2018 جىلدىڭ كۇزىنەن باستاپ كاسىپورىنداعى ءبىر روبوتتىڭ ءوزى تاۋلىگىنە سەگىز عيماراتقا (ۆيللا مەن تاۋنحاۋستار) دەيىن سالماق. ءوندىرىس 40 مىڭ شارشى مەترلىك ايماقتا قولعا الىنباق.
كاسىپورىن باسشىسى فەيتسال كوتتيكوللوننىڭ ايتۋىنشا, ءۇي قۇرىلىسىندا روبوتوتەحنيكانىڭ پايدالانۋى ۇلكەن رەۆوليۋتسيا. كاسىپورىن ءوزىنىڭ روبوتتارىن جاساۋدا كوپتەگەن تەحنولوگيانى Tesla كومپانياسىنىڭ ۇلگىسىندە جاساعان.
ء"بىز ءتورتىنشى ونەركاسىپتىك توڭكەرىسكە اياق باستىق. الداعى ۋاقىتتا قۇرىلىسشى روبوتتاردىڭ جۇمىس ىستەۋى قالىپتى نارسەگە اينالماق. جاڭا ءتاسىل جۇمىس كۇشىن ۇنەمدەپ, قورشاعان ورتانىڭ لاستانۋىنا توسقاۋىل بولادى", - دەيدى كاسىپكەر.
روبوتتار داپ-دايىن ءۇي سالىپ بەرەدى. سىرتقى قۇرىلىستان باستاپ ىشكى ارلەۋ جۇمىستارىنا دەيىن بارلىعىن روبوتتار اۆتوماتتى تۇردە جاسايدى. الداعى ۋاقىتتا وسىنداي تاسىلمەن اۋرۋحانا, قوناقۇي مەن الەۋمەتتىك نىساندار سالىناتىن بولادى.
الدىن الا جوسپار بويىنشا, وسى تەحنولوگيا 2020 جىلى وتەتىن ەكسپو كورمەسى كەزىندە تۋريستەردى ۇيمەن قامتۋ ءۇشىن پايدالانىلماق.