​قازاقستان رەسپۋبليكاسى ۇكىمەتىنىڭ قاۋلىسى

2016 جىلعى 29 جەلتوقسان              №908              استانا, ۇكىمەت ءۇيى

قازاقستان رەسپۋبليكاسىنىڭ ۇكىمەتى قاۋلى ەتەدى:

1. قوسا بەرىلىپ وتىرعان قازاقستان رەسپۋبليكاسى ۇكىمەتىنىڭ كەيبىر شەشىمدەرىنە ەنگىزىلەتىن وزگەرىستەر بەكىتىلسىن.

2. وسى قاۋلى العاشقى رەسمي جاريالانعان كۇنىنەن باستاپ, بىراق 2017 جىلعى 1 قاڭ­تاردان ەرتە ەمەس قولدانىسقا ەنگىزىلەدى.

قازاقستان رەسپۋبليكاسىنىڭ پرەمەر-ءمينيسترى

ب.ساعىنتاەۆ

قازاقستان رەسپۋبليكاسى ۇكىمەتىنىڭ 2016 جىلعى 29 جەلتوقسانداعى

№908 قاۋلىسىمەن بەكىتىلگەن

قازاقستان رەسپۋبليكاسى ۇكىمەتىنىڭ

كەيبىر شەشىمدەرىنە ەنگىزىلەتىن وزگەرىستەر

1. «تەگىن مەديتسينالىق كومەكتىڭ كەپىلدىك بەرىلگەن كولەمىن كورسەتۋ بويىنشا دارىلىك زاتتاردى, پروفيلاكتيكالىق (يممۋنوبيولوگيالىق, دياگنوستيكالىق, دەزينفەكتسيالىق) پرەپاراتتاردى, مەديتسينالىق ماقساتتاعى بۇيىمدار مەن مەديتسينالىق تەحنيكانى, فارماتسەۆتيكالىق قىزمەتتەردى ساتىپ الۋدى ۇيىمداستىرۋ جانە وتكىزۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 30 قازانداعى № 1729 قاۋلىسىندا (قازاقستان رەسپۋبليكاسىنىڭ ءپۇاج-ى, 2009 ج., № 47-48, 444-قۇجات):

تاقىرىبى مىناداي رەداكتسيادا جازىلسىن:

«تەگىن مەديتسينالىق كومەكتىڭ كەپىلدىك بەرىلگەن كولەمىن جانە مىندەتتى الەۋمەتتىك مەديتسينالىق ساقتاندىرۋ جۇيەسىندەگى مەديتسينالىق كومەكتى كورسەتۋ بويىنشا دارىلىك زاتتاردى, پروفيلاكتيكالىق (يممۋندىق-بيولوگيالىق, دياگنوستيكالىق, دەزينفەك­تسيالىق) پرەپاراتتاردى, مەديتسينالىق ماقساتتاعى بۇيىمدار مەن مەديتسينالىق تەحني­كانى, فارماتسەۆتيكالىق قىزمەتتەر كورسەتۋدى ساتىپ الۋدى ۇيىمداستىرۋ جانە وتكىزۋ قاعيدالارىن بەكىتۋ تۋرالى»;

1-تارماق مىناداي رەداكتسيادا جازىلسىن:

«1. قوسا بەرىلىپ وتىرعان تەگىن مەديتسينالىق كومەكتىڭ كەپىلدىك بەرىلگەن كولەمىن جانە مىندەتتى الەۋمەتتىك مەديتسينالىق ساقتاندىرۋ جۇيەسىندەگى مەديتسينالىق كومەكتى كورسەتۋ بويىنشا دارىلىك زاتتاردى, پروفيلاكتيكالىق (يممۋندىق-بيولوگيالىق, دياگنوستيكالىق, دەزينفەكتسيالىق) پرەپاراتتاردى, مەديتسينالىق ماقساتتاعى بۇيىمدار مەن مەديتسينالىق تەحنيكانى, فارماتسەۆتيكالىق قىزمەتتەر كورسەتۋدى ساتىپ الۋدى ۇيىمداستىرۋ جانە وتكىزۋ قاعيدالارى بەكىتىلسىن.»;

كورسەتىلگەن قاۋلىمەن بەكىتىلگەن تەگىن مەديتسينالىق كومەكتىڭ كەپىلدىك بەرىلگەن كولەمىن كورسەتۋ بويىنشا دارىلىك زاتتاردى, پروفيلاكتيكالىق (يممۋنوبيولوگيالىق, دياگنوستيكالىق, دەزينفەكتسيالىق) پرەپاراتتاردى, مەديتسينالىق ماقساتتاعى بۇيىم­دار مەن مەديتسينالىق تەحنيكانى, فارماتسەۆتيكالىق قىزمەتتەردى ساتىپ الۋدى ۇيىمداستىرۋ جانە وتكىزۋ ەرەجەسى وسى وزگەرىستەرگە 1-قوسىمشاعا سايكەس جاڭا رەداكتسيادا جازىلسىن.

2. «تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە دارىلىك زاتتاردى, مەديتسينالىق ماقساتتاعى بۇيىمداردى ساقتاۋ جانە تاسىمالداۋ جونىندەگى كورسەتىلەتىن قىزمەتتەردى ساتىپ الۋدى جانە شارتتار, ۇزاق مەرزىمدى شارتتار جاساسۋدى, سونداي-اق مەديتسينالىق تەحنيكانى ساتىپ الۋدى ۇيىمداستىرۋدى جۇزەگە اسىراتىن بىرىڭعاي ديستريبيۋتور تۋرالى» قازاقستان رەسپۋبليكاسى ۇكىمەتىنىڭ 2009 جىلعى 7 قاراشاداعى № 1781 قاۋلىسىندا:

تاقىرىبى مىناداي رەداكتسيادا جازىلسىن:

«تەگىن مەديتسينالىق كومەكتىڭ كەپىلدىك بەرىلگەن كولەمى جانە مىندەتتى الەۋمەتتىك مەديتسينالىق ساقتاندىرۋ جۇيەسىندەگى مەديتسينالىق كومەك شەڭبەرىندە دارىلىك زاتتار مەن مەديتسينالىق ماقساتتاعى بۇيىمداردى ساقتاۋ جانە تاسىمالداۋ جونىندەگى قىزمەتتەردى ساتىپ الۋدى جانە شارتتار, ۇزاق مەرزىمدى شارتتار جاساسۋدى, سونداي-اق مەديتسينالىق تەحنيكانى ساتىپ الۋدى ۇيىمداستىرۋدى جۇزەگە اسىراتىن بىرىڭعاي ديستريبيۋتور تۋرالى»;

1-تارماق مىناداي رەداكتسيادا جازىلسىن:

«1. «سق-فارماتسيا» جاۋاپكەرشىلىگى شەكتەۋلى سەرىكتەستىگى تەگىن مەديتسينالىق كومەكتىڭ كەپىلدىك بەرىلگەن كولەمى جانە مىندەتتى الەۋمەتتىك مەديتسينالىق ساقتاندىرۋ جۇيەسىندەگى مەديتسينالىق كومەك شەڭبەرىندە دارىلىك زاتتاردى, مەديتسينالىق ماقساتتاعى بۇيىمداردى ساقتاۋ جانە تاسىمالداۋ جونىندەگى كورسەتىلەتىن قىزمەتتەردى ساتىپ الۋدى جانە شارتتار, ۇزاق مەرزىمدى شارتتار جاساسۋدى, سونداي-اق مەديتسينالىق تەحنيكانى ساتىپ الۋدى ۇيىمداستىرۋدى جۇزەگە اسىراتىن بىرىڭعاي ديستريبيۋتور بولىپ ايقىندالسىن.».

3. «تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە بىرىڭعاي ديستريبيۋ­توردىڭ دارىلىك زاتتار مەن مەديتسينالىق ماقساتتاعى بۇيىمداردى ساقتاۋ جانە تاسىمالداۋ جونىندەگى كورسەتىلەتىن قىزمەتتەردى ساتىپ الۋ قاعيدالارىن بەكىتۋ جانە قازاقستان رەسپۋبليكاسى ۇكىمەتىنىڭ كەيبىر شەشىمدەرىنە وزگەرىستەر مەن تولىقتى­رۋ­لار ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2015 جىلعى 8 شىلدەدەگى № 515 قاۋلىسىندا (قازاقستان رەسپۋبليكاسىنىڭ ءپۇاج-ى, 2015 ج., № 37-38, 265-قۇجات):

تاقىرىبى مىناداي رەداكتسيادا جازىلسىن:

«بىرىڭعاي ديستريبيۋتوردىڭ تەگىن مەديتسينالىق كومەكتىڭ كەپىلدىك بەرىلگەن كولەمى جانە مىندەتتى الەۋمەتتىك مەديتسينالىق ساقتاندىرۋ جۇيەسىندەگى مەديتسينالىق كومەك شەڭبەرىندە دارىلىك زاتتار مەن مەديتسينالىق ماقساتتاعى بۇيىمداردى ساقتاۋ جانە تاسى­مالداۋ جونىندەگى قىزمەتتەردى ساتىپ الۋ قاعيدالارىن بەكىتۋ جانە قازاقستان رەسپۋب­ليكاسى ۇكىمەتىنىڭ كەيبىر شەشىمدەرىنە وزگەرىستەر مەن تولىقتىرۋلار ەنگىزۋ تۋرالى»;

كورسەتىلگەن قاۋلىمەن بەكىتىلگەن تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە بىرىڭعاي ديستريبيۋتوردىڭ دارىلىك زاتتار مەن مەديتسينالىق ماقساتتاعى بۇيىمداردى ساقتاۋ جانە تاسىمالداۋ جونىندەگى كورسەتىلەتىن قىزمەتتەردى ساتىپ الۋ قاعيدالارى وسى وزگەرىستەرگە 2-قوسىمشاعا سايكەس جاڭا رەداكتسيادا جازىلسىن.

