ەمەس. ول مۇمكىندىگى شەكتەۋلى جاندار اراسىندا وتكەن حV اشىق ازيا چەمپيوناتىندا دا تۇعىردىڭ ەڭ بيىگىنەن كورىنگەن بولاتىن.
«زارينانىڭ ارمرەستلينگپەن شۇعىلدانىپ جۇرگەنىنە ءبىر جىلدان استى. جەكە باپكەرى ەرسايىن شوقپاروۆ بويجەتكەندى سپورت سەكتسياسىنا جازىلۋعا ازەر دەگەندە كوندىرگەنىن ايتىپ ەدى. ەندى, مىنە, توككەن تەر, ەتكەن ەڭبەكتەرى ەلەنىپ جاتىر. زارينانىڭ سپورتقا دەگەن قۇلشىنىسى ەرەكشە. بىلتىر بۇل چەمپيوناتقا بار بولعانى 18 سپورتشى قاتىسىپ ەدى, بيىل ولاردىڭ سانى 87-گە جەتتى», – دەيدى ەلىمىزدىڭ گىر سپورتى جانە ارمرەستلينگ فەدەراتسياسىنىڭ اتقارۋشى ديرەكتورى سەرگەي سوكولوۆ.
بۇل سايىستا شىعىس قازاقستان قۇراماسى جالپىكوماندالىق ەسەپتە ءۇشىنشى ورىندى يەلەندى. زارينا پريماكتان بولەك دانيار تايمەنوۆ, سەرگەي انتروپوۆ, ۆلاديمير ۋفيمتسەۆ, دياس ەسكەرمەتوۆ, تىلەك ەسقوجين سىندى شىعىسقازاقستاندىق سپورتشىلار جۇلدەگەرلەر قاتارىنان كورىندى.
وبلىس قۇراماسى بيىل 5-12 شىلدەدە قىرعىزستاندا وتەتىن ازيا چەمپيوناتىنا قاتىسادى.
ازامات قاسىم, «ەگەمەن قازاقستان»