وسكەمەن قالاسىندا وتكەن فينالدىق ويىندا «استانا» كومانداسىن 3:0 ەسەبىمەن ۇتقان «التاي» ۆولەيبول كومانداسى ۇپاي سانى بويىنشا «ەرتىس-كازحروم» كومانداسىنان اسىپ ءتۇسىپ, جەڭىس تۇعىرىنىڭ ەڭ بيىگىنەن كورىندى.
رەتى كەلگەندە ايتا كەتەيىك, «التاي» ۆولەيبول كلۋبىنىڭ ەرلەر جانە ايەلدەر قۇراماسى وتكەن جىلى دا ەل بىرىنشىلىگىندە توپ جارعان ەدى.
– قر ۆولەيبول فەدەراتسياسى اتىنان چەمپيوناتتىڭ جۇلدەگەرلەرى مەن جەڭىمپازدارىن شىن جۇرەكتەن قۇتتىقتايمىن. شارانى جوعارى دەڭگەيدە وتكىزىپ, قولداۋ بىلدىرگەنى ءۇشىن وبلىس اكىمى دانيال احمەتوۆكە العىس بىلدىرەمىن. الداعى ۆولەيبولدان وتەتىن ازيا چەمپيوناتىندا «التاي» كومانداسىنىڭ ويىنشىلارى ەل نامىسىن ابىرويمەن قورعايدى دەگەن سەنىمدەمىن, – دەدى قر ۆولەيبول فەدەراتسياسىنىڭ باس حاتشىسى ەرمەك سىرلىباەۆ.
بيىلعى جىلدىڭ 25 – 31 مامىر ارالىعىندا وسكەمەندە ايەلدەر اراسىندا ۆولەيبولدان كلۋبتىق ازيا چەمپيوناتى وتەدى دەپ جوسپارلانعان. ءدۇبىرلى دودادا قازاقستان اتىنان «التاي» ۆولەيبول كلۋبى ونەر كورسەتەدى.
ازامات قاسىم, «ەگەمەن قازاقستان»
وسكەمەن