قازاقستان رەسپۋبليكاسى ۇكىمەتىنىڭ كەيبىر شەشىمدەرىنە ەنگىزىلەتىن وزگەرىستەرگە 1-قوسىمشا

قازاقستان رەسپۋبليكاسى ۇكىمەتىنىڭ 2009 جىلعى 30 قازانداعى

№ 1729 قاۋلىسىمەن بەكىتىلگەن

تەگىن مەديتسينالىق كومەكتىڭ كەپىلدىك بەرىلگەن كولەمىن جانە مىندەتتى الەۋمەتتىك مەديتسينالىق ساقتاندىرۋ جۇيەسىندەگى مەديتسينالىق كومەكتى كورسەتۋ بويىنشا دارىلىك زاتتاردى, پروفيلاكتيكالىق

(يممۋندىق-بيولوگيالىق, دياگنوستيكالىق, دەزينفەكتسيالىق) پرەپاراتتاردى, مەديتسينالىق ماقساتتاعى بۇيىمدار مەن مەديتسينالىق تەحنيكانى, فارماتسەۆتيكالىق قىزمەتتەر كورسەتۋدى ساتىپ الۋدى ۇيىمداستىرۋ جانە وتكىزۋ قاعيدالارى

1-ءبولىم. نەگىزگى ەرەجەلەر

1-تاراۋ. جالپى ەرەجەلەر

1. وسى تەگىن مەديتسينالىق كومەكتىڭ كەپىلدىك بەرىلگەن كولەمىن جانە مىندەتتى الەۋمەتتىك مەديتسينالىق ساقتاندىرۋ جۇيەسىندەگى مەديتسينالىق كومەكتى كورسەتۋ بويىنشا دارىلىك زاتتاردى, پروفيلاكتيكالىق (يممۋندىق-بيولوگيالىق, دياگنوستيكالىق, دەزينفەكتسيالىق) پرەپاراتتاردى, مەديتسينالىق ماقساتتاعى بۇيىمدار مەن مەديتسينالىق تەحنيكانى, فارماتسەۆتيكالىق قىزمەتتەر كورسەتۋدى ساتىپ الۋدى ۇيىمداستىرۋ جانە وتكىزۋ قاعيدالارى (بۇدان ءارى – قاعيدالار) 2009 جىلعى 18 قىركۇيەكتەگى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسى كودەكسى (بۇدان ءارى – كودەكس) 6-بابىنىڭ 12) تارماقشاسىنا, 10-بابىنىڭ 7) تارماقشاسىنا, «مىندەتتى الەۋمەتتىك مەديتسينالىق ساقتاندىرۋ تۋرالى» 2015 جىلعى 16 قاراشاداعى قازاقستان رەسپۋبليكاسىنىڭ زاڭى 7-بابىنىڭ 2-تارماعىنا سايكەس ازىرلەندى جانە تەگىن مەديتسينالىق كومەكتىڭ كەپىلدىك بەرىلگەن كولەمىن جانە مىندەتتى الەۋمەتتىك مەديتسينالىق ساقتاندىرۋ جۇيەسىندەگى مەديتسينالىق كومەكتى كورسەتۋ بويىنشا دارىلىك زاتتاردى, مەديتسينالىق ماقساتتاعى بۇيىمدار مەن مەديتسينالىق تەحنيكانى, فارماتسەۆتيكالىق قىزمەتتەر كورسەتۋدى ساتىپ الۋدى ۇيىمداستىرۋ جانە وتكىزۋ, سونداي-اق ليزينگ بەرۋشىنىڭ بىرىڭعاي ديستريبيۋتور ارقىلى مەديتسينالىق تەحنيكانى ودان ءارى دەنساۋلىق ساقتاۋ ۇيىمدارىنا قارجىلىق ليزينگ شارتتارىندا جەتكىزۋ ءۇشىن ساتىپ الۋ ءتارتىبىن ايقىندايدى.

2. وسى قاعيدالاردا مىناداي ۇعىمدار پايدالانىلادى:

1) تاپسىرىس بەرۋشىنىڭ نەمەسە ساتىپ الۋدى ۇيىمداستىرۋشىنىڭ نەمەسە بىرىڭعاي ديستريبيۋتوردىڭ ۇلەستەس تۇلعاسى – تاپسىرىس بەرۋشى, ساتىپ الۋدى ۇيىمداستىرۋشى نەمەسە بىرىڭعاي ديستريبيۋتوردىڭ شەشىمدەرىن تىكەلەي جانە (نەمەسە) جاناما ايقىنداۋعا جانە (نەمەسە) ولار قابىلدايتىن شەشiمدەرگە, ونىڭ ىشىندە شارتتىڭ كۇشىنە وراي ىقپال ەتۋگە مۇمكىندىگى بار تۇلعا (بەرىلگەن وكىلدىكتەرىنىڭ شەڭبەرىندە ونىڭ قىزمەتىن رەتتەۋدى جۇزەگە اسىراتىن مەملەكەتتىك ورگانداردى قوسپاعاندا), سونداي-اق وزiنە قاتىستى تاپسىرىس بەرۋشى, ساتىپ الۋدى ۇيىمداستىرۋشى نەمەسە بىرىڭعاي ديستريبيۋتوردىڭ وسىنداي قۇقىعى بولاتىن كەز كەلگەن تۇلعا;

2) الەۋەتتى ءونىم بەرۋشىنىڭ ۇلەستەس تۇلعاسى – وسى الەۋەتتi ءونiم بەرۋشiنiڭ شەشiمدەرiن تىكەلەي جانە (نەمەسە) جاناما ايقىنداۋعا جانە (نەمەسە) ول قابىلدايتىن شەشiمدەرگە, ونىڭ iشiندە شارت نەمەسە وزگە دە مامiلەنiڭ كۇشiنە وراي ىقپال ەتۋگە قۇقىعى بار كەز كەلگەن جەكە نەمەسە زاڭدى تۇلعا, سونداي-اق وزiنە قاتىستى وسى الەۋەتتi ءونiم بەرۋشiنiڭ وسىنداي قۇقىعى بولاتىن كەز كەلگەن جەكە نەمەسە زاڭدى تۇلعا;

3) تاپسىرىس بەرۋشىلەر – دەنساۋلىق ساقتاۋ بيۋدجەتتىك باعدارلامالارىنىڭ اكىمشىلەرى, مەملەكەتتىك مەكەمەلەر, مىندەتتى الەۋمەتتىك مەديتسينالىق ساقتاندىرۋ قورى (بۇدان ءارى – قور), سونداي-اق داۋىس بەرەتىن اكتسيالارىنىڭ (ۇلەستەرىنىڭ) ەلۋ جانە ودان كوپ پايىزى مەملەكەتكە تيەسىلى مەملەكەتتىك كاسىپورىندار, زاڭدى تۇلعالار;

4) بىرىڭعاي ديستريبيۋتور – تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە جانە مىندەتتى الەۋمەتتىك مەديتسينالىق ساقتاندىرۋ جۇيەسىندە دارىلىك زاتتاردىڭ, مەديتسينالىق ماقساتتاعى بۇيىمداردىڭ, دارىلىك زاتتاردى, مەديتسينالىق ماقساتتاعى بۇيىمداردى ساقتاۋ جانە تاسىمالداۋ جونىندەگى كورسەتىلەتىن قىزمەتتەردىڭ ساتىپ الىنۋىن جانە شارتتار, ونىڭ ىشىندە ۇزاق مەرزىمدى شارتتار جاساسۋدى, سونداي-اق مەديتسينالىق تەحنيكانىڭ ساتىپ الىنۋىن ۇيىمداستىرۋدى جۇزەگە اسىراتىن زاڭدى تۇلعا;

