"ياعني, قوسىمشانى ءوزىڭىزدىڭ كەز كەلگەن گادجەتىڭىزگە (ۇيالى تەلەفون نەمەسە پلانشەت) جۇكتەپ, تىركەلەسىز جانە تەكسەرۋ تاعايىندالعان جاعدايدا ءسىزدىڭ گادجەتىڭىزگە «سىزگە تەكسەرۋ داتا كەلەدى» ماتىنىمەن Push-حابارلاما كەلىپ تۇسەدى.
حابارلاماعا باسساڭىز, تولىق كورىنىس اشىلادى – تەكسەرۋشى ورگان, تەكسەرۋشىنىڭ ءتاا, سونداي-اق تەكسەرۋدىڭ ءتۇرى, ءمانى جانە مەرزىمى.
سىزگە تەكسەرۋمەن كەلدى دەلىك. تەكسەرۋشى 14 تاڭبالى تىركەۋ ءنومىرى بار تەكسەرۋ تاعايىنداۋ تۋرالى اكتىنى ۇسىنۋعا مىندەتتى. ءسىز سول اكتىنىڭ ءنومىرىن ەنگىزىپ, بارلىق قاجەتتى اقپاراتتى الاسىز (جوعارىدا ايتىلعانداي)... جانە دە مىسالى, باسقا تەكسەرۋشى كەلسە, نەمەسە تاعايىنداۋ اكتىسىندە كورسەتىلگەن تەكسەرۋ مەرزىمى ءوتىپ كەتسە, وندا تەكسەرۋ زاڭسىز بولىپ تابىلادى!
بۇل جاعدايدا, ءسىز شاعىمدانا الاسىز, شاعىمدى كوميتەتتىڭ اۋماقتىق ورگاندارى قارايتىن بولادى جانە جاعداي راستالعان بولسا, بارلىق ءمان-جايدى ءتۇسىنۋ ءۇشىن ءموبيلدى توپ جىبەرىلەدى.
سونىمەن قاتار, ەڭ وزەكتى دەگەن ماسەلەلەردى جانە ولارعا دايىن جاۋاپتاردى قامتيتىن FAQ بار.قوسىمشانى Android, سونداي-اق iOS قۇرىلعىلارىندا جۇكتەۋگە بولادى (iOS بويىنشا تەحنيكالىق تۇرعىدا بارلىعى دايىن!, AppStore-دان راستاۋدى كۇتىپ وتىرمىز – سوندىقتان ايفونمەن قولداناتىندارعا كۇتە تۇرۋعا تۋرا كەلەدى).
2017 جىلدىڭ 1-توقسانى بويىنشا 34 مىڭعا جۋىق تەكسەرۋ تاعايىندالى, ونىڭ ىشىندە كاسىپكەرلەرگە قاتىستىسى 16,5 مىڭنان استام. تىركەۋ ساتىسىندا كوميتەت تەك 250 نەگىزسىز تەكسەرۋدىڭ جولىن كەستى.
ايتارىم, ەگەر بۇرىن تىركەۋدەن كەيىن ءبىز ونىڭ ءجۇرۋ پروتسەسىن باقىلاي المادىق (مەرزىمىندە جۇرگىزىلدى مە, تەكسەرۋشىلەر تاعايىندادى ما جانە ت.ب.). ال ەندى «Qamqor» قوسىمشاسى تەكسەرۋ پروتسەسىن قوسىمشا باقىلاپ وتىرۋعا, سول ارقىلى كاسىپكەرلەر مەن بيزنەسمەندەردى تەكسەرۋشىلەردىڭ زاڭسىز ارەكەتتەرىنەن قورعاۋعا جانە كومەكتەسۋگە مۇمكىندىك بەرەدى!" - دەيدى باعدات مۋسين.