«تۇزەۋ مەكەمەلەرىندە بيزنەس-ينكۋباتور وندىرىستىك كەشەنى جۇمىس ىستەيدى. كۇندەلىكتى تۇرمىسقا قاجەتتى زاتتار دايىندالادى, الايدا بۇل جايىندا كوپشىلىك حابارسىز. جاسالعان بۇيىمداردى حالىققا كورسەتۋ ماقساتىندا كورمە ۇيىمداستىردىق», - دەيدى وبلىس اكىمىنىڭ ءبىرىنشى ورىنباسارى عۇمار دۇيسەمباەۆ. سوتتالعاندار قولىنان شىققان سان ءتۇرلى بۇيىمدار قويىلعان كورمەگە 17 كاسىپورىن مەن جەكە كاسىپكەرلەر قاتىستى.
وبلىستىق قىلمىستىق اتقارۋ جۇيەسى دەپارتامەنتىنىڭ سوتتالعاندار ەڭبەگىن ۇيىمداستىرۋ توبىنىڭ باس مامانى جانگۇل وتاراليەۆانىڭ ايتۋىنشا, تۇزەۋ مەكەمەلەرىندەگى ازاماتتاردى جۇمىسقا الۋعا ىنتالى كاسىپكەرلەر قاتارى جىل ساناپ ارتىپ كەلەدى. قازىر مۇندا 80 جۇمىس كۇشىمەن قامتىلعان جەتى كاسىپكەر قىزمەت اتقارادى. ولار «بيزنەستىڭ جول كارتاسى-2020» مەملەكەتتىك باعدارلاماسى ارقىلى قارجىلاي قولداۋ شارالارىن العان. سونداي-اق, ءوندىرىس ايماعى مەن قىزمەتكەرلەر ارزان باعامەن جالعا بەرىلەدى. مىسالى, «ەڭبەك اتىراۋ» كاسىپورنى قىرىققا جۋىق سوتتالۋشىنى قىزمەتپەن قامتىپ وتىر. ايماقتاعى مۇناي سالاسى ماماندارىنىڭ ءبارى وسى جەردە تىگىلگەن كيىمدەردى الادى.
بيىل ايەلدەر كولونياسىندا ەتىك تىگەتىن تسەح ىسكە قوسىلادى دەگەن جوسپار بار. جالپى, سوتتى بولعانداردى جۇمىسپەن قامتۋدىڭ ءتيىمدى تۇسى – بوس ۋاقىتتارىن پايدالى ىسكە ارنايدى ءارى سول جەردە كاسىپكەرلىك بىلىكتىلىكتەرىن ارتتىرادى. ەڭ باستىسى, ەڭبەكاقى تولەنەدى.ء بىر ايتا كەتەرلىگى, وزدەرىنىڭ تابىستارىن وتباسىلارىنا جىبەرەتىندەر دە بار.
باقىتگۇل باباش, "ەگەمەن قازاقستان"
اتىراۋ
سۋرەتتى تۇسىرگەن نۇربەيبىت نۇعمانوۆ