5) ساتىپ الۋ – وسى قاعيدالاردا بەلگىلەنگەن تارتىپپەن جانە تاسىلدەرمەن تەگىن مەديتسينالىق كومەكتىڭ كەپىلدىك بەرىلگەن كولەمىن جانە مىندەتتى الەۋمەتتىك مەديتسينالىق ساقتاندىرۋ جۇيەسىندەگى مەديتسينالىق كومەك كورسەتۋ بويىنشا دارىلىك زاتتاردى, پروفيلاكتيكالىق (يممۋندىق-بيولوگيالىق, دياگنوستيكالىق, دەزينفەكتسيالىق) پرەپاراتتاردى, مەديتسينالىق ماقساتتاعى بۇيىمدار مەن مەديتسينالىق تەحنيكانى, فارماتسەۆتيكالىق كورسەتىلەتىن قىزمەتتەردى تاپسىرىس بەرۋشىنىڭ, بىرىڭعاي ديستريبيۋتوردىڭ, ليزينگ بەرۋشىنىڭ ساتىپ الۋى;

6) ساراپتامالىق باعالاۋ – دەنساۋلىق ساقتاۋ سالاسىنداعى ۋاكىلەتتى ورگان بەكىتكەن مەديتسينالىق تەحنيكانىڭ ءتيىمدى تەحنيكالىق سيپاتتامالارى جانە كلينيكالىق-تەحنيكالىق نەگىزدەمەسىن ساراپتامالىق باعالاۋدى جۇزەگە اسىرۋ ادىستەمەسىنە سايكەس ليزينگ بەرۋشى جۇزەگە اسىراتىن باعالاۋ;

7) دارىلىك زات – ادامنىڭ ورگانيزمىمەن بايلانىسقا تۇسەتىن نەمەسە ونىڭ اعزالارى مەن تىندەرىنە وتەتىن, اۋرۋلاردىڭ پروفيلاكتيكاسىنا, دياگنوستيكاسىنا جانە ولاردى ەمدەۋگە, سونداي-اق اعزانىڭ جاي-كۇيى مەن فۋنكتسيالارىن وزگەرتۋگە ارنالعان فارماكولوگيالىق بەلسەندى زاتتاردى بىلدىرەتىن نەمەسە ولاردى قامتيتىن زاتتار: دارىلىك سۋبستانتسيا, دارىلىك شيكىزات, دارىلىك زاتتاردىڭ بالك-ونىمدەرى, دارىلىك پرەپاراتتار;

8) يممۋندىق-بيولوگيالىق پرەپاراتتار – باسقا دا اۋرۋلار مەن فيزيولوگيالىق جاي-كۇيلەردىڭ يممۋنولوگيالىق ادىستەرى كومەگىمەن ينفەكتسيالىق جانە يممۋندىق اۋرۋلاردىڭ (اللەرگيانى قوسا العاندا) ارنايى پروفيلاكتيكاسىنا, دياگنوستيكاسىنا جانە ولاردى ەمدەۋگە ارنالعان پرەپاراتتار, سىرتقى ورتا وبەكتىلەرىندە ينفەكتسيالىق اگەنتتەر مەن ولاردىڭ انتيگەندەرىن ينديكاتسيالاۋعا ارنالعان قۇرالدار, قان پرەپاراتتارى (الۋ تاسىلىنە قاراماستان), سونداي-اق يممۋندىق جۇيە ارقىلى ەمدىك جانە پروفيلاكتيكالىق اسەرىن تيگىزەتىن پرەپاراتتار;

9) مەديتسينالىق تەحنيكا – اۋرۋلاردىڭ پروفيلاكتيكاسى, دياگنوستيكاسى, ەمدەۋ, وڭالتۋ, مەديتسينالىق سيپاتتاعى عىلىمي زەرتتەۋلەر ءۇشىن جەكە, كەشەندەردە نەمەسە مە­ديتسينالىق ماقساتتاردا جۇيەلەردە قولدانىلاتىن اپپاراتتار, اسپاپتار مەن جابدىق;

10) مەديتسينالىق ماقساتتاعى بۇيىمدار – پروفيلاكتيكالىق, دياگنوستيكالىق جانە ەمدەۋ ءىس-شارالارىن جۇرگىزۋ ءۇشىن پايدالانىلاتىن بۇيىمدار, ماتەريالدار: مەديتسينالىق قۇرالدار, ستوماتولوگيالىق, شىعىc, تاڭۋ جانە تىگۋ ماتەريالدارى, بەكىتەتىن تاڭعىشتار مەن قۇرىلعىلار, مەديتسينالىق وپتيكا بۇيىمدارى;

11) بىرتەكتى تاۋارلار مەن كورسەتىلەتىن قىزمەتتەر – بiردەي بولماسا دا, سول بiر فۋنكتسيالاردى ورىنداۋىنا جانە ءوزارا الماستىرۋشى بولۋىنا مۇمكiندiك بەرەتiن ۇقساس سيپاتتامالارى بار جانە ۇقساس قۇراۋىشتاردان تۇراتىن تاۋارلار, كورسەتiلەتiن قىزمەتتەر;

12) بيوسيميليار – ساپاسى, قاۋىپسىزدىگى, تيىمدىلىگى بويىنشا العاش (بىرەگەي) شىعارىلعان جانە بىرەگەي دارىلىك پرەپارات پاتەنتىنىڭ قولدانىلۋ مەرزىمى وتكەننەن كەيىن تىركەۋگە ۇسىنىلعان دارىلىك پرەپاراتقا ۇقساس بيوتەحنولوگيالىق دارىلىك پرەپارات;

13) الەۋەتتى ءونىم بەرۋشى – وسى قاعيدالارعا سايكەس شارت جاساسۋعا ۇمىتكەر, كاسىپكەرلىك قىزمەتتى جۇزەگە اسىراتىن جەكە تۇلعا, زاڭدى تۇلعا (ەگەر قازاقستان رەسپۋبليكاسىنىڭ زاڭدارىندا ولار ءۇشىن وزگەشە بەلگىلەنبەسە, مەملەكەتتىك مەكەمەلەردى قوسپاعاندا);

14) ءونىم بەرۋشى – كاسىپكەرلىك قىزمەتتى جۇزەگە اسىراتىن جەكە تۇلعا (ەگەر ولار ءۇشىن قازاقستان رەسپۋبليكاسىنىڭ زاڭدارىندا وزگەشە بەلگىلەنبەسە مەملەكەتتىك مەكەمەلەردى قوسپاعاندا) وسى قاعيدالارعا سايكەس شارت جاساسقان نە قارجى ليزينگى تۋرالى قازاقستان رەسپۋبليكاسىنىڭ زاڭنامالىق اكتىلەرىنە سايكەس قارجى ليزينگى شارتىن جاساسقان زاڭدى تۇلعا;

15) تەندەر – الەۋەتتى ءونىم بەرۋشىلەر اراسىندا اشىق باسەكەلەستىكتى كوزدەيتىن جانە ساتىپ الۋ تۋرالى شارتتىڭ نەعۇرلىم ءتيىمدى تالاپتارىن ايقىنداۋعا باعىتتالعان ساتىپ الۋ ءتاسىلى;

16) ەكى كەزەڭدىك راسىمدەردى پايدالانا وتىرىپ وتكىزىلەتىن تەندەر (بۇدان ءارى – ەكى كەزەڭدىك تەندەر) – الەۋەتتى ءونىم بەرۋشىلەر اراسىندا اشىق باسەكەلەستىكتى كوزدەيتىن جانە وسى قاعيدالارعا سايكەس جۇزەگە اسىرىلاتىن اۋكتسيوندى قولدانا وتىرىپ, شارتتىڭ اناعۇرلىم ءتيىمدى تالاپتارىن ايقىنداۋعا باعىتتالعان ساتىپ الۋ ءتاسىلى;

17) تەندەرلىك قۇجاتتاما – وسى قاعيدالارعا سايكەس تەندەرلىك ءوتىنىمدى دايىنداۋ ءۇشىن الەۋەتتى ءونىم بەرۋشىگە تاپسىرىس بەرۋشى نەمەسە تەندەردى ۇيىمداستىرۋشى ۇسىناتىن قۇجاتتاما;

18) تەندەرلىك ءوتىنىم – تەندەرلىك قۇجاتتاماعا نەمەسە وسى قاعيدالاردىڭ ەرەجەلەرىنە سايكەس جاساعان الەۋەتتى ءونىم بەرۋشىنىڭ ۇسىنىسى;

19) ساتىپ الۋدى ۇيىمداستىرۋشى – وسى قاعيدالاردا كوزدەلگەن تاسىلدەرمەن ساتىپ الۋدى ۇيىمداستىراتىن جانە ساتىپ الۋ قورىتىندىسىن تاپسىرىس بەرۋشىگە ساتىپ الۋ شارتىن نەمەسە فارماتسەۆتيكالىق قىزمەتتەردى كورسەتۋگە شارت جاساسۋ ءۇشىن جىبەرەتىن تاپسىرىس بەرۋشى ايقىنداعان ادام;

