WBA fedelatin, WBO intercontinental چەمپيونى قانات يسلام مەن WBA, IBO تۇجىرىمى بويىنشا الەم چەمپيونى جانات جاقيانوۆ الماتى قالاسىنىڭ «MD بوكس» زالىندا اشىق جاتتىعۋ وتكىزدى, دەپ حابارلايدى قازاقپارات.
قانات يسلامنىڭ PR-مەنەدجەرى بەرىك سۇلتاننىڭ حابارلاۋىنشا, اشىق جاتتىعۋ وتە جوعارى دەڭگەيدە ءوتىپ, ونى كورۋگە جينالعان كورەرمەندەر سانى كوپ بولدى. قازاقتىڭ قوس باتىرى جاس سپورتشىلارعا بوكستاعى ۇرىس تاسىلدەرىن ۇيرەتىپ, ءوز تاجيربەلەرىمەن ءبولىستى.
جاتتىعۋ سوڭىندا بوكسشىلار باق وكىلدەرىنە سۇحبات بەرىپ, جانكۇيەرلەرمەن فوتوعا ءتۇستى. سونداي-اق, قانات يسلام رينگتە كىشكەنتاي ءبۇلدىرشىننىڭ تۇساۋىن كەسىپ, بولاشاقتا چەمپيون بولۋىنا تىلەكتەستىك ءبىلدىردى.
بۇعان دەيىن حابارلاعانىمىزداي, 31 نارىز كۇنى قانات يسلام جانات جاقيانوۆتى جەڭىسىمەن قۇتتىقتاپ, شاپان جاپقان بولاتىن.