اتموسفەرالىق اعىنداردىڭ وتۋىنە بايلانىستى رەسپۋبليكانىڭ باسىم بولىگىندە جاۋىن-شاشىن, وڭتۇستىك ايماعىنىڭ كەي جەرلەرىندە قاتتى جاۋىن-شاشىن كۇتىلەدى, تەك رەسپۋبليكانىڭ سولتۇستىك-باتىسىندا, ورتالىعىندا جانە وڭتۇستىك-باتىسىندا كۇن اشىق. كەي جەرلەردە ەكپىندى جەل, تۇمان, كوكتايعاق بولادى, دەپ حابارلايدى قازگيدرومەت.
جامبىل, وڭتۇستىك قازاقستان, سولتۇستىك قازاقستان وبلىستارىنىڭ كەي جەرلەرىندە جەل 15-20, ەكپىنى 23-28 م/س كۇشەيەدى, تۇمان بولادى.
وڭتۇستىك قازاقستان وبلىسىنىڭ كەي جەرلەرىندە كۇن كۇركىرەپ, نايزاعاي جارقىلدايدى. اقمولا, ماڭعىستاۋ, اقتوبە, قاراعاندى وبلىستارىنىڭ كەي جەرلەرىندە تۇمان تۇسەدى.
باتىس قازاقستان, قوستاناي وبلىستارىنىڭ كەي جەرلەرىندە تۇمان, جەلدىڭ 15-20 م/س كۇشەيۋى ىقتيمال.
قىزىلوردا, پاۆلودار وبلىستارىنىڭ كەي جەرلەرىندە جەل تۇرىپ, جىلدامدىعى15-20 م/س جەتەدى.
شىعىس قازاقستان وبلىسىنىڭ كەي جەرلەرىندە تۇمان, كوكتايعاق بولادى.