20) وتاندىق تاۋار ءوندىرۋشى – كاسىپكەرلىك قىزمەتتى جۇزەگە اسىراتىن, قازاقستان رەسپۋبليكاسىنىڭ رەزيدەنتى بولىپ تابىلاتىن جانە «ست-كZ» ىشكى اينالىسى ءۇشىن تاۋاردىڭ شىعارىلعان جەرى تۋرالى سەرتيفيكاتتى بەرۋ جونىندەگى ۋاكىلەتتى ورگان راستاعان جەتكىلىكتى قايتا وڭدەۋ ولشەم شارتتارىنا سايكەس تولىعىمەن قازاقستان رەسپۋبليكاسىندا وندىرىلگەن نەمەسە قايتا وڭدەلگەن, تۇتىنۋعا (قولدانۋعا) دايىن تاۋارلاردى وندىرەتىن جەكە نەمەسە زاڭدى تۇلعا;

21) شەتەلدىك ءوندىرۋشى (دايىنداۋشى زاۋىت) – شەت مەملەكەتتىڭ زاڭناماسى بويىنشا قۇرىلعان, قازاقستان رەسپۋبليكاسىنىڭ بەيرەزيدەنتى بولىپ تابىلاتىن جانە تولىعىمەن قازاقستان رەسپۋبليكاسىنان تىس جەرلەردە وندىرىلگەن نەمەسە قايتا وڭدەلگەن, بەلگىلەنگەن تارتىپپەن تاۋاردىڭ شىعۋ تەگى تۋرالى سەرتيفيكاتتارمەن راستالعان تۇتىنۋعا (قولدانۋعا) دايىن تاۋارلاردى وندىرەتىن شەتەلدىك زاڭدى تۇلعا;

22) بىرىڭعاي ديستريبيۋتوردان ساتىپ الىناتىن دارىلىك زاتتاردىڭ, مەديتسينالىق ماقساتتاعى بۇيىمداردىڭ جانە مەديتسينالىق تەحنيكانىڭ ءتىزىمى (بۇدان ءارى – بىرىڭعاي ديستريبيۋتوردىڭ ءتىزىمى) – دەنساۋلىق ساقتاۋ سالاسىنداعى ۋاكىلەتتى ورگان ازىرلەيتىن جانە بەكىتەتىن: دارىلىك زاتتاردىڭ حالىقارالىق پاتەنتتەلمەگەن اتاۋلارى نەمەسە قۇرامى, سونداي-اق وتاندىق تاۋار وندىرۋشىلەرمەن بەرۋدىڭ ۇزاق مەرزىمدى شارتىن جاساسۋ مۇمكىندىگىمەن تەحنيكالىق سيپاتتاماسى مەن شەكتى باعاسى كورسەتىلگەن دارىلىك زاتتار مەن مەديتسينالىق ماقساتتاعى بۇيىمداردىڭ تىزبەسىن;

ءدارى-دارمەك جەكە وزىنە جاقپايتىن پاتسيەنتتى ءدارى-دارمەكپەن قامتاماسىز ەتۋ جانە دارىلىك كومەكتىڭ پاتسيەنتكە باعدارلانعان قاعيداتىن ىسكە اسىرۋ ءۇشىن حالىقارالىق پاتەنتتەلمەگەن اتاۋلارى كورسەتىلگەن دارىلىك زاتتاردىڭ تىزبەسىن;

ءاربىر اتاۋى بويىنشا مەديتسينالىق تەحنيكانىڭ تىزبەسىن جانە تەحنيكالىق سيپاتتاماسىن قامتيتىن قۇجات;

23) يندۋستريالىق-يننوۆاتسيالىق قىزمەتتى مەملەكەتتىك قولداۋ سالاسىنداعى ۋاكىلەتتى ورگان – يندۋستريا جانە يندۋستريالىق-يننوۆاتسيالىق دامۋ, ەلدىڭ فارماتسەۆتيكالىق جانە مەديتسينالىق ونەركاسىبىن دامىتۋ, مەملەكەتتىك ينۆەستيتسيالىق ساياسات جانە ينۆەستيتسيالىق قولداۋ ساياساتى سالاسىندا باسشىلىقتى جۇزەگە اسىراتىن ورتالىق اتقارۋشى ورگان;

24) قازاقستان رەسپۋبليكاسىنىڭ رەزيدەنتتەرى – كاسىپكەرلىك قىزمەتتى جۇزەگە اسىراتىن, قازاقستان رەسپۋبليكاسىنىڭ ازاماتتىق جانە سالىق زاڭناماسىنا سايكەس تىركەلگەن زاڭدى تۇلعالار نەمەسە جەكە تۇلعالار;

25) قازاقستان رەسپۋبليكاسىنىڭ بەيرەزيدەنتى – قازاقستان رەسپۋبليكاسىنىڭ ازاماتتىق جانە سالىق زاڭناماسىنا سايكەس قازاقستان رەسپۋبليكاسىنىڭ رەزيدەنتى بولىپ تابىلمايتىن شەتەلدىك جەكە جانە زاڭدى تۇلعالار;

26) بەلگىلەنگەن باعا – ءونىم بەرۋشى وسى باعا بويىنشا دارىلىك زاتتاردى, مەديتسينالىق ماقساتتاعى بۇيىمداردى بىرىڭعاي ديستريبيۋتورعا جەتكىزۋگە مىندەتتى ساتىپ الۋ ناتيجەلەرى بويىنشا بەلگىلەنگەن, دارىلىك زاتتاردىڭ, مەديتسينالىق ماقساتتاعى بۇيىمداردىڭ باعاسى;

27) تەگىن مەديتسينالىق كومەكتىڭ كەپىلدىك بەرىلگەن كولەمىن كورسەتۋ جونىندەگى فارماتسەۆتيكالىق قىزمەت – دارىلىك زاتتاردىڭ, مەديتسينالىق ماقساتتاعى بۇيىمدار مەن مەديتسينالىق تەحنيكانىڭ اينالىسى سالاسىنداعى سۋبەكتىلەردىڭ دارىلىك زاتتاردى, مەديتسينالىق ماقساتتاعى بۇيىمداردى ساتىپ الۋدى, تاسىمالداۋدى, ساقتاۋدى, وتكىزۋدى (رەتسەپتۋرالى بوساتۋ) جانە ەسەپكە الۋدى قوسا العاندا, ولارمەن حالىقتى قامتاماسىز ەتۋگە بايلانىستى قىزمەتى;

28) بوساتۋ باعاسى – ءبىر اكىمشىلىك-اۋماقتىق بىرلىكتىڭ (وبلىستىڭ, رەسپۋبليكالىق ماڭىزى بار قالانىڭ, استانانىڭ) شەگىندە فارماتسەۆتيكالىق كورسەتىلەتىن قىزمەتتەردى ساتىپ الۋ ناتيجەلەرى بويىنشا بەلگىلەنگەن بوساتىلاتىن دارىلىك زاتتاردىڭ, مامانداندىرىلعان ەمدىك ونىمدەردىڭ, مەديتسينالىق ماقساتتاعى بۇيىمداردىڭ باعاسى;

29) شىعىنداردى وتەۋ – وبلىستاردىڭ, رەسپۋبليكالىق ماڭىزى بار قالانىڭ, استانانىڭ دەنساۋلىق ساقتاۋدى مەملەكەتتىك باسقارۋدىڭ جەرگىلىكتى ورگاندارىنىڭ (بۇدان ءارى – دەنساۋلىق ساقتاۋدى باسقارۋدىڭ جەرگىلىكتى ورگاندارى) جانە (نەمەسە) قوردىڭ ءونىم بەرۋشىگە فارماتسەۆتيكالىق كورسەتىلەتىن قىزمەتتەردىڭ قۇنىن وتەۋ;

30) دارىلىك زاتتاردى, مەديتسينالىق ماقساتتاعى بۇيىمداردى بەرۋدىڭ ۇزاق مەرزىمدى شارتى – دارىلىك زاتتارعا ارنالعان ءتيىستى وندىرىستىك پراكتيكا (GMP) تالاپتارىنا جانە مەديتسينالىق ماقساتتاعى بۇيىمدارعا ارنالعان حالىقارالىق ستاندارت تالاپتارىنا سايكەس وندىرىلگەن, قازاقستان رەسپۋبليكاسىنىڭ زاڭناماسىنا سايكەس تاۋاردىڭ ىشكى اينالىسى ءۇشىن شىعارىلۋى تۋرالى سەرتيفيكاتى بار دارىلىك زاتتاردى, مەديتسينالىق ماقساتتاعى بۇيىمداردى جەتكىزۋگە قازاقستان رەسپۋبليكاسىنىڭ رەزيدەنتى – زاڭدى تۇلعامەن;

