اكىم ۇلتتىق كاسىپكەرلەر پالاتاسىمەن بىرلەسىپ دۇكەن اشۋدىڭ ناقتى تالاپتارىن جاساۋ بويىنشا ارنايى كوميسسيا قۇرۋدى ۇسىنۋدا.
"گەرمانياعا بارعان قازاق كاسىپكەرىنە قازاق ءدامحاناسىن اشۋعا رۇقسات بەرىپتى دە, قىتاي اسحاناسىنا رۇقسات بەرمەپتى. ويتكەنى ول اۋداندا قىتاي ءدامحاناسى بولعان. جەرگىلىكتى بيلىك وسىلاي جوسپارلى جۇمىس ىستەيدى", - دەپ مىسال كەلتىردى قالا باسشىسى.
"بىزدە دۇڭگىرشەكتەر جاڭبىردان كەيىنگى ساڭىراۋقۇلاقتاي قاپتاپ كەتتى. ستاتيستيكا بويىنشا 900, ال شىن مانىندە بىرنەشە ەسە كوپ. ولار ەسەپ بەرمەيدى. سونىڭ ىشىندەگى 500 دۇڭگىرشەكتە ەشقانداي قۇجات تا جوق. ولاردى نە ىستەۋ كەرەك؟ ءبىز زاڭدى جۇمىس ىستەپ جاتقاندارعا باسىمدىق بەرەمىز. استاناداعى سياقتى ادەمى دۇڭگىرشەكتەر سالۋ كەرەك. قۇجات بويىنشا ءبارى دۇرىس. بىراق سالقىن زەردەمەن ويلاساڭىز اقىلعا قونبايدى. جولدىڭ ورتاسىندا تۇرىپ الىپ كىسى وتەتىپ جەرلەردى جاۋىپ تاستاعان. الدىمەن ءتارتىپ ورناتۋ كەرەك", - دەدى اكىم.
ءوز سوزىندە باۋىرجان بايبەك ءار قالانىڭ ءوز ەرەكشەلىكتەرى بار ەكەنىن ايتتى.
"استانادا ءۇي كوپ سالىنىپ جاتىر, دۇكەن جەتىسپەيدى. بۇل استانانىڭ ماسەلەسى. كوپشىلىكتىڭ ايتۋىنشا, وڭ جاعالاۋ ىڭعايلى. ال سول جاعالاۋدا قۇرىلىس ءجۇرىپ جاتىر. سول جاققا دۇكەن جەتىسپەيدى. تۋريستەرلى تارتۋ ءۇشىن قالا ادەمى جانە ىڭعايلى بوۋلى كەرەك. حالىقارالىق ستاندارتتارعا ساي بولعانى دۇرىس. ءبىز ۆوكزالدار مەن اۋەجاي ماڭىن دا بازارعا اينالدىرىپ جىبەردىك", - دەدى اكىم.
اكىمنىڭ ايتۋىنشا, بىرىڭعاي ستاندارت دايىندالعاننان كەيىن كەرەك ەمەس دۇكەندەردى ءسۇرۋدى حالىق تا قولداۋى ءتيىس. سونىمەن قاتار اكىم ورىنسىز جەرگە سالىنعان بازارلاردى دا ءسۇرىپ تاستاۋ كەرەكتىگىن ايتتى.