وسىعان وراي دەپۋتاتتار الداعى سارسەنبىدە بىرقاتار زاڭ جوبالارىن ءبىرىنشى وقىلىمدا تالقىلايدى دەپ كۇتىلۋدە.
ولار زياتكەرلىك مەنشىك سالاسىنداعى زاڭنامانى جەتىلدىرۋ ءماسەلەلەرىنە, سونىمەن بىرگە, ەلەكتر ەنەرگەتيكاسى ماسەلەلەرى بويىنشا ءتۇزەتۋلەرگە قاتىستى بولماق.
سونداي-اق, جالپى وتىرىستا ءماجىلىس الەۋمەتتىك قامسىزداندىرۋ ماسەلەلەرىنە ارنالعان ماڭىزدى زاڭ جوباسىن جۇمىسقا قابىلدايدى دەپ كۇتىلۋدە.
وسى زاڭ جوباسى بويىنشا تۇسىندىرمە جازبادا ايتىلعانداي, ۇستىمىزدەگى جىلعى شىلدەدەن باس-
تاپ جاسىنا بايلانىستى جانە ەڭبەك سىڭىرگەن جىلدارى ءۇشىن زەينەتاقى تولەمدەرىنىڭ مولشەرى, مەملەكەتتىك بازالىق زەينەتاقى تولەمدەرىنىڭ مولشەرىن بىلتىرعى جىلمەن سالىستىرعاندا 20 پايىزعا دەيىن ءوسىرۋدى قامتاماسىز ەتۋ ءۇشىن ارتتىرىلادى.
سونداي-اق, 2017 جىلى بالا تۋىنا بايلانىستى جاردەماقى كولەمىن 20 پايىزعا ارتتىرۋدى قامتامسىز ەتۋ بويىنشا زاڭناماعا ءوزگەرىستەر مەن تولىقتىرۋلار ەنگىزۋ كوزدەلۋدە.
بيۋرو وتىرىسىندا ءساۋىر ايىندا الماتى قالاسىندا حالىقارالىق ىستەر, قورعانىس جانە قاۋىپسىزدىك كوميتەتىنىڭ كوشپەلى وتىرىسىن وتكىزۋ تۋرالى ماسەلە دە قاراستىرىلدى.