نە دارىلىك زاتتارعا ارنالعان ءتيىستى وندىرىستىك پراكتيكا (GMP) تالاپتارىنا جانە مەديتسينالىق ماقساتتاعى بۇيىمدارعا ارنالعان حالىقارالىق ستاندارت تالاپتارىنا سايكەس دارىلىك زاتتار, مەديتسينالىق ماقساتتاعى بۇيىمدار ءوندىرىسىن قۇرۋعا نيەتى بار زاڭدى تۇلعامەن بىرىڭعاي ديستريبيۋتور 10 جىلعا دەيىنگى مەرزىمگە جاساساتىن ازاماتتىق-قۇقىقتىق شارت;

31) كەپىلدىك بەرىلگەن سەرۆيستىك قىزمەت كورسەتۋ – شىعىس ماتەريالدارى مەن توزاتىن توراپتاردى قالپىنا كەلتىرۋدى قوسپاعاندا, ساتىپ الۋ شارتتارىندا, بەرۋدىڭ ۇزاق مەرزىمدى شارتىندا جانە قارجى ليزينگى شارتتارىندا بەلگىلەنگەن مەرزىمگە ونى تيىسىنشە پايدالانۋ جانە ساقتاۋ شارتى كەزىندە ءونىم بەرۋشى (دايىنداۋشى, ورىنداۋشى) كورسەتەتىن تەحنيكالىق قىزمەت كورسەتۋدىڭ كەز كەلگەن ءتۇرىن, تەحنيكالىق دياگنوستيكانى جانە جابدىقتىڭ اقاۋىن, جوندەۋ-قالپىنا كەلتىرۋ جۇمىستارىن, تەحنيكالىق كونسۋلتاتسيانى جانە وقىتۋدى قامتيتىن جەتكىزىپ بەرىلگەن مەديتسينالىق تەحنيكانى جارامدى جاي-كۇيدە ۇستاۋ جونىندەگى قىزمەتتەر كەشەنى;

32) قارجى ليزينگى شارتى – وسى قاعيدالارعا سايكەس ليزينگ بەرۋشى ءونىم بەرۋشىدەن ليزينگ الۋشى كورسەتكەن ليزينگ نىساناسىن جەكەمەنشىگىنە ساتىپ الۋعا جانە قازاقستان رەسپۋبليكاسىنىڭ ازاماتتىق زاڭناماسىنا سايكەس وسى ليزينگ نىساناسىن ليزينگ الۋشىعا ۋاقىتشا يەلەنۋگە جانە پايدالانۋعا اقىلى تۇردە بەرۋگە مىندەتتەنەتىن ءۇش جاقتى شارت;

33) ساتىپ الۋ شارتى – وسى قاعيدالارعا جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنە سايكەس جازباشا نىساندا بەلگىلەنگەن, بارلىق قوسىمشالارىمەن جانە وعان تولىقتىرۋلارىمەن, سونداي-اق شارتتا سىلتەمەسى بار بارلىق قۇجاتتامامەن تاراپتار قول قويعان تاۋارلاردى ساتىپ الۋعا تاپسىرىس بەرۋشى مەن ءونىم بەرۋشىنىڭ اراسىندا جاسالعان شارت;

34) جەتكىزۋ شارتى – وسى قاعيدالارعا جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنە سايكەس جازباشا نىساندا بەلگىلەنگەن, بارلىق قوسىمشالارىمەن جانە تولىقتىرۋلارىمەن, سونداي-اق شارتتا سىلتەمەسى بار بارلىق قۇجاتتامامەن تاراپتار قول قويعان دارىلىك زاتتاردى, مەديتسينالىق ماقساتتاعى بۇيىمداردى ساتىپ الۋعا بىرىڭعاي ديستريبيۋتور مەن ءونىم بەرۋشى اراسىندا جاسالعان شارت;

35) ساتىپ الۋ شارتى – وسى قاعيدالارعا جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنە سايكەس جازباشا نىساندا بەلگىلەنگەن, بارلىق قوسىمشالارىمەن جانە تولىقتىرۋلارىمەن, سونداي-اق شارتتا سىلتەمەسى بار بارلىق قۇجاتتامامەن تاراپتار قول قويعان دارىلىك زاتتاردى, مەديتسينالىق ماقساتتاعى بۇيىمداردى ساتىپ الۋعا بىرىڭعاي ديستريبيۋتور مەن تاپسىرىس بەرۋشى اراسىندا جاسالعان شارت;

36) فارماتسەۆتيكالىق قىزمەتتەردى كورسەتۋ تۋرالى شارت – وسى قاعيدالارعا جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنە سايكەس جازباشا نىساندا بەلگىلەنگەن, بارلىق قوسىمشالارىمەن جانە تولىقتىرۋلارىمەن, سونداي-اق شارتتا سىلتەمەسى بار بارلىق قۇجاتتامامەن تاراپتار قول قويعان فارماتسەۆتيكالىق كورسەتىلەتىن قىزمەتتەردى ساتىپ الۋعا تاپسىرىس بەرۋشى مەن ءونىم بەرۋشىنىڭ اراسىندا جاسالعان شارت;

37) كلينيكالىق-تەحنيكالىق نەگىزدەمە – سۇراۋ سالىنعان مەديتسينالىق تەحنيكانىڭ قاجەتتىلىگى جانە دەنساۋلىق ساقتاۋ ۇيىمىنىڭ ونى قولدانۋعا دايىندىعى تۋرالى اقپاراتتى قامتيتىن قۇجات;

38) ليزينگ بەرۋشى – تارتىلعان اقشا جانە (نەمەسە) ءوز اقشاسى ەسەبiنەن ليزينگ نىساناسىن مەنشiگىنە ساتىپ الاتىن جانە ونى ليزينگ الۋشىعا قارجى ليزينگى شارتىنىڭ تالاپتارىنا وراي بەرەتiن زاڭدى تۇلعا, ليزينگ مامiلەسiنە قاتىسۋشى;

39) ليزينگ الۋشى – قارجى ليزينگى شارتىنىڭ تالاپتارىنا وراي ليزينگ نىساناسىن قابىلدايتىن دەنساۋلىق ساقتاۋ ۇيىمى (ليزينگ مامiلەسiنە قاتىسۋشى);

40) ليزينگ تولەمدەرى – قارجى ليزينگى شارتىن جاساعان كەزدەگi باعا بويىنشا ليزينگ نىساناسى بارلىق قۇنىنىڭ وتەلۋiن ەسكەرە وتىرىپ ەسەپتەلۋگە تيiس جانە قارجى ليزينگى شارتىنىڭ قولدانىلۋ مەرزiمi بويىنا جۇزەگە اسىرىلاتىن, قارجى ليزينگى شارتى قولدانىلۋىنىڭ بۇكiل مەرزiمi iشiندە قارجى ليزينگى شارتى بويىنشا تولەمدەردiڭ جالپى سوماسىن بiلدiرەتiن مەرزiمدiك تولەمدەر, وعان مىنالار ەنەدi:

قارجى ليزينگى شارتىنا سايكەس ليزينگ بەرۋشiگە ليزينگ نىساناسىن ساتىپ الۋعا جۇمسالعان شىعىنداردى جانە ليزينگ نىساناسىن ساتىپ الۋعا, جەتكiزiپ بەرۋگە جانە نىسانالى تۇردە پايدالانىلۋى ءۇشiن ونى جۇمىس iستەيتiن كۇيگە كەلتiرۋگە تiكەلەي بايلانىستى كەز كەلگەن باسقا شىعىنداردى وتەۋ;

ليزينگ بويىنشا سىياقى;

41) بىرىزدەندىرۋدى تالاپ ەتەتىن مەديتسينالىق تەحنيكا – وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە جەرگىلىكتى دەڭگەيدەگى مەديتسينا ۇيىمدارىن ماتەريالدىق-تەحنيكالىق جاراقتاندىرۋعا بولىنەتىن اعىمداعى نىسانالى ترانسفەرتتەردى قوسا العاندا, رەسپۋبليكالىق بيۋدجەت قاراجاتىنىڭ ەسەبىنەن, بىرتەكتى مەديتسينالىق قىزمەتتەردى كورسەتۋ ءۇشىن دەنساۋلىق ساقتاۋ ۇيىمدارىنا ساتىپ الىناتىن ءبىر ۇلگىدەگى تەحنيكالىق سيپاتتامالارى بار مەديتسينالىق تەحنيكا;

42) ليزينگ مەرزىمى – ليزينگ نىساناسى قارجى ليزينگى شارتىنا سايكەس ليزينگ الۋشىعا ۋاقىتشا يەلەنۋگە جانە پايدالانۋعا بەرiلەتiن مەرزiم, بۇل ورايدا ليزينگ بەرۋشiدە ليزينگ نىساناسىنا مەنشiك قۇقىعىنىڭ ساقتالۋى كەزiندە قارجى ليزينگى شارتىنىڭ مەرزiمiنەن بۇرىن بۇزىلۋى ليزينگ مەرزiمiن وزگەرتۋگە اكەپ سوقپايدى;

43) ينۆەستيتسيالىق جوبا – ءتيىستى وندىرىستىك پراكتيكا ستاندارتتارىنا (GMP) سايكەس دارىلىك زاتتاردىڭ جانە ISO ستاندارتتارىنا سايكەس مەديتسينالىق ماقساتتاعى بۇيىمداردىڭ جاڭا وندىرىستەرىن قۇرۋعا جانە (نەمەسە) جۇمىس ىستەپ تۇرعاندارىن جاڭعىرتۋعا ينۆەستيتسيالاردى كوزدەيتىن ءىس-شارالار كەشەنى;

44) مەديتسينالىق تەحنيكانى بەرۋدىڭ ۇزاق مەرزىمدى شارتى − حالىقارالىق ستاندارتتاردىڭ تالاپتارىنا سايكەس وندىرىلگەن جانە قازاقستان رەسپۋبليكاسىنىڭ زاڭناماسىنا سايكەس ىشكى اينالىس ءۇشىن تاۋاردىڭ شىعارىلعانى تۋرالى سەرتيفيكاتى بار مەديتسينالىق تەحنيكانى بەرۋگە قازاقستان رەسپۋبليكاسىنىڭ رەزيدەنتى − زاڭدى تۇلعامەن بىرىڭعاي ديستريبيۋتور جەتى جىلعا دەيىنگى مەرزىمگە جاساساتىن ازاماتتىق-قۇقىقتىق شارت;

45) بىرىڭعاي ديستريبيۋتوردىڭ پرايس-پاراعى – تاپسىرىس بەرۋشىلەر ءۇشىن حالىقارالىق پاتەنتتەلمەگەن اتاۋلارى نەمەسە قۇرامى, ساۋدالىق اتاۋى, دارىلىك ءتۇرى (تەحنيكالىق سيپاتتاماسى), ولشەم بىرلىكتەرى, ولشەپ-وراۋى, ءوندىرۋشى (ەلى), بىرىڭعاي ديستريبيۋتوردىڭ ۇستەمە باعاسىن ەسەپكە العانداعى ءبىر بىرلىگىنىڭ باعاسى كورسەتىلگەن ولار ساتىپ الاتىن دارىلىك زاتتاردىڭ, مەديتسينالىق ماقساتتاعى بۇيىمداردىڭ تىزبەسىنەن تۇراتىن بىرىڭعاي ديستريبيۋتور بەكىتەتىن باعا ۇسىنىسى;

46) ورفاندىق پرەپاراتتار – ورفاندىق (سيرەك) اۋرۋلاردى ەمدەۋگە جانە ونىڭ دياگنوستيكاسىنا ارنالعان پرەپاراتتار;

47) دارىلىك زاتتاردىڭ, مەديتسينالىق ماقساتتاعى بۇيىمدار مەن مەديتسينالىق تەحنيكانىڭ اينالىcى سالاسىنداعى مەملەكەتتىك ساراپتاما ۇيىمى (بۇدان ءارى – ساراپتاما ۇيىمى) – دارىلىك زاتتاردىڭ قاۋىپسىزدىگىن, تيىمدىلىگى مەن ساپاسىن قامتاماسىز ەتۋ بويىنشا دەنساۋلىق ساقتاۋ سالاسىندا وندىرىستىك-شارۋاشىلىق قىزمەتتى, سونداي-اق جاڭا بىرەگەي دارىلىك زاتتاردى ازىرلەۋ, فارماتسيا, فارماكولوگيا سالاسىنداعى عىلىمي زەرتتەۋدى جۇزەگە اسىراتىن شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورىن;

48) فارماتسەۆتيكالىق كورسەتىلەتىن قىزمەتتىڭ ءونىم بەرۋشىسى – وسى قاعيدالاردا ايقىندالعان تارتىپپەن جانە تاسىلدەرمەن جەرگىلىكتى دەنساۋلىق ساقتاۋ ورگانىمەن جانە (نەمەسە) قورمەن شارت نەگىزىندە دارىلىك زاتتاردى جانە مەديتسينالىق ماقساتتاعى بۇيىمداردى قامتاماسىز ەتۋ بويىنشا قىزمەتتەردى كورسەتەتىن سۋبەكت;

49) بىرىڭعاي ديستريبيۋتوردىڭ اقپاراتتىق جۇيەسى – بىرىڭعاي ديستريبيۋتوردىڭ قىزمەتىن اۆتوماتتاندىراتىن جانە ديستريبۋتسيا پروتسەسىنىڭ بارلىق مۇددەلى تاراپتارىمەن ەلەكتروندىق قۇجاتتارمەن الماسۋ جۇرگىزۋگە مۇمكىندىك بەرەتىن بىرىڭعاي ديستريبيۋتور ايقىندايتىن اقپاراتتىق جۇيە;

50) ەلەكتروندىق تسيفرلىق قولتاڭبا – ەلەكتروندىق تسيفرلىق قولتاڭبا قۇرالدارىمەن جاسالعان جانە ەلەكتروندىق قۇجاتتىڭ انىقتىعىن, ونىڭ تيەسىلىلىگىن جانە مازمۇنىنىڭ وزگەرمەيتىندىگىن راستايتىن ەلەكتروندىق تسيفرلىق نىشاندار جيىنتىعى;

51) ەلەكتروندىق قۇجات – وندا اقپارات ەلەكتروندىق-تسيفرلىق نىساندا ۇسىنىلعان جانە ەلەكتروندىق تسيفرلىق قولتاڭبا ارقىلى كۋالاندىرىلعان قۇجات;

52) الەۋمەتتىك مەديتسينالىق ساقتاندىرۋ قورى (بۇدان ءارى – قور) –اۋدارىمدار مەن جارنالاردى شوعىرلاندىرۋدى جۇرگىزەتىن, سونداي-اق مەديتسينالىق كومەك كورسەتەتىن دەنساۋلىق ساقتاۋ سۋبەكتىلەرىنىڭ كورسەتىلەتىن قىزمەتتەرىن مەديتسينالىق كورسەتىلەتىن قىزمەتتەردى ساتىپ الۋ شارتىندا كوزدەلگەن كولەمدەردە جانە تالاپتارمەن ساتىپ الۋدى جانە ولارعا اقى تولەۋدى جۇزەگە اسىراتىن كوممەرتسيالىق ەمەس ۇيىم;

53) تاۋار – دارىلىك زاتتار, پروفيلاكتيكالىق (يممۋندىق-بيولوگيالىق, دياگنوستيكالىق, دەزينفەكتسيالىق) پرەپاراتتار, مەديتسينالىق ماقساتتاعى بۇيىمدار جانە (نەمەسە) مەديتسينالىق تەحنيكا;

54) دارىلىك زاتتاردىڭ, مەديتسينالىق ماقساتتاعى بۇيىمدار مەن مەديتسينالىق تەحنيكانىڭ مەملەكەتتىك ءتىزىلىمى – ساراپتاما ۇيىمى تىركەگەن جانە قازاقستان رەسپۋبليكاسىندا مەديتسينالىق قولدانۋعا رۇقسات ەتىلگەن دارىلىك زاتتاردى, مەديتسينالىق ماقساتتاعى بۇيىمدار مەن مەديتسينالىق تەحنيكانى ەسەپكە الۋ قۇجاتى (بۇدان ءارى – مەملەكەتتىك ءتىزىلىم);

55) دارىلىك زاتتىڭ حالىقارالىق پاتەنتتەلمەگەن اتاۋى (بۇدان ءارى – حپا) – دۇنيەجۇزىلىك دەنساۋلىق ساقتاۋ ۇيىمى ۇسىنعان دارىلىك زاتتىڭ اتاۋى;

56) بىرلەسىپ ورىنداۋشى – كاسىپكەرلىك قىزمەتتى جۇزەگە اسىراتىن جەكە تۇلعا نەمەسە الەۋەتتى ءونىم بەرۋشى فارماتسەۆتيكالىق قىزمەتتەردى كورسەتۋ تۋرالى شارتتى بىرلەسىپ ورىنداۋ ءۇشىن تارتاتىن زاڭدى تۇلعا;

57) اۋىسپالى قالدىق – ءونىم بەرۋشىلەردەن بىرىڭعاي ديستريبيۋتوردىڭ قويماسىنا اۋىسقان قارجى جىلدارى قابىلدانعان, بىراق تاپسىرىس بەرۋشىلەر وتكىزبەگەن دارىلىك زاتتار جانە (نەمەسە) مەديتسينالىق ماقساتتاعى بۇيىمدار;

58) ICH وڭىرلەرىنىڭ ەلدەرى – ادام ءۇشىن دارىلىك پرەپاراتتاردى تىركەۋگە قويىلاتىن تەحنيكالىق تالاپتاردى ۇيلەستىرۋ جونىندەگى حالىقارالىق كونفەرەنتسياعا مۇشە ەلدەر.

2-تاراۋ. ساتىپ الۋعا بايلانىستى قاعيداتتار, تاسىلدەر مەن شەكتەۋلەر

3. ساتىپ الۋ مىناداي قاعيداتتار ساقتالا وتىرىپ جۇرگىزىلەدى:

1) ساتىپ الۋ ءۇشىن پايدالانىلاتىن اقشانى وڭتايلى ءارى ءتيىمدى جۇمساۋ;

2) الەۋەتتى ءونىم بەرۋشىلەرگە ساتىپ الۋدى وتكىزۋ راسىمىنە قاتىسۋ ءۇشىن تەڭ مۇمكىندىكتەر بەرۋ;

3) الەۋەتتى ءونىم بەرۋشىلەر اراسىنداعى ادىلەتتى باسەكەلەستىك;

4) ساتىپ الۋ پروتسەسىنىڭ جاريالىلىعى مەن اشىقتىعى;

5) وتاندىق تاۋار وندىرۋشىلەردى قولداۋ;

6) كاسىپكەرلىك باستامانى قولداۋ;

7) پاتسيەنتكە باعدارلانعان دارىلىك كومەك.

4. تەگىن مەديتسينالىق كومەكتىڭ كەپىلدىك بەرىلگەن كولەمىن, مىندەتتى الەۋمەتتىك مەديتسينالىق ساقتاندىرۋ جۇيەسىندە مەديتسينالىق كومەك كورسەتۋگە ارنالعان دارىلىك زاتتاردى, مەديتسينالىق ماقساتتاعى بۇيىمداردى ساتىپ الۋ ءۇشىن بولىنەتىن بيۋدجەت قاراجاتىن وڭتايلى جانە ءتيىمدى جۇمساۋ ماقساتىندا دارىلىك زاتتار, مەديتسينالىق ماقسات­تاعى بۇيىمدار ۋاكىلەتتى ورگان بەلگىلەگەن باعادان اسپايتىن باعامەن ساتىپ الىنادى.

5. بىرىڭعاي ديستريبيۋتوردىڭ ءتىزىمى بويىنشا دارىلىك زاتتارعا, مەديتسينالىق ماقساتتاعى بۇيىمدارعا شەكتى باعانى جىل سايىن ءتيىستى قارجى جىلىنىڭ ءبىرىنشى ماۋسىمىنا دەيىن ۋاكىلەتتى ورگان بەكىتەدى.

6. ساتىپ الۋدى تاپسىرىس بەرۋشى نەمەسە ساتىپ الۋدى ۇيىمداستىرۋشى:

1) تەندەر;

2) باعا ۇسىنىستارىن سۇراتۋ;

3) ءبىر كوزدەن ساتىپ الۋ;

4) ونىڭ ءتىزىمى بويىنشا بىرىڭعاي ديستريبيۋتوردان ساتىپ الۋ;

5) مەديتسينالىق تەحنيكانى ساتىپ الۋ جونىندەگى بىرىڭعاي ديستريبيۋتور ارقىلى;

6) مەملەكەتتىك مەكەمەلەردى قوسپاعاندا, قازاقستان رەسپۋبليكاسىنىڭ قارجىلىق ليزينگ تۋرالى زاڭنامالىق اكتىلەرىندە بەلگىلەنگەن تارتىپپەن, دەنساۋلىق ساقتاۋ ۇيىمدارىنىڭ مەديتسينالىق تەحنيكانى قارجىلىق ليزينگ شارتتارىمەن ساتىپ الۋى تاسىلدەرىنىڭ بىرىمەن جۇزەگە اسىرادى.

7. بىرىڭعاي ديستريبيۋتور ساتىپ الۋدى:

1) ەكى كەزەڭدىك تەندەر;

2) ءبىر كوزدەن ساتىپ الۋ;

3) جۇقپالى جانە پارازيتتىك اۋرۋلاردىڭ تۋىنداۋى مەن تارالۋىنىڭ الدىن الۋ, توتەنشە جاعدايلاردىڭ سالدارىن بولعىزباۋ جانە جويۋ ءۇشىن دارىلىك زاتتاردى, مەديتسينالىق ماقساتتاعى بۇيىمداردى ساتىپ الۋدى جۇزەگە اسىرۋدىڭ ەرەكشە ءتارتىبى;

4) دارىلىك زاتتاردىڭ, مەديتسينالىق ماقساتتاعى بۇيىمداردىڭ ءوندىرىسىن قۇرۋعا نيەتى بار الەۋەتتى ءونىم بەرۋشىلەردەن ۇزاق مەرزىمدى جەتكىزۋ شارتى بويىنشا ساتىپ الۋدى جۇزەگە اسىرۋدىڭ ەرەكشە ءتارتىبى;

5) دارىلىك زاتتاردىڭ, مەديتسينالىق ماقساتتاعى بۇيىمداردىڭ ءوندىرىسى بار الەۋەتتى ءونىم بەرۋشىلەردەن ۇزاق مەرزىمدى جەتكىزۋ شارتى بويىنشا ساتىپ الۋدى جۇزەگە اسىرۋدىڭ ەرەكشە ءتارتىبى;

6) مەديتسينالىق تەحنيكا بويىنشا ءوندىرىسى بار الەۋەتتى ءونىم بەرۋشىلەردەن ۇزاق مەرزىمدى جەتكىزۋ شارتى بويىنشا ساتىپ الۋدى جۇزەگە اسىرۋدىڭ ەرەكشە ءتارتىبى تاسىلدەرىنىڭ بىرىمەن جۇزەگە اسىرادى.

8. ليزينگ بەرۋشى ليزينگ شارتىندا بىرىڭعاي ديستريبيۋتور ارقىلى ودان ءارى دەنساۋلىق ساقتاۋ ۇيىمدارىنا جەتكىزۋ ءۇشىن مەديتسينالىق تەحنيكانى ساتىپ الۋدى جۇزەگە اسىرادى.

9. جۇمىسكەرلەر, سونداي-اق تاپسىرىس بەرۋشىنىڭ, ساتىپ الۋدى ۇيىمداستىرۋشىنىڭ, بىرىڭعاي ديستريبيۋتوردىڭ نەمەسە ليزينگ بەرۋشىنىڭ ۇلەستەس تۇلعالارى وسى قاعيدا­لاردا رەتتەلەتىن ساتىپ الۋدى جۇزەگە اسىرۋ كەزىندە الەۋەتتى ءونىم بەرۋشىلەر رەتىندە قاتىسا المايدى.

الەۋەتتى ءونىم بەرۋشى جانە ونىڭ ۇلەستەس تۇلعاسى ءبىر لوت بويىنشا تەندەردىڭ قاتىسۋشىسى بولا المايدى.

الەۋەتتى ءونىم بەرۋشى ەگەر:

1) وسى الەۋەتتى ءونىم بەرۋشىنىڭ ءبىرىنشى باسشىلارىنىڭ جانە (نەمەسە) وسى الەۋەتتى ءونىم بەرۋشىنىڭ ۋاكىلەتتى وكىلىنىڭ جاقىن تۋىستارى, جۇبايى (زايىبى) نەمەسە جەگجاتتارى ءونىم بەرۋشىنى تاڭداۋ تۋرالى شەشىم قابىلداۋ قۇقىعىنا يە بولسا نە وتكىزىلەتىن مەملەكەتتىك ساتىپ الۋدا تاپسىرىس بەرۋشىنىڭ نەمەسە مەملەكەتتىك ساتىپ الۋدى ۇيىمداستىرۋشىنىڭ وكىلى بولىپ تابىلسا;

2) ساتىپ الۋعا قاتىسۋعا ۇمىتكەر الەۋەتتى ءونىم بەرۋشى باسشىسىنىڭ, زاڭدى تۇلعا قۇرىلتايشىسىنىڭ, سونداي-اق كاسىپكەرلىك قىزمەتتى جۇزەگە اسىراتىن جەكە تۇلعانىڭ جوسىقسىز الەۋەتتى ءونىم بەرۋشىلەر نەمەسە ءونىم بەرۋشىلەر تىزبەسىنە ەنگىزىلگەن زاڭدى تۇلعالاردى باسقارۋعا, قۇرۋعا, جارعىلىق كاپيتالىنا قاتىسۋعا قاتىسى بولسا;

3) ساتىپ الۋعا قاتىسۋعا ۇمىتكەر الەۋەتتى ءونىم بەرۋشى باسشىسىنىڭ جوسىقسىز الەۋەتتى ءونىم بەرۋشىلەر نەمەسە ءونىم بەرۋشىلەر تىزبەسىنە ەنگىزىلگەن كاسىپكەرلىك قىزمەتتى جۇزەگە اسىراتىن جەكە تۇلعا بولىپ تابىلسا;

4) ساتىپ الۋعا قاتىسۋعا ۇمىتكەر كاسىپكەرلىك قىزمەتتى جۇزەگە اسىراتىن جەكە تۇلعا بولىپ تابىلاتىن الەۋەتتى ءونىم بەرۋشى جوسىقسىز الەۋەتتى ءونىم بەرۋشىلەر ء(ونىم بەرۋشىلەر) تىزبەسىنە ەنگىزىلگەن الەۋەتتى ءونىم بەرۋشىنىڭ باسشىسى بولىپ تابىلسا;

5) الەۋەتتى ءونىم بەرۋشى جوسىقسىز الەۋەتتى ءونىم بەرۋشىلەر ء(ونىم بەرۋشىلەر) تىزبەسىندە تۇرسا;

6) الەۋەتتى ءونىم بەرۋشىنىڭ نەمەسە ءونىم بەرۋشىنىڭ قارجىلىق-شارۋاشىلىق قىزمەتى قازاقستان رەسپۋبليكاسىنىڭ زاڭناماسىنا نە قازاقستان رەسپۋبليكاسىنىڭ بەيرەزيدەنتى – الەۋەتتى ءونىم بەرۋشى مەملەكەتىنىڭ زاڭناماسىنا سايكەس توقتاتىلسا, ساتىپ الۋعا قاتىسپايدى.

10. جوسىقسىز الەۋەتتى ءونىم بەرۋشىلەردىڭ نەمەسە ءونىم بەرۋشىلەردىڭ تىزبەسىن تاپسىرىس بەرۋشى, ساتىپ الۋدى ۇيىمداستىرۋشى, بىرىڭعاي ديستريبيۋتور نەمەسە ليزينگ بەرۋشى زاڭدى كۇشىنە ەنگەن سوت شەشىمدەرىنىڭ نەگىزىندە قالىپتاستىرادى جانە دەنساۋلىق ساقتاۋ سالاسىنداعى ۋاكىلەتتى ورگان كوزدەگەن تارتىپپەن جانە مەرزىمدەردە ونىڭ ينتەرنەت-رەسۋرسىندا ورنالاستىرۋ ءۇشىن دەنساۋلىق ساقتاۋ سالاسىنداعى ۋاكىلەتتى ورگانعا جىبەرىلەدى.

11. جوسىقسىز الەۋەتتى ءونىم بەرۋشىلەردىڭ نەمەسە ءونىم بەرۋشىلەردىڭ تىزبەسى:

1) بىلىكتىلىك تالاپتارى بويىنشا دايەكسىز اقپارات بەرگەن ءونىم بەرۋشىلەر;

2) وسى قاعيدالارعا سايكەس شارت جاساسۋدان جالتارعان جەڭىمپازدار دەپ ايقىندالعان الەۋەتتى ءونىم بەرۋشىلەر;

3) وسى قاعيدالارعا سايكەس شارت جاساسۋدان جالتارعان ەكىنشى ورىن العان الەۋەتتى ءونىم بەرۋشىلەر;

4) وسى قاعيدالارعا سايكەس ولارمەن جاسالعان شارتتار بويىنشا ءوز مىندەتتەمەلەرىن ورىنداماعان نەمەسە تيىسىنشە ورىنداماعان ءونىم بەرۋشىلەر تۋرالى مالىمەتتەردەن تۇرادى.

12. بىرتەكتى بولىپ تابىلاتىن تاۋارلاردى ساتىپ الۋدى جۇزەگە اسىرۋ كەزىندە مۇنداي تاۋارلاردى لوتتارعا بولۋگە رۇقسات ەتىلەدى.

13. الەۋەتتى ءونىم بەرۋشىگە فارماتسەۆتيكالىق قىزمەتتەر كورسەتۋ ءۇشىن بىرلەسىپ ورىنداۋشىنى تارتۋعا رۇقسات ەتىلەدى.

3-تاراۋ. الەۋەتتى ءونىم بەرۋشىگە قويىلاتىن بىلىكتىلىك تالاپتارى

14. تاۋارلاردىڭ الەۋەتتى ءونىم بەرۋشىلەرىنە مىناداي بىلىكتىلىك تالاپتارى قويىلادى:

1) قۇقىق قابىلەتتىلىگىنىڭ (زاڭدى تۇلعالار ءۇشىن), ازاماتتىق ارەكەت قابىلەتتىلىگىنىڭ بولۋى (كاسىپكەرلىك قىزمەتتى جۇزەگە اسىراتىن جەكە تۇلعالار ءۇشىن);

2) قازاقستان رەسپۋبليكاسىنىڭ فارماتسەۆتيكالىق نارىعىندا كەمىندە ءبىر جىل جۇمىس تاجىريبەسىنىڭ بولۋى (بۇل تالاپ وندىرۋشىلەرگە قولدانىلمايدى);

3) تولەم قابىلەتتىلىگىنىڭ بولۋى, سالىق بەرەشەگىنىڭ, مىندەتتى زەينەتاقى جارنالارى, مىندەتتى كاسىپتىك زەينەتاقى جارنالارى, الەۋمەتتىك اۋدارىمدار مەن مىندەتتى الەۋمەتتىك مەديتسينالىق ساقتاندىرۋ اۋدارىمدارى جانە (نەمەسە) جارنالارى بويىنشا بەرەشەگىنىڭ بولماۋى;

4) بانكروتتىق نە تاراتىلۋ راسىمدەرىنە جاتپاۋى;

5) جوسىقسىز الەۋەتتى ءونىم بەرۋشىلەر ء(ونىم بەرۋشىلەر) تىزبەسىندە بولماۋى;

6) رۇقسات بەرۋ ورگاندارى ليتسەنزيالاۋ نەمەسە رۇقسات بەرۋ ءراسىمى ارقىلى جۇزەگە اسىراتىن قىزمەتتى نەمەسە ارەكەتتى (وپەراتسيانى) جۇزەگە اسىرۋعا جەكە تۇلعانىڭ نەمەسە زاڭدى تۇلعانىڭ كاسىپكەرلىك قىزمەتتى جۇزەگە اسىرۋعا رۇقساتىنىڭ بولۋى.

15. فارماتسەۆتيكالىق كورسەتىلەتىن قىزمەتتەردى ساتىپ الۋ كەزىندە الەۋەتتى ءونىم بەرۋشى مىناداي بىلىكتىلىك تالاپتارىنا سايكەس كەلەدى:

1) شارتتار جاساسۋ ءۇشىن ازاماتتىق قۇقىقتىق قابىلەتتىلىگىنىڭ بولۋى;

2) قازاقستان رەسپۋبليكاسىنىڭ زاڭنامالىق اكتىلەرىنە سايكەس ساتىپ الۋدى وتكىزۋ ساتىنە تولەم قابىلەتتىلىگىنىڭ بولۋى, تاراتىلۋعا جاتپاۋى, مۇلكىنە تىيىم سالىنباۋى, قارجىلىق-شارۋاشىلىق قىزمەتى توقتاتىلماۋعا ءتيىس;

3) قىزمەت تۇرلەرىن جۇزەگە اسىراتىن الەۋەتتى ءونىم بەرۋشىنىڭ قۇقىقتىق قابىلەتتىلىگىنىڭ بولۋى, ولارمەن اينالىسۋ ءۇشىن قازاقستان رەسپۋبليكاسىنىڭ اقپاراتتاندىرۋ تۋرالى زاڭناماسىنا سايكەس مەملەكەتتىك ورگانداردىڭ اقپاراتتىق جۇيەلەرى ارقىلى راستالاتىن رۇقسات, حابارلاما جىبەرۋ قاجەت. مەملەكەتتىك ورگانداردىڭ اقپاراتتىق جۇيەلەرىندە مالىمەتتەر بولماعان جاعدايدا الەۋەتتى ءونىم بەرۋشى قازاقستان رەسپۋبليكاسىنىڭ زاڭناماسىنا سايكەس الىنعان (جىبەرىلگەن) ءتيىستى رۇقساتتىڭ (حابارلامانىڭ) نوتاريات كۋالاندىرعان كوشىرمەسىن ۇسىنادى;

4) شارت بويىنشا مىندەتتەمەلەردى ورىنداۋ ءۇشىن قاجەتتى قارجىلىق, ماتەريالدىق جانە ەڭبەك رەسۋرستارىنىڭ, ونىڭ ىشىندە دارىلىك زاتتاردى جانە مەديتسينالىق ماقسات­تاعى بۇيىمداردى بولشەك ساۋدادا وتكىزۋ پۋنكتتەرىنىڭ, بىلىكتى پەرسونالىنىڭ بولۋى, بۇل رەتتە دارىلىك زاتتاردى جانە مەديتسينالىق ماقساتتاعى بۇيىمداردى بولشەك ساۋدادا وتكىزۋ پۋنكتتەرىنىڭ بولۋىن راستاۋ ءۇشىن بىرلەسىپ ورىنداۋشىنى تارتۋعا رۇقسات ەتىلەدى;

5) امبۋلاتوريالىق ءدارى-دارمەكپەن قامتاماسىز ەتۋدى ەسەپكە الۋدىڭ اۆتوماتتاندىرىلعان اقپاراتتىق جۇيەسىن جۇرگىزۋ ءۇشىن كومپيۋتەرلىك تەحنيكانىڭ جانە تەلەكوممۋنيكاتسيالىق بايلانى